വിവാഹനിശ്ചയത്തിന് പിന്നാലെ ഷൈനുമായി വേര്‍പിരിഞ്ഞെന്ന് പ്രചരണം; നടനെ ചേര്‍ത്ത് ചുംബിക്കുന്ന ചിത്രവുമായി തനൂജയുടെ മറുപടി              

കഴിഞ്ഞ കുറച്ചു ദിവസമാണ് സോഷ്യല്‍ മീഡിയയില്‍ വലിയ ചര്‍ച്ചയായിരിക്കുകയാണ് ഷൈന്‍ ടോം ചാക്കോയുടെ പ്രണയവിശേഷം. ഭാവിവധു തനൂജയുമായി താരം വേര്‍പിരിഞ്ഞു എന്നായിരുന്നു അഭ്യഹങ്ങള്‍. ഷൈനിനൊപ്പമുള്ള ചില ചിത്രങ്ങള്‍ തനൂജ ഇന്‍സ്റ്റഗ്രാമില്‍ നീക്കിയതാണ് ഇങ്ങനെയൊരു പ്രചാരണത്തിന് കാരണമായത്. എന്നാല്‍ എല്ലാ അഭ്യൂഹങ്ങള്‍ക്കും ഒറ്റ ചിത്രം കൊണ്ട് മറുപടി നല്‍കിയിരിക്കുകയാണ് തനൂജ

ഷൈനിന്റെ കവിളില്‍ ചുംബിക്കുന്നതിന്റെ ചിത്രമാണ് തനൂജ പോസ്റ്റ് ചെയ്തത്. ഷൈന്‍ ടോം ചാക്കോയെ ടാഗ് ചെയ്തുകൊണ്ടാണ് പോസ്റ്റ്. ഇരുവരേയും ഒന്നിച്ച് കാണാന്‍ തന്നെ മനോഹരമാണ് എന്നാണ് കമന്റുകള്‍. ഹേറ്റേഴ്‌സ് രണ്ട് സ്റ്റെപ്പ് മാറി നില്‍ക്കണം എന്നു പറയുന്നവരുണ്ട്. ഇതൊന്നും മര്യാദയ്ക്ക് പോകില്ല എന്നായിരുന്നു ഒരാളുടെ കമന്റ്. എന്നാല്‍ വളഞ്ഞു പോകാം എന്നാണ് തനൂജ ഇതിന് മറുപടി നല്‍കിയത്.

ഷൈന്‍ ടോമിനൊപ്പമുള്ള ചില ചിത്രങ്ങള്‍ തനൂജ ഇന്‍സ്റ്റഗ്രാം പേജില്‍ നിന്നും നീക്കം ചെയ്തതോടെയാണ് ഇരുവരും പിരിഞ്ഞുവെന്ന തരത്തില്‍ വാര്‍ത്തകള്‍ വന്നത്. വിവാഹനിശ്ചയ ചിത്രങ്ങളും നീക്കിയിരുന്നു. ഇതിനു പിന്നാലെ ഇവരെ പരിഹസിച്ചുകൊണ്ട് നിരവധി കമന്റുകളെത്തി. ഇവര്‍ വിവാഹത്തിനു മുമ്പ് തന്നെ പിരിയുമെന്നത് നേരത്തെ ഉറപ്പായിരുന്നുവെന്നും വിചാരിച്ചതുപോലെ തന്നെ സംഭവിച്ചുവെന്നുമായിരുന്നു പരിഹാസ കമന്റുകള്‍. 

കഴിഞ്ഞ ജനുവരി ഒന്നാം തീയതി ആയിരുന്നു ഷൈന്‍ ടോം ചാക്കോയുടെയും തനൂജയുടെയും വിവാഹനിശ്ചയം. വിവാഹം ഈ വര്‍ഷം തന്നെ ഉണ്ടായേക്കും. ഷൈന്‍ പങ്കെടുക്കുന്ന എല്ലാ പൊതുപരിപാടികളിലും തനൂജയും ഒപ്പം ഉണ്ടാകാറുണ്ട്. ഇരുവരും ഒന്നിച്ചുള്ള ചിത്രങ്ങളും ഷൈന്‍ സോഷ്യല്‍ മീഡിയ പേജുകളില്‍ പങ്കുവയ്ക്കാറുമുണ്ട്.

 

 

 

 

 

View this post on Instagram

 

 

 

 

 

 

 

 

 

 

 

A post shared by Thanu???? (@thanha___sherin__)