ബെന്സി പ്രൊഡക്ഷന്സിന്റെ ബാനറില് ഡോക്ടര് കെ.വി.അബ്ദുള് നാസര്, ആഷിയ നാസര് എന്നിവര് ചേര്ന്ന് നിര്മ്മിച്ചു രത്തീന സംവിധാനം ചെയ്ത 'പാതിരാത്രി' തീയേറ്ററുകളില് മികച്ച പ്രതികരണം നേടി മുന്നേറുകയാണ്. നവ്യ നായര്, സൗബിന് ഷാഹിര് എന്നിവരെ കേന്ദ്ര കഥാപാത്രങ്ങളാക്കി റത്തീനയാണ് ചിത്രം സംവിധാനം ചെയ്തിരിക്കുന്നത്. നവ്യ നായരും സൗബിന് ഷാഹിറും പൊലീസുകാരായെത്തുന്ന ചിത്രത്തിന്റെ ട്രെയിലര് സോഷ്യല് മീഡിയയില് ഇപ്പോഴും ട്രെന്ഡിങ് സ്ഥാനത്ത് തുടരുകയാണ്.
ട്രെയ്ലര് ഇറങ്ങിയമുതല് ചിത്രത്തിന്റെ വിശ്വല് ക്വാളിറ്റിയെ കുറിച്ച് സോഷ്യല് മീഡിയയില് ചര്ച്ച ഉയര്ന്നിരുന്നു. എന്നാല് പ്രേക്ഷകരുടെ പ്രതീക്ഷകളെ പോസിറ്റീവില് എത്തിച്ചു റിയലിസ്റ്റിക് ആയ പശ്ചാത്തലം വളരെ വ്യക്തതയോടെ പകര്ന്നെടുത്തത് ഷഹനാദ് ജലാലിന്റെ ഛായാഗ്രഹണമാണ്. ഒരു റിയലിസ്റ്റിക് ക്രൈം ത്രില്ലര് സിനിമയുടെ എല്ലാ ചേരുവകളും കൃത്യമായി ക്യാമറ കണ്ണുകളിലൂടെ ഒപ്പിയെടുത്തു പ്രേക്ഷകരെ ത്രില്ലടിപ്പിക്കാന് ഷഹനാദ് ജലാല് വിജയിച്ചു എന്നതാണ് സിനിമ കണ്ടു ഇറങ്ങുന്ന ഓടിയന്സില് നിന്നും ലഭിക്കുന്ന റിപ്പോര്ട്ടുകള്.
2010ല് പുറത്തിറങ്ങിയ ചിത്രസൂത്രം എന്ന സിനിമയിലൂടെ ഛായാഗ്രഹകനായി അരങ്ങേറ്റം കുറിച്ച ഷഹനാദ് ജലാല് അതേ ചിത്രത്തിലൂടെ തന്നെ മികച്ച ഛായാഗ്രഹകനുള്ള കേരള സംസ്ഥാന ചലച്ചിത്ര അവാര്ഡ് ' വീട്ടിലേക്കുള്ള വഴി ' എന്ന സിനിമയുടെ ഛായാഗ്രഹണം നിര്വ്വഹിച്ച എം ജെ രാധാകൃഷ്ണനുമായി പങ്കു വെച്ചു. 2011-ല് കേരളത്തിലെ നാലാമത് അന്താരാഷ്ട്ര ഡോക്യുമെന്ററി, ഷോര്ട്ട് ഫിലിം ഫെസ്റ്റിവലില് മികച്ച ഡോക്യുമെന്ററി ക്യാമറാമാനുള്ള നവറോസ് കോണ്ട്രാക്ടര് അവാര്ഡ്, എ പെസ്റ്ററിംഗ് ജേര്ണി എന്ന ഡോക്യുമെന്ററിയിലൂടെ നേടി. 2017-ലെ ഏഷ്യാ പസഫിക് സ്ക്രീന് അവാര്ഡുകളില് ഛായാഗ്രഹണത്തിലെ നേട്ടത്തിനുള്ള നോമിനേഷനും നേടി. ഇത്തരത്തില് നിരവധി അംഗീകാരങ്ങളും ശ്രദ്ധേയമായ സിനിനമകളും വഴി പ്രേക്ഷകമനസ്സില് ഇടം നേടിയ ഷെഹ്നാദ് ജലാല് 1978-ല് തിരുവനന്തപുരത്താണ് ജനിച്ചത്. ആദ്യ ഹോബി ഫോട്ടോഗ്രാഫിയായിരുന്നു. അതിലുള്ള താത്പര്യമാണു കൊമേഴ്സില് ഡിഗ്രിയെടുത്തതിനു ശേഷം 2002-ല് കോല്ക്കത്തയിലെ സത്യജിത്ത് റായ് ഫിലിം ആന്ഡ് ടെലിവിഷന് ഇന്സ്റ്റിറ്റ്യൂട്ടില് പഠിക്കാന് പ്രചോദനമായത്. ഭൂതകാലം (2022) , മമ്മൂട്ടിയുടെ ബ്ലാക്ക് ആന്ഡ് വൈറ്റ് ഹൊറര് ത്രില്ലര് ചിത്രമായ ഭ്രമയുഗം എന്നിവയുടെ സ്വപ്നതുല്യമായ ബോക്സ്ഓഫിസ് വിജയത്തിന് പുറകിലും ഷെഹ്നാദ് ജലാലിന്റെ ക്യാമറ കൈയ്യൊപ്പുണ്ട്. ഉള്ളൊഴുക്ക് ആണ് മലയാളത്തില് ഷെഹ്നാദ് ജലാല് അവസാനമായി ചെയ്ത സിനിമ.
