മാധവ് സുരേഷ് നായകനായ സിനിമയാണ് കുമ്മാട്ടിക്കളി. ചിത്രത്തിലെ ഒരു സീനില്‍ മാധവിന്റെ പ്രകടനവും ഡയലോഗും സോഷ്യല്‍ മീഡിയയില്‍ ട്രോളായി മാറിയ ഒന്നാണ്. ചിത്രത്തിലെ 'എന്തിനാടാ കൊന്നിട്ട്... നമ്മള്‍ അനാഥരാണ്... ഗുണ്ടകള്‍ അല്ല' എന്ന ഡയലോഗാണ് ട്രോളായത്.
ഇപ്പോഴിതാ, ഈ ട്രോള്‍ പാട്ടായി പാടിയിരിക്കുകയാണ് മാധവ്. 'എന്തിനാടാ കൊന്നിട്ട്, നമ്മള്‍ അനാഥരാണ് ഗുണ്ടകളല്ല' എന്ന ഡയലോഗ് മാധവും കൂട്ടുകാരും ചേര്‍ന്നാണ് പാട്ടിന്റെ രൂപത്തില്‍ ആലപിക്കുന്നത്. 'എന്നെ ട്രോളാന്‍ ഞാന്‍ തന്നെ മതി' എന്നാണ് വിഡിയോയ്‌ക്കൊപ്പമുള്ള കുറിപ്പ്.
നേരത്തെ ഈ ട്രോളുകളോട് പ്രതികരിച്ച് മാധവ് സുരേഷ് രംഗത്ത് എത്തിയിരുന്നു. 'സത്യസന്ധമായി പറഞ്ഞാല്‍ കുമ്മാട്ടിക്കളിയില്‍ എന്റേത് നല്ല പ്രകടനമോ അത് നല്ലൊരു കാന്‍വാസോ ആയിരുന്നില്ല. എന്നാല്‍, അതുകാരണമുള്ള ട്രോളുകളില്‍ കേള്‍ക്കുന്നത് ഞാന്‍ മാത്രമാണ്. നീ പണി നിര്‍ത്തി പോ, നിനക്കിത് പറ്റില്ല എന്നൊക്കെയാണ് ആളുകള്‍ പറയുന്നത്. എനിക്ക് പറ്റുമോ ഇല്ലയോ എന്ന്, ഞാന്‍ ശ്രമിച്ചതിന് ശേഷം, പറ്റില്ലാ എന്ന് എനിക്ക് തെളിഞ്ഞാല്‍ പോയ്ക്കോളാം. അതിനി അങ്ങനെയല്ലെങ്കില്‍ ഞാന്‍ ഇവിടെതന്നെ കാണും.
ഞാനത് ചെയ്തു, ഇനി മാറ്റാന്‍ കഴിയില്ല. പക്ഷേ, അന്ന് ഞാന്‍ ഒന്നുകൂടെ ആലോചിച്ചാല്‍ മതിയായിരുന്നു. എന്റടുത്ത് അവതരിപ്പിച്ച സിനിമ ഇങ്ങനെയായിരുന്നില്ല. അങ്ങനെ സംഭവിക്കാറുണ്ട്, എനിക്ക് മാത്രമല്ല ഉണ്ടായിട്ടുള്ളത്. എല്ലാകാലത്തും എല്ലാതാരങ്ങള്‍ക്കും ഉണ്ടായിട്ടുണ്ട്.
സ്‌ക്രിപ്റ്റ് പറയുമ്പോള്‍ ഒരു കഥയായിരിക്കും, ഷൂട്ടിങ്ങിന് പോവുമ്പോള്‍ വേറൊരു കഥയാവും. സ്‌ക്രിപ്റ്റ് കേള്‍ക്കുമ്പോള്‍ ഇത്ര ബജറ്റില്‍, ഈ കാന്‍വാസില്‍ ചെയ്യാനുള്ള പ്രൊഡക്ഷനായിരിക്കും പദ്ധതിയിടുന്നത്. ഷൂട്ടിങ് തീരുമ്പോള്‍ കണക്കെടുത്തുനോക്കിയാല്‍ അതിന്റെ പകുതിയുടെ പകുതി പോലും വന്നുകാണില്ല'.- മാധവ് പറഞ്ഞതിങ്ങനെയായിരുന്നു.
Premium Lifestyle and Entertainment website
'എറണാകുളത്ത് പോയാല്‍ ബാദുഷ എന്തെങ്കിലും ചെയ്താലോ എന്ന പേടിയാണ് ഭാര്യയ്ക്ക്'; ഇത് നിന്റെ അന്ത്യമെന്ന് ഭീഷണി വീഡിയോ; പെരുമാറ്റത്തിലൊക്കെ ഭയങ്കര ഡീസന്റായിരുന്നു; അതുകൊണ്ട് വിശ്വസിച്ചുപോയി; പൊളിഞ്ഞു നില്‍ക്കുകയാണെന്ന് പറഞ്ഞ ബാദുഷ ഫ്ളാറ്റൊക്കെ വാങ്ങി; ഹരീഷ് കണാരന്‍ പറയുന്നു 
ലൈറ്റ്മാന്‍മാര്‍ക്ക് വെറും രണ്ട് മൂന്ന് മണിക്കൂര്‍ മാത്രമേ കിട്ടുകയുള്ളൂ; ഷൂട്ടിംഗ് സെറ്റുകളിലെ ജോലി സമയം എട്ട് മണിക്കൂറായി നിജപ്പെടുത്തണം; മഹാനടിക്ക് ശേഷം 12 മാസത്തിനുള്ളില്‍ പത്ത് കിലോ കുറച്ചു; കീര്‍ത്തി സുരേഷ് പങ്ക് വച്ചത്