റിലീസ് ചെയ്ത് ആദ്യ ദിനം തന്നെ ആഗോളതലത്തില്‍ 6.90 കോടി കലക്ഷന്‍ നേടിയ മമ്മൂട്ടി സിനിമ 'യാത്ര' 100 കോടി ക്ലബില്‍ കടക്കുമെന്ന് ആരാധകര്‍;പേരന്‍പില്‍ വിസ്മയം തീര്‍ത്തതിന് പിന്നാലെ മൂന്ന് ഭാഷകളില്‍ നിറഞ്ഞാടി മമ്മൂട്ടി

മഹാനടന്റെ മഹാ വിസ്മയം. മമ്മൂട്ടിയുടെ പേരന്‍പ് എന്ന തമിഴ് ചിത്രവും വൈഎസ്ആറായി വേഷമിട്ട യാത്ര എന്ന ചിത്രവും തിയേറ്ററില്‍ വിജയക്കൊടി പാറിക്കവേയാണ് തെലുങ്കിലെ മമ്മൂട്ടിയുടെ പ്രകടനം നൂറ് കോടി ക്ലബില്‍ കടക്കുമോ എന്ന ചര്‍ച്ച ആരാധകര്‍ക്കിടയില്‍ സജീവമാകുന്നത്. 2019 ആരംഭിച്ചപ്പോള്‍ മുതല്‍ മമ്മൂട്ടിക്ക് കൈ നിറയെ ചിത്രങ്ങളാണ്. ഇതിനിടെയാണ് വൈഎസ്ആറായി മമ്മൂട്ടി വെള്ളിത്തിരയില്‍ വരുന്നത് തിയേറ്ററില്‍ സീറ്റ് ലഭിക്കാതിരുന്നിട്ടും നിന്നുകൊണ്ട് ആളുകള്‍ സിനിമ കണ്ടു എന്ന വാര്‍ത്ത പുറത്ത് വരുന്നത്.

70 എംഎം എന്റര്‍ ടെയ്‌ന്മെന്റ് നിര്‍മ്മിച്ച സിനിമ ആന്ധ്രാപ്രദേശ് മുന്‍ മുഖ്യമന്ത്രി വൈഎസ്ആര്‍ റെഡ്ഡിയുടെ ജീവിതകഥയാണ് പറയുന്നത്. തെലുങ്കില്‍ എടുത്ത സിനിമ മലയാളത്തിലും തമിഴിലും തരംഗം സൃഷ്ടിച്ച് മൂന്നേറുന്നതായിട്ടാണ് വിവരം. സിനിമ കളിക്കുന്ന ഹൈദരാബാദിലെ തീയറ്ററില്‍ നിന്നുള്ള ദൃശ്യങ്ങളാണ് ഇപ്പോള്‍ പുറത്തു വന്നിരിക്കുന്നത്. ലോകം മുഴുവന്‍ അഭിനന്ദനങ്ങള്‍ ഏറ്റുവാങ്ങി കുതിച്ച തമിഴ്ചിത്രം പേരന്‍പിന് തൊട്ടുപിന്നാലെയാണ് യാത്രയും തരംഗമുണ്ടാക്കുന്നത്.

റിലീസ് ചെയ്ത ആദ്യ ദിവസം സിനിമ 6.90 കോടി രൂപയാണ് ആഗോളതലത്തില്‍ നിന്നും നേടിയത്. യുഎസ്, കാനഡ, ഓസ്‌ട്രേലിയ, യുഎഇ, ഗള്‍ഫ് എന്നീ രാജ്യങ്ങളിലും സിനിമയ്ക്ക് വന്‍ സ്വീകരണമാണ് ലഭിച്ചത്. യുഎസ് ബോക്‌സോഫീസ് തൂത്തുവാരുന്ന ചിത്രത്തിന് യുഎഇ, ജിസിസി സെന്ററുകളില്‍ 60 ലൊക്കേഷനുകളിലായി 500 ഷോ ആണ് റിലീസ് ദിവസം ലഭിച്ചിരുന്നത്. വൈഎസ്ആര്‍ റെഡ്ഡിയുടേത്. 1999 മുതല്‍ 2004 വരെയുള്ള കാലഘട്ടത്തിലെ കാര്യമാണ് പറയുന്നത്. 2004 ല്‍ കോണ്‍ഗ്രസിനെ അധികാരത്തില്‍ എത്തിക്കുന്നതില്‍ പ്രധാന പങ്കുവഹിച്ച മൂന്ന് മാസം നീണ്ട പദയാത്രയാണ് സിനിമയുടെ ഇതിവൃത്തം.

മമ്മൂട്ടി രണ്ട് പതിറ്റാണ്ടിന് ശേഷം തെലുങ്കില്‍ അഭിനയിക്കുന്ന ചിത്രമാണ് യാത്ര. നേരത്തേ ദീര്‍ഘകാലത്തിന് ശേഷം തമിഴില്‍ പേരന്‍പിലൂടെ മമ്മൂട്ടി വിസ്മയം തീര്‍ത്തിരുന്നു. റോട്ടര്‍ഡാം, ഐഎഫ്എഫ് ഐ ഉള്‍പ്പടെ നിരവധി മേളകളില്‍ സിനിമ പ്രദര്‍ശിപ്പിച്ച് വലിയ പ്രേക്ഷക പ്രീതി പിടിച്ചു പറ്റിയിരുന്നു. സെറിബ്രല്‍ പാള്‍സി ബാധിച്ച കുഞ്ഞിന്റെ അച്ഛനായി മമ്മൂട്ടി അഭിനയിച്ചത് ഏറെ പ്രശംസ പിടിച്ച് പറ്റിയിരുന്നു.