ടിവിയിലോ സോഷ്യല്‍ മീഡിയയിലോ തിളങ്ങുന്ന ചര്‍മമുള്ള സുന്ദരികളെ കണ്ടാല്‍ പലര്‍ക്കും മനസ്സില്‍ ഒരു ചെറിയ ആഗ്രഹം തോന്നും 'എനിക്കും ഇങ്ങനെ തിളങ്ങുന്ന ചര്‍മം കിട്ടിയാല്‍!' എന്നാല്‍ ഇതിന് വിലകൂടിയ ക്രീമുകളും ബ്യൂട്ടി ട്രീറ്റ്മെന്റുകളും മാത്രം വേണ്ടെന്നാണ് ധാരാളം പേര്‍ തെറ്റിദ്ധരിക്കുന്നത്. ആരോഗ്യ വിദഗ്ധര്‍ പറയുന്നത് വേറെയാണ് ചെറിയ മാറ്റങ്ങള്‍ കൊണ്ടു പോലും വീട്ടില്‍ ഇരുന്നുകൊണ്ട് തിളങ്ങുന്ന ചര്‍മം സ്വന്തമാക്കാം. ഒരാഴ്ചക്കുള്ളില്‍ തന്നെ ചര്‍മത്തില്‍ മാറ്റം കാണാന്‍ തുടങ്ങും.
വെള്ളത്തില്‍ തുടങ്ങുന്ന ദിനം
ഒരു ഗ്ലാസ് ശുദ്ധജലത്തോടെ ദിനം ആരംഭിക്കുക. മുഖം തണുത്ത വെള്ളത്തില്‍ കഴുകുമ്പോള്‍ ഉറക്കവും ക്ഷീണവും മാറും, ചര്‍മം പുതുമണിയേറി തിളങ്ങും. ദിവസവും എട്ട് മുതല്‍ പത്ത് ഗ്ലാസ് വരെ വെള്ളം കുടിക്കുന്നത് ചര്‍മത്തിലെ വിഷാംശങ്ങളെ പുറത്താക്കാന്‍ സഹായിക്കും. വെള്ളത്തില്‍ കുക്കുമ്പര്‍ അല്ലെങ്കില്‍ നാരങ്ങ ചേര്‍ത്ത് കുടിച്ചാല്‍ ശരീരം അകത്തുനിന്നും ശുദ്ധമാകും.
സ്‌നേഹത്തോടെയുള്ള ശുചീകരണം
മുഖം വൃത്തിയാക്കുമ്പോള്‍ അത് ശക്തിപ്രകടനമായി മാറ്റേണ്ടതില്ല. സള്‍ഫേറ്റ് ഫ്രീ ക്ലെന്‍സര്‍ ഉപയോഗിച്ച് സാവധാനമായി കഴുകുക. രാത്രി ഉറങ്ങാന്‍ പോകുന്നതിനുമുമ്പ് ഓയില്‍ ബേസ്ഡ്, ഫോം ബേസ്ഡ് ക്ലെന്‍സറുകള്‍ ചേര്‍ന്ന് ഡബിള്‍ ക്ലെന്‍സിംഗ് ചെയ്യുന്നത് ചര്‍മത്തിലെ മേക്കപ്പ് അവശിഷ്ടങ്ങള്‍ പൂര്‍ണമായി നീക്കാന്‍ സഹായിക്കും.
മൃദുവായ സ്‌ക്രബ്, സൗമ്യമായ മസാജ്
ചര്‍മത്തിലെ മൃതകോശങ്ങള്‍ നീക്കം ചെയ്യാന്‍ ചര്‍മത്തിനനുസരിച്ചുള്ള സ്‌ക്രബ് തെരഞ്ഞെടുക്കുക. ചെറിയ വൃത്താകൃതിയില്‍ വിരലുകള്‍കൊണ്ട് ഒരു മിനിറ്റ് സൗമ്യമായി മസാജ് ചെയ്യുമ്പോള്‍ ചര്‍മം ജീവിക്കുന്ന പോലെ തോന്നും. ഹൈലൂറോണിക് ആസിഡ് അടങ്ങിയ സിറം പുരട്ടിയാല്‍ ചര്‍മം ഹൈഡ്രേറ്റ് ആയിരിക്കും.
