നീണ്ട കാലത്തെ അടച്ചിടലുകള്‍ക്കു ശേഷം തീയറ്ററുകള്‍ ആഘോഷമാക്കിയ ചിത്രമായിരുന്നു കുറുപ്പ്. കേരള പൊലീസിന്റെ അന്വേഷണചരിത്രത്തില്‍ ഇന്നും ഒരു നിഗൂഢതയായി അവശേഷിക്കുന്ന സുകുമാരക്കുറുപ്പെന്ന പിടികിട്ടാപ്പുള്ളിയുടെ ജീവിതമായിരുന്നു സിനിമയ്ക്ക് ആധാരം. ദുല്‍ഖറാണ് ചിത്രത്തില്‍ സുകുമാരക്കുറുപ്പായി വേഷമിട്ടത്. ദുല്‍ഖര്‍ തന്നെയാണ് ചിത്രം നിര്‍മ്മിച്ചതും.ചിത്രത്തിന് സംസ്ഥാന ചലച്ചിത്ര പുരസ്‌കാര വേളയില്‍ അവഗണന നേരിട്ടിരുന്നു. ഇപ്പോഴിതാ സംഭവത്തില്‍ പ്രതികരണവുമായി എത്തിയിരിക്കുകയാണ് ഷൈന്‍ ടോം ചാക്കോ.
കഴിവുള്ളവരെ അഗണിക്കുന്നതിന്റെ വേദന കുറുപ്പിനെ പുരസ്‌കാരത്തില്‍ പരിഗണിക്കാതിരുന്നപ്പോള്‍ മനസിലായിട്ടുണ്ടാകുമല്ലോ എന്ന് ദുല്‍ഖറിനോടായി ഷൈന്‍ ടോം ചോദിച്ചു. ഇന്‍സ്റ്റഗ്രാം പോസ്റ്റിലൂടെയായിരുന്നു താരത്തിന്റെ പ്രതികരണം. ദുല്‍ഖറിന്റെ മറുപടി പ്രതീക്ഷിക്കുന്നുവെന്നും ഷൈന്‍ കുറിച്ചു.
തന്റെ പുതിയ ചിത്രമായ 'അടി'യുടെ വിശേഷങ്ങള്‍ പങ്കുവച്ചുള്ള കുറിപ്പിലാണ് ഷൈന്‍ ഇക്കാര്യം പറഞ്ഞത്. ദുല്‍ഖറാണ് ചിത്രം നിര്‍മ്മിക്കുന്നത്. ഷൈന്‍ ടോം ചാക്കോ, അഹാന കൃഷ്ണ, ധ്രുവന്‍ എന്നിവര്‍ കേന്ദ്ര കഥാപാത്രങ്ങളിലെത്തുന്ന ചിത്രമാണ് 'അടി'. പ്രശോഭ് വിജയനാണ് സംവിധായകന്‍.
ഷൈന്‍ ടോം ചാക്കോയുടെ കുറിപ്പിന്റെ പൂര്‍ണരൂപം:
''എന്റെ പ്രിയ സുഹൃത്ത് ദുല്‍ഖര്‍ സല്മാന്,
നിറഞ്ഞ മനസോടെയാണ് ഞാന്‍ ഈ സിനിമ ചെയ്തത്. അത് തിയറ്ററില്‍ കാണാന്‍ ഞാന്‍ കാത്തിരിക്കുകയാണ്. ധ്രുവന്റെയും അഹാനയുടെയും മികച്ച പ്രകടനം ഈ ചിത്രത്തില്‍ കാണാം. പിന്നെ രതീഷിന്റെ ഗംഭീര എഴുത്തും. കഴിവുള്ളവരെ കണ്ടില്ലെന്ന് നടിക്കുന്നതിന്റെ വേദന താങ്കള്‍ക്ക് അറിയാമല്ലോ, ചലച്ചിത്ര പുരസ്‌കാര ജൂറി നമ്മുടെ കുറിപ്പിനെ ഒഴിവാക്കിയത് പോലെ. എന്റെ സുഹൃത്തില്‍ നിന്ന് മറുപടി പ്രതീക്ഷിക്കുന്നു.
Premium Lifestyle and Entertainment website
ദിയ അക്കൗണ്ടിലേക്ക് പണം മാറ്റിയത് നികുതി പ്രശ്നം മൂലം; നീയൊക്കെ മുക്കുവത്തികളെല്ലേ... എന്നു പറഞ്ഞ് ജാതീയമായി അധിക്ഷേപിച്ചു; ഫോണുകള്‍ പിടിച്ചു വാങ്ങി, മണിക്കൂറുകളോളം ബലമായി പൂട്ടിയിട്ടു; ഭീഷണിപ്പെടുത്തി കുറ്റം സമ്മതിപ്പിച്ചു; നിയമപരമായി മുന്നോട്ടു പോകും; ദിയ കൃഷ്ണക്കും കുടുംബത്തിനുമെതിരെ ആരോപണവുമായി ജീവനക്കാര്‍ 
നടന് മോഹന്‍ലാലിന്റെ അമ്മയുടെ സഹോദരന്‍ നിര്യാതയായി; മരണം പ്രായാധിക്യം മൂലം