നെയ്യ് ചോറ് തയ്യാറാക്കാം

ഏവർക്കും പ്രിയപ്പെട്ട ഒരു വിഭവമാണ് നെയ്യ് ചോറ്, വളരെ രുചികരമായ വ്യത്യസ്തമായ രീതിയിൽ ഇവ എങ്ങനെ തയ്യാറാക്കാം എന്ന് നോക്കാം 

ചേരുവകള്‍
ബിരിയാണി അരി  - 2 കപ്പ്
സവാള നീളത്തില്‍ അരിഞ്ഞത്  - ¼ കപ്പ്
നെയ്യ്  -  5 ടേബിള്‍ സ്പൂണ്‍
അണ്ടിപരിപ്പ്  -  10 (രണ്ടായി പിളര്‍ന്നത്)
ഏലക്കായ്  -  4 എണ്ണം
ഗ്രാമ്പൂ -  6 എണ്ണം
കറുവാപ്പട്ട  - 2 കഷ്ണം
പെരുംജീരകം   - 1 ടീസ്പൂണ്‍
കുരുമുളകു പൊടി  - ¼ ടീസ്പൂണ്‍
രംഭയില   -  2
ഉപ്പ്  - ആവശ്യത്തിന്

തയ്യാറാക്കുന്ന വിധം

ബിരിയാണി അരി അര മണിക്കൂര്‍ കുതിര്‍ത്ത് വെള്ളം വാലാനായി വയ്ക്കുക. ചുവടു കട്ടിയുള്ള പാത്രത്തില്‍ നെയ്യ് ഒഴിച്ച് സവാള വഴറ്റുക. പകുതി മാറ്റി, ബാക്കി പകുതി നല്ല ബ്രൗണ്‍ നിറമാകുന്നവരെ വഴറ്റുക. ആ നെയ്യില്‍ തന്നെ അണ്ടിപരിപ്പും വറുത്തുകോരുക. ഈ നെയ്യില്‍ പട്ട, ഗ്രാബൂ, ഏലക്കായ് ഇവ വഴറ്റി നേരത്തെ പകുതി വഴറ്റി വച്ച സവള വെള്ളം വാര്‍ത്ത അരി ഇവയിട്ട് 3 മിനിട്ട് വഴറ്റുക. ഇതില്‍ 4 കപ്പ് തിളച്ച വെള്ളം ആവശ്യത്തിന് ഉപ്പ് ചേര്‍ത്ത് മൂടി വയ്ക്കുക. വെള്ളം വറ്റി വെന്തുകഴിയുമ്പോള്‍ ഒരു സ്പൂണ്‍ നെയ്യ് അണ്ടിപരിപ്പ്, വറുത്തുവച്ച സവാള കുരുമുളക് പൊടി ഇവ ചേര്‍ത്ത നല്ലപോലെ ഇളക്കി ചൂടോടെ വെജിറ്റബിള്‍ കുറുമയ്ക്കൊപ്പമോ ചിക്കന്‍ കറിയ്ക്കൊപ്പമോ വിളമ്പാം.