ഫേസ് മാസ്‌കിന്റെ ചെറു അത്ഭുതം
തേന്‍, കറ്റാര്‍വാഴ, അവക്കാഡോ എന്നിവ ചേര്‍ത്ത് വീട്ടില്‍ തന്നെ തയ്യാറാക്കുന്ന മാസ്‌ക് ചര്‍മത്തിന് പുതുജീവന്‍ നല്‍കും. ചര്‍മത്തിന്റെ സ്വഭാവത്തിനനുസരിച്ച് ക്ലേ മാസ്‌കോ ഹൈഡ്രേറ്റിങ് മാസ്‌കോ തെരഞ്ഞെടുക്കുക. വൈറ്റമിന്‍ സി അടങ്ങിയ ജെല്‍ മാസ്‌കുകള്‍ ചര്‍മത്തിന് പ്രകാശം കൂട്ടും.
മുഖത്ത് ചിരിയോടെ മസാജ്
ബദാം ഓയില്‍ അല്ലെങ്കില്‍ ജോജോബ ഓയില്‍ വിരലുകളില്‍ ഇട്ടി മുഖത്ത് സാവധാനമായി മസാജ് ചെയ്യുക. കവിളുകള്‍ ചുവന്നുണര്‍ന്നു, കണ്ണിനടിയിലെ കറുപ്പു കുറയുകയും മനസ്സിലെ സമ്മര്‍ദം അകലുകയും ചെയ്യും.
ആരോഗ്യകരമായ ഭക്ഷണം സൗന്ദര്യത്തിന്റെ രഹസ്യം
പപ്പായ, വെള്ളരി, ചീര, ബെറികള്‍, ബദാം, ഒമേഗ അടങ്ങിയ വിത്തുകള്‍ ഇവയെല്ലാം ഭക്ഷണത്തില്‍ ഉള്‍പ്പെടുത്തുക. അമിത പഞ്ചസാര, എണ്ണ, പൊരിച്ചത് എന്നിവ ഒഴിവാക്കണം. ഗ്രീന്‍ ടീ അല്ലെങ്കില്‍ ഹെര്‍ബല്‍ ടീ കുടിക്കുന്നത് ചര്‍മത്തെ പുതുക്കും.
സൂര്യനെ ഭയപ്പെടരുത്, പക്ഷേ കരുതലോടെ നേരിടൂ
വീട്ടിലായാലും പുറത്തായാലും എസ്പിഎഫ് 30-ല്‍ കൂടുതലുള്ള സണ്‍സ്‌ക്രീം പുരട്ടുക. രണ്ടോ മൂന്നോ മണിക്കൂറില്‍ വീണ്ടും പുരട്ടുന്നതും മറക്കരുത്. വിറ്റാമിന്‍ സി സിറം ചേര്‍ത്താല്‍ കരിവാളിയും പാടുകളും കുറയും.
Premium Lifestyle and Entertainment website
ബാലിയിലെ 'കറുത്ത സുന്ദരി' ജെമെലുക്ക് ബീച്ചും വെള്ളത്തിനടയിലെ പോസ്റ്റ് ഓഫീസും
അമീബിക് മസ്തിഷ്‌കജ്വരം: അറിയണം, കരുതണം
വീട്ടിലെ പോസിറ്റീവ് എനര്‍ജിക്കായി ബുദ്ധ പ്രതിമ എങ്ങനെ സ്ഥാപിക്കാം
ഈ ഓണത്തിന് ഒരു വെറ്റൈി പ്രഥമന്‍ ഉണ്ടാക്കിയാലോ? 
നടുവേദനയുള്ള ഒരാളുടെ മാനറിസങ്ങള്‍ അത്യന്തം പെര്‍ഫെക്റ്റ്; ചിത്രം കാണുമ്പോള്‍ ഇനി ശരിക്കും പ്രശ്‌നമുണ്ടോ എന്നുവരെ തോന്നിപ്പോയി; മോഹന്‍ലാലിനെ കുറിച്ച് ഡോക്ടറുടെ കുറിപ്പ്