വിഷ്ണു വിശാല് നായകനായെത്തുന്ന ഏറ്റവും പുതിയ തമിഴ് ചിത്രം 'ആര്യന്' അഡ്വാന്സ് ടിക്കറ്റ് ബുക്കിംഗ് ആരംഭിച്ചു. ചിത്രം കേരളത്തിലെത്തിക്കുന്നത് ദുല്ഖര് സല്മാന്റെ വേഫറെര് ഫിലിംസ്. നവാഗതനായ പ്രവീണ് കെ രചിച്ചു സംവിധാനം ചെയ്ത ചിത്രം ഒക്ടോബര് 31 നു ആഗോള റിലീസായെത്തും. ബുക്ക് മൈ ഷോ, ടിക്കറ്റ് ന്യൂ, ഡിസ്ട്രിക്ക്റ്റ് ബൈ സോമാറ്റോ എന്നീ ഓണ്ലൈന് ടിക്കറ്റ് ബുക്കിംഗ് ആപ്പുകളിലൂടെ ചിത്രത്തിന്റെ ടിക്കറ്റുകള് ഇപ്പോള് ബുക്ക് ചെയ്യാം. വിഷ്ണു വിശാല് സ്റ്റുഡിയോസിന്റെ ബാനറില് അദ്ദേഹം തന്നെ നിര്മ്മിച്ച ചിത്രം അവതരിപ്പിക്കുന്നത് ശുഭ്ര, ആര്യന് രമേശ് എന്നിവര് ചേര്ന്നാണ്. 'എ പെര്ഫെക്റ്റ് ക്രൈം സ്റ്റോറി' എന്നാണ് ചിത്രത്തിന്റെ ടൈറ്റില് ടാഗ് ലൈന്.
ദിവസങ്ങള്ക്ക് മുന്പ് ചിത്രത്തിലെ ഒരു വീഡിയോ ഗാനം റിലീസ് ചെയ്യുകയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. വിഷ്ണു വിശാല്, മാനസാ ചൗധരി എന്നിവരാണ് ഈ ഗാനത്തില് വേഷമിട്ടത്. 'രാക്ഷസന്' എന്ന വമ്പന് ഹിറ്റിന് ശേഷം വിഷ്ണു വിശാല് വീണ്ടുമൊരു ഇന്വെസ്റ്റിഗേഷന് ത്രില്ലറില് നായകനായി എത്തുകയാണ് എന്ന പ്രത്യേകതയും ഈ ചിത്രത്തിനുണ്ട്. ചിത്രത്തില് പോലീസ് ഓഫീസര് ആയാണ് വിഷ്ണു വിശാല് അഭിനയിച്ചിരിക്കുന്നത്.
ചിത്രത്തിന്റെ ടീസര്, ട്രെയ്ലര് എന്നിവയും വലിയ വലിയ പ്രേക്ഷക ശ്രദ്ധയാണ് നേടിയത്. ആദ്യാവസാനം പ്രേക്ഷകരെ മുള്മുനയില് നിര്ത്തുന്ന ക്രൈം ഇന്വെസ്റ്റിഗേഷന് ത്രില്ലര് ആണ് 'ആര്യന്' എന്ന സൂചനയാണ് ട്രെയ്ലര് നല്കിയത്. വലിയ പ്രതീക്ഷകളോടെ സിനിമാ പ്രേമികള് കാത്തിരിക്കുന്ന ഈ ചിത്രത്തില്, ശ്രദ്ധ ശ്രീനാഥ്, വാണി ഭോജന്, സെല്വരാഘവന്, ചന്ദ്രു, ജീവ സുബ്രമണ്യം എന്നിവരാണ് മറ്റു പ്രധാന താരങ്ങള്. സു ഫ്രം സോ, ലോക, ഫെമിനിച്ചി ഫാത്തിമ എന്നിവക്ക് ശേഷം വേഫറെര് ഫിലിംസ് കേരളത്തിലെ തീയേറ്ററുകളില് എത്തിക്കാന് പോകുന്ന ചിത്രം കൂടിയാണ് 'ആര്യന്'.
ഛായാഗ്രഹണം - ഹാരിഷ് കണ്ണന്, സംഗീതം- ജിബ്രാന്, എഡിറ്റര്- സാന് ലോകേഷ്, ആക്ഷന്- സ്റ്റണ്ട് സില്വ, പി സി സ്റ്റണ്ട്സ് പ്രഭു, അഡീഷണല് തിരക്കഥ- മനു ആനന്ദ്, കോസ്റ്റ്യൂം ഡിസൈനര് ആന്ഡ് സ്റ്റൈലിസ്റ്റ് -വിനോദ് സുന്ദര്, അഡീഷണല് സ്റ്റൈലിംഗ്-വര്ഷിണി ശങ്കര്, സൌണ്ട് ഡിസൈന്-സച്ചിന് സുധാകരന്, ഹരിഹരന് എന് (സിങ്ക് സിനിമ), ഓഡിയോഗ്രാഫി-തപസ് നായക്, ഡിഐ-ബ്രിഡ്ജ് പോസ്റ്റ് വര്ക്ക്സ്, വിഎഫ്എക്സ്-ഹോക്കസ് പോക്കസ്, ഡബ്ബിംഗ്-സീഡ് സ്റ്റുഡിയോസ്, പബ്ലിസിറ്റി ഡിസൈന്സ്-പ്രഥൂല് എന്. ടി., പോസ്റ്റ് പ്രൊഡക്ഷന് സൂപ്പര്വൈസര്-ഗുണശേഖര് (പോസ്റ്റ് ഓഫീസ്), മാര്ക്കറ്റിംഗ് ആന്ഡ് പ്രൊമോഷന്സ്-സിദ്ധാര്ത്ഥ് ശ്രീനിവാസ്, എക്സിക്യൂട്ടീവ് പ്രൊഡ്യൂസര്-സീതാരാം, ക്രിയേറ്റീവ് പ്രൊഡ്യൂസര്-ശ്രാവന്തി സായിനാഥ്, പിആര്ഒ- ശബരി
Premium Lifestyle and Entertainment website
ഒരു അമ്മയും ഒരിക്കലും അങ്ങനെ പറയില്ല...ചേച്ചി; സ്വന്തം മകനായിട്ടാണ് കിച്ചുവിനെ കാണുന്നതെന്ന് പറയുന്നു; പക്ഷെ...; അതുകൊണ്ട് നിങ്ങളൊരു ബ്രേക്ക് എടുക്ക്; ആ നശിച്ച ലോകത്ത് നിന്നും മാറി നില്ക്ക്';കിച്ചുവിനെ പിന്തുണച്ചും രേണുവിനെ ഉപദേശിച്ചും ഹെലന് ഓഫ് സ്പാര്ട്ട
യഷിന്റെ ആ ലുക്കും കിയാരയുടെ പ്രണയവും; കൂട്ടിന് നയന്താരയും! കാത്തിരിപ്പിന് ഒടുവില് ഗീതു മോഹന്ദാസിന്റെ 'ടോക്സിക്' ആദ്യ വീഡിയോ ഗാനം പുറത്ത്; പോസ്റ്റ്-കൊളോണിയല് ഗോവയുടെ പശ്ചാത്തലത്തില് ഒരുങ്ങുന്ന ബിഗ് ബജറ്റ് ചിത്രം; 'ടോക്സിക്' പ്രണയഗാനം വൈറല്!