മലയാള സിനിമയിലെ എക്കാലത്തെയും വലിയ ചിരിവിരുന്നുകളിലൊന്നായ 'വെള്ളാനകളുടെ നാട്' സിനിമയിലെ കുതിരവട്ടം പപ്പുവിന്റെ റോഡ് റോളര് രംഗം സാങ്കേതികമായി അസാധ്യമാണെന്ന് സംവിധായകന് പ്രിയദര്ശന്. ദശകങ്ങളായി പ്രേക്ഷകര് ചിരിച്ചു മറിയുന്ന ആ രംഗം യുക്തിപരമായ പിഴവുകള് ഉണ്ടായിട്ടും പ്രേക്ഷകര് ഏറ്റെടുത്തത് സിനിമയുടെ മാന്ത്രികതയാണെന്ന് അദ്ദേഹം കൊച്ചിയില് പറഞ്ഞു.
മൊയ്തീന് നന്നാക്കാന് ശ്രമിക്കുന്നതിനിടെ റോഡ് റോളര് തനിയെ താഴേക്ക് ഉരുണ്ടുപോകുന്ന രംഗം സത്യത്തില് അസാധ്യമാണ്. ഒരു റോഡ് റോളര് സ്റ്റാര്ട്ട് ചെയ്തില്ലെങ്കില് അതില് ഓട്ടോമാറ്റിക് ബ്രേക്ക് വീണ് നില്ക്കും. എന്ജിന് പ്രവര്ത്തിപ്പിക്കാതെ അത് ഒരിക്കലും മുന്നോട്ടോ പിന്നോട്ടോ നീങ്ങില്ല. പക്ഷേ, സിനിമയില് നമ്മള് പ്രേക്ഷകരുടെ സാമാന്യബോധത്തെ കബളിപ്പിക്കുകയാണ് ചെയ്തത്. ആളുകള് അത് വിശ്വസിച്ചു, നെഞ്ചേറ്റി,' പ്രിയദര്ശന് വെളിപ്പെടുത്തി. താന് സംവിധാനം ചെയ്ത ചിത്രങ്ങളില് തന്നെ ഏറ്റവും കൂടുതല് ചിരിപ്പിച്ച രംഗം ഇതാണെന്നും അദ്ദേഹം കൂട്ടിച്ചേര്ത്തു.
1988-ല് പുറത്തിറങ്ങിയ 'വെള്ളാനകളുടെ നാട്' മലയാളത്തിലെ മികച്ച പൊളിറ്റിക്കല് സറ്റയറുകളില് ഒന്നാണ്. ശ്രീനിവാസന്റെ തിരക്കഥയില് പ്രിയദര്ശന് ഒരുക്കിയ ചിത്രത്തിലെ കുതിരവട്ടം പപ്പുവിന്റെ പ്രകടനം പകരം വയ്ക്കാനില്ലാത്തതാണ്. 'താമരശ്ശേരി ചുരം', 'ഇപ്പൊ ശരിയാക്കിത്തരാം', 'പടച്ചോനേ ഇങ്ങള് കാത്തോളീ' തുടങ്ങിയ ഡയലോഗുകള് ഇന്നും മലയാളികളുടെ സംസാരഭാഷയുടെ ഭാഗമാണ്. നിസ്സഹായനായ മുന്സിപ്പല് എന്ജിനീയര് സി.പി. നായരായി മോഹന്ലാല് തകര്ത്താടിയ ചിത്രം സര്ക്കാര് സംവിധാനങ്ങളിലെ അഴിമതിയെയും ചുവപ്പുനാടകളെയും രസകരമായി പരിഹസിക്കുന്നു.
റോഡ് പണിയിലെ അഴിമതിയും ക്വാറി മാഫിയയും ഉദ്യോഗസ്ഥ ദുഷ്പ്രഭുത്വവും ഇന്നും കേരളീയ സമൂഹത്തില് ചര്ച്ചാവിഷയമാണ്. അതുകൊണ്ടുതന്നെ മോഹന്ലാല്, ശോഭന, ശ്രീനിവാസന്, തിലകന് തുടങ്ങിയ വന് താരനിര അണിനിരന്ന ഈ ചിത്രം ഇന്നും പ്രസക്തമായി തുടരുന്നു. സാങ്കേതികമായി 'തെറ്റായ' ആ റോഡ് റോളര് രംഗം ഇന്നും മലയാളിയുടെ ചിരിയുടെ പര്യായമായി നിലനില്ക്കുന്ന
Premium Lifestyle and Entertainment website
കീമോ സ്റ്റാര്ട്ട് ചെയ്തു; നേരെ ഇരുന്നു കഴിഞ്ഞാല് ശര്ദ്ധിക്കും; തലകറക്കമാണ്; പിടലി എല്ലാം പൊട്ടി; കാന്സറിനെ പേടിയില്ല;പക്ഷേ എനിക്ക് ചുറ്റും നല്ല കുറച്ച് ആള്ക്കാരുടെ വേദനയാണ് സഹിക്കാന് പറ്റാത്തത്;ഞാന് 11 വയസ് തൊട്ട് നോക്കിയ ഒരു കുട്ടിയുണ്ട്; അവന് ഇതുവരെ തിരിഞ്ഞു നോക്കിയിട്ടില്ല; രേണു സുധി പങ്ക് വക്കുന്നത്
പരിചയമുള്ള ആളുകളോടാണോടോ ഇങ്ങനെയുള്ള വൃത്തികേട് പറയുന്നത്; വിമര്ശിച്ചുള്ള കമന്റ് വന്നാല് മറുപടി നല്കാറുണ്ട്; പക്ഷെ അസഭ്യം പറഞ്ഞാല് അത് ശരിയല്ല; ഫേസ്ബുക്ക് പരസ്യത്തിന് താഴെ മോശം കമന്റിട്ടയാള്ക്കെതിരെ പരാതി നല്കി ലക്ഷ്മി മേനോന്; പൂട്ടി സൈബര് സെല്