ബാഹുബലി യുഗം കഴിഞ്ഞു, ഇനി വരുന്നത് 'ഫൗജി'; ഏഴുവര്‍ഷത്തിന് ശേഷം ഡിപി മാറ്റി പ്രഭാസ്, പുതിയ ലുക്ക് വൈറല്‍ 

പാന്‍-ഇന്ത്യന്‍ സൂപ്പര്‍സ്റ്റാര്‍ പ്രഭാസിന്റെ കരിയറിലെ പുതിയൊരു അധ്യായത്തിന് തുടക്കം കുറിച്ചുകൊണ്ട് സമൂഹമാധ്യമങ്ങളില്‍ തരംഗമായി താരത്തിന്റെ പുതിയ പ്രൊഫൈല്‍ ചിത്രം. കഴിഞ്ഞ ഏഴു വര്‍ഷമായി തന്റെ എല്ലാ സോഷ്യല്‍ മീഡിയ അക്കൗണ്ടുകളിലും പ്രഭാസ് ഉപയോഗിച്ചിരുന്ന ഡിപി യായ   ഐക്കണിക് 'ബാഹുബലി' ചിത്രത്തിനാണ് ഇപ്പോള്‍ മാറ്റം വന്നിരിക്കുന്നത്. വരാനിരിക്കുന്ന ബ്രഹ്മാണ്ഡ ചിത്രം 'ഫൗജി'യിലെ തീവ്രമായ ലുക്കാണ് താരം പുതിയ ഡിപിയായി തിരഞ്ഞെടുത്തിരിക്കുന്നത്. ചിത്രം മാറിയതിന് പിന്നാലെ നിമിഷനേരം കൊണ്ടാണ് സിനിമാപ്രേമികള്‍ ഈ പുതിയ ലുക്ക് ഇന്റര്‍നെറ്റില്‍ ഏറ്റെടുത്തത്.

സ്വാതന്ത്ര്യ ദിനം ആഘോഷിക്കുന്ന ഓഗസ്റ്റ്  തുടക്കത്തില്‍ തന്നെ ഇത്തരമൊരു മാറ്റം വന്നത് ഏറെ ശ്രദ്ധേയമാണ്. 'ഫൗജി' എന്ന ചിത്രത്തിന്റെ ദേശസ്നേഹ പശ്ചാത്തലത്തോട് കൃത്യമായി ചേര്‍ന്നുനില്‍ക്കുന്നതാണ് ഈ പുതിയ നീക്കം. വെറുമൊരു പ്രൊഫൈല്‍ പിക്ചര്‍ അപ്ഡേറ്റ് എന്നതിലുപരി, പ്രഭാസിന്റെ സിനിമാ ജീവിതത്തിലെ ഒരു സുപ്രധാന യുഗത്തില്‍ നിന്നുള്ള മാറ്റമായാണ് ആരാധകര്‍ ഇതിനെ നോക്കിക്കാണുന്നത്. ബാഹുബലി നല്‍കിയ ചരിത്രവിജയത്തില്‍ നിന്നും ഫൗജി എന്ന പുതിയ കാലഘട്ടത്തിലേക്കുള്ള ശക്തമായ ചുവടുവെപ്പായി ഈ ഡിപി മാറ്റം വിലയിരുത്തപ്പെടുന്നു.

എക്‌സ് അടക്കമുള്ള സമൂഹമാധ്യമ പ്ലാറ്റ്ഫോമുകളില്‍ പ്രഭാസിന്റെ ഈ പുതിയ അവതാര്‍ വലിയ ചര്‍ച്ചകള്‍ക്കാണ് വഴിവെച്ചിരിക്കുന്നത്. പുതിയ ചിത്രത്തിന്റെ വ്യാപ്തിയും അണിയറപ്രവര്‍ത്തകരുടെ വലിയ ലക്ഷ്യവും എത്രത്തോളമുണ്ടെന്ന് ഈയൊരു അപ്ഡേറ്റിലൂടെ വ്യക്തമാകുന്നുണ്ടെന്നാണ് ആരാധകരുടെ അഭിപ്രായം. ലോകമെമ്പാടുമുള്ള ദശലക്ഷക്കണക്കിന് ആരാധകരെ സംബന്ധിച്ചിടത്തോളം അവരുടെ പ്രിയതാരത്തിന്റെ ഈ ചെറിയ മാറ്റം പോലും വരാനിരിക്കുന്ന വമ്പന്‍ പ്രഖ്യാപനങ്ങളുടെ സൂചനയാണ്. വിനോദ വാര്‍ത്താ പേജുകളിലും ഫാന്‍ ഗ്രൂപ്പുകളിലും ഫൗജിയെക്കുറിച്ചുള്ള ചര്‍ച്ചകള്‍ വീണ്ടും സജീവമാക്കാന്‍ ഈ ഒരൊറ്റ ചിത്രത്തിന് കഴിഞ്ഞിട്ടുണ്ട്. ചുരുക്കത്തില്‍, പ്രഭാസിന്റെ കരിയറിലെ മറ്റൊരു നാഴികക്കല്ലാകാന്‍ പോകുന്ന ഫൗജിക്കായുള്ള കാത്തിരിപ്പിന്റെ ആവേശം വാനോളം ഉയര്‍ത്തുകയാണ് ഈ പുതിയ മാറ്റം.