ഡേറ്റ് ചെയ്ത ആളെ കാണാന്‍ വേണ്ടി ലണ്ടനിലേക്ക് പോയി; ലൈഫിലെ ഏറ്റവും റൊമാന്റിക്കായ സമയം;ആദ്യത്തെ ടാറ്റൂ ആദ്യത്തെ ബോയ്ഫ്രണ്ടിന് വേണ്ടി;പുറത്ത് പോകുന്നതും പാര്‍ട്ടികള്‍ക്ക് പോകുന്നതും നിര്‍ത്തി; പ്രിയ വാര്യര്‍ പ്രണയത്തെക്കുറിച്ച് പങ്ക് വച്ചത്

സോഷ്യല്‍ മീഡിയയില്‍ പ്രിയ വാര്യര്‍ വലിയ തരംഗമാണ് സൃഷ്ടിച്ചത്.മലയാളത്തില്‍ വലിയ ഹിറ്റ് ലഭിച്ചിട്ടില്ലെങ്കിലും മറ്റ് ഭാഷകളില്‍ നിന്ന് വലിയ അവസരങ്ങള്‍ പ്രിയ വാര്യര്‍ക്ക് ലഭിക്കുന്നുണ്ട്. അജിത്ത് ചിത്രം ഗുഡ് ബാഡ് അഗ്ലിയിലെ പ്രിയയുടെ റോള്‍ ഏറെ ജനപ്രീതി നേടി. സോഷ്യല്‍ മീഡിയ ഒന്നടങ്കം സിനിമയിലെ പ്രിയയുടെ ദൃശ്യങ്ങളായിരുന്നു കഴിഞ്ഞ ദിവസങ്ങളില്‍. 

ഗുഡ് ബാഡ് അഗ്ലിയിലെ തൊട്ട് തൊട്ട് പേസും സുല്‍ത്താന എന്ന പ്രിയയുടെ ഡാന്‍സ് നമ്പറായിരുന്നു ഇതിന് കാരണം. ഇപ്പോളിതാ വ്യക്തി ജീവിതത്തെക്കുറിച്ച് സംസാരിക്കുകയാണ് പ്രിയ. താന്‍ സിംഗിളാണെന്ന് നടി പറയുന്നു. ധന്യ വര്‍മയുമായുള്ള അഭിമുഖത്തിലാണ് പ്രിയ മനസ് തുറന്നത്. എന്റെ ചോയ്‌സ് കൊണ്ട് സിംഗിള്‍ ആയതാണെന്ന് കരുതുന്നില്ല. ബ്രേക്കപ്പില്‍ വിഷമം വരുമ്പോള്‍ കരഞ്ഞ് തീര്‍ക്കും. സുഹൃത്തുക്കളോട് തുറന്ന് സംസാരിക്കുക. പരമാവധി ഇത് ചെയ്ത് കുറച്ച് കാലം കഴിയുമ്പോള്‍ റെഡിയാകും. എന്നെ ആരും പ്രൊപ്പോസ് ചെയ്തിട്ടില്ല. ചിലപ്പോള്‍ പേടിയായിരിക്കും. ആരോടെങ്കിലും താല്‍പര്യമുണ്ടെങ്കില്‍ എപ്പോഴും ഞാനാണ് തുടക്കമിടുക. എനിക്ക് താല്‍പര്യമുണ്ടെന്ന് ഞാനായിരിക്കും പറയുക. ഇങ്ങോട്ട് ആരും പറയാറില്ല. 

