ആധാര്‍ കാര്‍ഡ് ഇനി വാട്സ്ആപ്പിലൂടെ എളുപ്പത്തില്‍ ഡൗണ്‍ലോഡ് ചെയ്യാം

ഇനി ആധാര്‍ കാര്‍ഡ് ഡൗണ്‍ലോഡ് ചെയ്യാന്‍ പുതിയൊരു സൗകര്യം എല്ലാവർക്കും ലഭ്യമായി. ഇന്ത്യയിലെ ഏറ്റവും പ്രധാനപ്പെട്ട രേഖകളിലൊന്നായ ആധാര്‍ കാര്‍ഡ്, വിവിധ ഔദ്യോഗിക ആവശ്യങ്ങള്‍ക്കും സേവനങ്ങള്‍ക്കും ഉപയോഗിക്കപ്പെടുന്നു. ഇപ്പോൾ, പ്രത്യേക ആപ്പുകളോ വെബ്സൈറ്റുകളോ തുറക്കാതെ, വെറും വാട്സ്ആപ്പ് വഴിയേ ആധാര്‍ ഡൗണ്‍ലോഡ് ചെയ്യാവുന്നതാണ്.

എങ്ങനെ ഡൗണ്‍ലോഡ് ചെയ്യാം?

1. ആദ്യം +91-9013151515 എന്ന നമ്പര്‍ നിങ്ങളുടെ ഫോണ്‍ കോണ്‍ടാക്റ്റില്‍ സേവ് ചെയ്യുക.

2. വാട്സ്ആപ്പില്‍ ആ നമ്പറിലേക്ക് ചാറ്റ് തുറന്ന് ‘Hi’ അല്ലെങ്കില്‍ ‘Namaste’ എന്ന് മെസേജ് അയയ്ക്കുക.

3. വരുന്ന ചാറ്റ്ബോട്ടില്‍ DigiLocker Services ഓപ്ഷന്‍ തെരഞ്ഞെടുക്കുക.

4. നിങ്ങളുടെ ഡിജിലോക്കര്‍ അക്കൗണ്ട് ഉണ്ടായിരിക്കണം. ഇല്ലെങ്കില്‍, ആദ്യം ഡിജിലോക്കര്‍ ആപ്പിലോ വെബ്സൈറ്റിലോ അക്കൗണ്ട് സൃഷ്ടിക്കുക.

5. 12 അക്ക ആധാര്‍ നമ്പര്‍ ടൈപ്പിച്ച് ഒടിപി വഴി വെരിഫൈ ചെയ്യുക.

6. വെരിഫിക്കേഷന്‍ കഴിഞ്ഞാല്‍, ഡിജിലോക്കറില്‍ ലിങ്ക് ചെയ്ത എല്ലാ ഡോക്യുമെന്റുകളുടെയും പട്ടിക ചാറ്റ്ബോട്ടില്‍ കാണിക്കപ്പെടും. അതില്‍ നിന്നു Aadhaar സെലക്ട് ചെയ്താല്‍, പിഡിഎഫ് രൂപത്തില്‍ നിങ്ങളുടെ വാട്സ്ആപ്പ് ചാറ്റിലേക്ക് ലഭിക്കും.

ശ്രദ്ധിക്കേണ്ട കാര്യങ്ങള്‍

• ഒരേ സമയം ഒരു ഡോക്യുമെന്റ് മാത്രമേ ഡൗണ്‍ലോഡ് ചെയ്യാനാകൂ.

• ഡിജിലോക്കറുമായി ലിങ്ക് ചെയ്ത രേഖകള്‍ മാത്രമേ ഡൗണ്‍ലോഡ് ചെയ്യാന്‍ കഴിയൂ.

• നിങ്ങളുടെ ആധാര്‍ ഡിജിലോക്കറുമായി ലിങ്ക് ചെയ്യാത്ത പക്ഷം, ആദ്യം അത് ഡിജിലോക്കറില്‍ ചേർക്കണം.

ഇത് വഴി ആധാര്‍ കാര്‍ഡ് എപ്പോഴും നിങ്ങളുടെ കൈവശം ലഭ്യമായിരിക്കും, അത് വെറും ഒരു വാട്സ്ആപ്പ് മെസേജിലൂടെ നേടാം.