ഒരേ സമയം പ്രേക്ഷകരെ ത്രില്ലടിപ്പിക്കുകയും വൈകാരികമായി ആഴത്തില് സ്പര്ശിക്കുകയും ചെയ്യുന്ന ചിത്രമാണ് 'പാതിരാത്രി' എന്നാണ് പ്രേക്ഷകര് അഭിപ്രായപ്പെടുന്നത്. ആത്മീയ രാജന്, ശബരീഷ് വര്മ്മ, ഹരിശ്രീ അശോകന്, അച്യുത് കുമാര്, ഇന്ദ്രന്സ്, തേജസ് എന്നിവരാണ് ചിത്രത്തിലെ മറ്റ് പ്രധാന താരങ്ങള്. ചിത്രത്തിന്റെ തിരക്കഥ രചിച്ചിരിക്കുന്നത് ഷാജി മാറാട്. ഫാര്സ് ഫിലിംസ് ആണ് ചിത്രത്തിന്റെ ഓവര്സീസ് ഡിസ്ട്രിബൂഷന് പാര്ട്ണര്.
സംഗീതം - ജേക്സ് ബിജോയ്, എഡിറ്റര് - ശ്രീജിത്ത് സാരംഗ്, ആര്ട്ട് - ദിലീപ് നാഥ്, പ്രൊഡക്ഷന് കണ്ട്രോളര് - പ്രശാന്ത് നാരായണന്, മേക്കപ്പ് - ഷാജി പുല്പ്പള്ളി, വസ്ത്രങ്ങള് - ലിജി പ്രേമന്, ചീഫ് അസോസിയേറ്റ് ഡയറക്ടര് - അജിത് വേലായുധന്, അസോസിയേറ്റ് ഡയറക്ടര് - സിബിന് രാജ്, ആക്ഷന് - പി സി സ്റ്റണ്ട്സ്, സ്റ്റില്സ് - നവീന് മുരളി, ടൈറ്റില് ഡിസൈന് - യെല്ലോ ടൂത്ത്സ്, പോസ്റ്റര് ഡിസൈന് - ഇല്ലുമിനാര്ട്ടിസ്റ്റ്, പി ആര് കണ്സല്റ്റന്റ് ആന്ഡ് സ്ട്രാറ്റെജി - ലാലാ റിലേഷന്സ്, പിആര്ഒ - ശബരി, വാഴൂര് ജോസ് എന്നിവരാണ് മറ്റ് അണിയറപ്രവത്തകര്.
Premium Lifestyle and Entertainment website
രേണു പോരാട്ടത്തിന്റെ നടുവിലാണ്; ചെറുതല്ലാത്ത രോഗത്തോട് ധൈര്യത്തോടെ പൊരുതുകയാണ്; മെഡിക്കല് റിപ്പോര്ട്ട് പ്രകാരം രോഗം കൂടുതല് സാരമായി ബാധിച്ചു; കോട്ടയം മെഡിക്കല് കോളേജില് തുടര് ചികിത്സ ആരംഭിക്കും; ബിഷപ് നോബിള് ഫിലിപ്പ് അമ്പലവേലില് സുധിലയത്തില് എത്തിയ ചിത്രം പങ്ക് വച്ച് ഫിറോസ് കെഎച്ച്ഡിഇസി കുറിച്ചത്
പ്രഭുദേവയുടെ കൊറിയോഗ്രാഫിയില് നര്ത്തകനായി തുടക്കം; നൊറാ ഫത്തേഹിയുമായുള്ള അടുപ്പം നല്കിയ ലോക വേദി; ഫുട്ബോള് ലോകകപ്പില് മലയാളിയുടെ ചുവടുകള്; ഔദ്യോഗിക ഗാനത്തിന് നൃത്തസംവിധാനമൊരുക്കി പാലക്കാട്ടുകാരന്; ഫിഫ ആല്ബവുമായി സഹകരിക്കുന്ന ആദ്യ ഇന്ത്യക്കാരനായി രജിത് ദേവിനെ അറിയാം