ചിലപ്പോള്‍ റിജക്ഷന്‍ ഹാന്‍ഡില്‍ ചെയ്യാന്‍ ആര്‍ക്കും താല്‍പര്യമില്ലാത്തത് കൊണ്ടായിരിക്കും. ആരെങ്കിലും ക്യൂട്ട് ആണെന്ന് തോന്നിയാല്‍ ഞാന്‍ പറയും. നീയും ക്യൂട്ടാണെന്ന് അപ്പോള്‍ അവരും പറയും. നമ്മള്‍ ഒരു സ്റ്റെപ്പ് എടുത്താലേയുള്ളൂ. ഞാന്‍ വളരെ റൊമാന്റിക്കാണ്. പക്ഷെ എനിക്ക് വേണ്ടി ആരും റൊമാന്റിക്കായി ഒന്നും ചെയ്തിട്ടില്ല. ഇതാണ് ?ഗതികേടെന്ന് നാട്ടുകാര്‍ പറഞ്ഞാല്‍ വിശ്വസിക്കുമോ. എന്തൊരു ലൈഫാണെന്നായിരിക്കും അവര്‍ ചിന്തിക്കുന്നത്. പക്ഷെ അങ്ങനെയല്ല. പ്രണയ ബന്ധത്തിലായിരിക്കുമ്പോള്‍ താന്‍ പരമാവധി ഈ ബന്ധം നിലനിര്‍ത്താന്‍ ശ്രമിച്ചിട്ടുണ്ടെന്നും പ്രിയ വാര്യര്‍. ഷൂട്ടിലാണെങ്കിലും എവിടെയാണെങ്കിലും ഞാന്‍ ഫ്‌ലവേഴ്‌സ് അയക്കും. നമുക്ക് എന്തെങ്കിലും കിട്ടണമങ്കില്‍ കാത്തിരിക്കണം. ഡേറ്റ് ചെയ്ത ആളെ കാണാന്‍ വേണ്ടി ഞാന്‍ ലണ്ടനിലേക്ക് പോയിട്ടുണ്ട്. ക്രിസ്തുമസ്, ന്യൂ ഇയേര്‍ സമയമായിരുന്നു. എന്റെ ലൈഫിലെ ഏറ്റവും റൊമാന്റിക്കായ സമയമായിരുന്നു അത്.

ആദ്യത്തെ ടാറ്റൂ എന്നെ ആദ്യത്തെ ബോയ്ഫ്രണ്ടിന് വേണ്ടിയായിരുന്നു. സ്‌കൂളില്‍ പഠിക്കുകയാണ്. ഐ ലവ് യു ഇന്‍ഫിനിറ്റി എന്ന് ഞങ്ങള്‍ അന്ന് പറയുമായിരുന്നു. ഇന്‍ഫിനിറ്റി എന്ന് ടാറ്റൂ ചെയ്തു. ബ്രേക്കപ്പ് കഴിഞ്ഞ് രണ്ട് വര്‍ഷത്തിന് ശേഷമാണ് ഈ ടാറ്റൂ ചെയ്തത്. സ്മാരകം പണിയുന്നത് പോലെ. മിനിമല്‍ ടാറ്റൂകളാണ് എനിക്കുള്ളത്. അല്ലെങ്കില്‍ ഷൂട്ടിന്റെ സമയത്ത് അത് കവര്‍ ചെയ്യേണ്ടി വരുമെന്നും പ്രിയ വാര്യര്‍ പറയുന്നു.

ഞാനങ്ങനെ ഔട്ട് ഗോയിംഗ് അല്ല. ഞാന്‍ റിസേര്‍വ്ഡ് ആണ്. പെട്ടെന്ന് എല്ലാവരുമായും മിംഗിള്‍ ചെയ്യാനറിയില്ല. അതുകൊണ്ട് തന്നെ പാര്‍ട്ടികള്‍ ഒഴിവാക്കാറാണ് പതിവ്. പോയാലും ലഹരി ഉപയോഗിക്കാറില്ലെന്ന് പ്രിയ പറയുന്നു. ഒരിക്കല്‍ സുഹൃത്തുക്കള്‍ക്കൊപ്പം പ്രൈവറ്റ് പാര്‍ട്ടിയില്‍ ആഘോഷിക്കവെ പ്രിയയുടെ ദൃശ്യങ്ങള്‍ സുഹൃത്തുക്കള്‍ യൂട്യൂബ് ചാനലില്‍ ഇട്ടിരുന്നു. മദ്യപിച്ച പ്രിയയുടെ ദൃശ്യങ്ങള്‍ വലിയ ചര്‍ച്ചയായി.

 ഇതേക്കുറിച്ചും പ്രിയ സംസാരിക്കുന്നുണ്ട്. അതിന് ശേഷം ഞാന്‍ വളരെ കോണ്‍ഷ്യസ് ആയിരുന്നു. പുറത്ത് പോകുന്നതും പാര്‍ട്ടികള്‍ക്ക് പോകുന്നതും നിര്‍ത്തി. ഇപ്പോള്‍ എനിക്ക് താല്‍പര്യമില്ല. എനിക്ക് ചില്‍ ചെയ്യണമെന്നുണ്ടെങ്കില്‍ സുഹൃത്തുക്കളുടെയടുത്ത് പോകും. അല്ലെങ്കില്‍ അവരെ ഇങ്ങോട്ട് വിളിക്കും. ആ സ്വകാര്യത തനിക്ക് പ്രധാനമാണെന്നും പ്രിയ വാര്യര്‍ വ്യക്തമാക്കി.