സംവിധായകന്‍  സോജന്‍ ജോസഫിന്റെ  രണ്ട് ഇംഗ്ലിഷ് നോവലുകള്‍ പ്രകാശനം ചെയ്യുന്നു 

അന്താരാഷ്ട്ര പുരസ്‌കാര ജേതാവും, സംവിധായകനും, എഴുത്തുകാരനും, തിരക്കഥാകൃത്തുമായ സോജന്‍  ജോസഫ്, തന്റെ രണ്ട്  ഇംഗ്ലീഷ് നോവലുകള്‍ ദി സൈന്‍സ് ഓഫ് റെവലേഷന്‍സും  ദി എക്കോസ് ഓഫ് റെസിസ്റ്റന്‍സും  നോഷന്‍ പ്രസ്സ് മുഖേന ലോക സമാധാന ദിനത്തില്‍ പ്രകാശനം ചെയ്യുന്നു.കോപ്പയിലെ കൊടുങ്കാറ്റ്, എന്ന ചിത്രവും , തുടര്‍ന്ന് സഞ്ജയ് ദത്ത്, അനുപം ഖേര്‍, കബീര്‍ ബേഡി എന്നീ പ്രമുഖ താരങ്ങളെ അണിനിരത്തിഒരുക്കിയ  അലര്‍ട്ട്  24x7 എന്ന ഹിന്ദി ചിത്രവും പൂര്‍ത്തിയാക്കിയ സോജന്‍ സംവിധാനം ചെയ്യുന്ന പുതിയ ചിത്രമാണ് ഏയ്ഞ്ചല്‍ നമ്പര്‍16. നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി വരുന്ന ഈ ചിത്രം ഒക്ട്രോബറില്‍ പ്രദര്‍ശനത്തിനെത്തുകയാണ്. 

ഷൈന്‍ടോം ചാക്കോയും, പ്രശസ്ത കന്നഡ താരം ദീഷിത് ഷെട്ടിയും പ്രധാന വേഷങ്ങളിലെത്തുന്നത്.നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായ അലര്‍ട്ട് 24X7 ഡിസംബര്‍ മാസത്തില്‍ പ്രദര്‍ശനത്തിനെത്തുന്നു.

മികച്ച എഴുത്തുകാരനും നോവലിസ്റ്റുമാണ് സോജന്‍ ജോസഫ്

ആധുനിക ലോകത്ത് വെളിപ്പെടുത്തലുകളുടെ അടയാളങ്ങള്‍ പ്രതിഫലിക്കുന്ന ദി സൈന്‍സ് ഓഫ് റെവലേഷന്‍സും , ഡ്രഗ്ഗ്‌സ് പ്രതിരോധങ്ങളുടെ ചരിത്രങ്ങളുടെ പ്രതിധ്വനികളെയും, സങ്കീര്‍നതകളെയും തുറന്നുകാട്ടുന്ന ദി എക്കോസ് ഓഫ് റെസിസ്റ്റന്‍സും , സാഹിത്യവും ആത്മീയതയും ചരിത്രവും, ആധുനിക പ്രധിരോധ ആശയങ്ങളും സംഗമിക്കുന്ന അപൂര്‍വ യാത്രയായി മാറുന്നു.

2019ലെ ബുര്‍ജ് സിഇഒ ക്ലബ് അവാര്‍ഡ്, 2018ലെ മോസ്‌കോ ഗവണ്മെന്റ് അവാര്‍ഡ്, 2018ലെ ഇന്റര്‍നാഷണല്‍ ഡിസൈനര്‍ യൂണിയന്‍ അവാര്‍ഡ് എന്നിവ നേടിയ എഴുത്തുകാരനും, സംവിധായകനുമായ  സോജന്‍ ജോസഫ്, തന്റെ രണ്ടു ശക്തമായ ഇംഗ്ലീഷ് നോവലുകള്‍ , ദി സൈന്‍സ് ഓഫ് റെവലേഷന്‍സും ദി എക്കോസ് ഓഫ് റെസിസ്റ്റന്‍സും  നോഷന്‍ പ്രസ്സ് മുഖേന പുറത്തിറക്കുന്നു .

 ദി സൈന്‍സ് ഓഫ് റെവലേഷന്‍സ് 

ബൈബിളിലെ വെളിപാടിന്റെ പുസ്തകത്ത്തിലെ വെളിപ്പെടുത്തലുകളുടെ ചിന്ഹങ്ങളില്‍ നിന്നും പ്രചോദനം ഉള്‍ക്കൊണ്ട്, പുതിയ തലമുറയുടെ കാഴ്ചപ്പാടില്‍  അവതരിപ്പിക്കുന്ന ഈ നോവലില്‍, ഒരു മുന്‍ സന്ന്യാസ വിദ്യാര്‍ത്ഥിയായ സാമുവലിന്റെ ദര്‍ശനങ്ങളും പ്രവചനങ്ങളും ലോകമെമ്പാടും തരംഗം തീര്‍ക്കുന്നു. രാജ്യങ്ങള്‍ നടുങ്ങുകയും ജനങ്ങള്‍ ജാഗരൂകരാകുകയും ചെയ്യുമ്പോള്‍, വെളിപാടിന്റെ പുസ്തകത്തിലെ  പ്രവചനങ്ങളും , ചിന്ഹങ്ങളും , ആധുനിക യാഥാര്‍ത്ഥ്യങ്ങളില്‍ പ്രതിഫലിക്കാന്‍ തുടങ്ങുന്നു, പിന്നീട് അത് വിശ്വാസങ്ങളും അധികാരവും തമ്മിലുള്ള ഏറ്റുമുട്ടലായി മാറുന്നു. 
''ഇത് ലോകാവസാനം പ്രവചിക്കുന്ന കഥയോ മത ഗ്രന്ഥമോ അല്ല ,'' എന്ന് സോജന്‍ ജോസഫ് പറയുന്നു, ''ഇതിനകം തന്നെ നമ്മുടെ ചുറ്റുപാടുകളില്‍ വെളിപ്പെട്ടുകൊണ്ടിരിക്കുന്ന അടയാളങ്ങളെ തിരിച്ചറിയാനുള്ള ക്ഷണമാണ്.

 ദിഎക്കോസ് ഓഫ് റെസിസ്റ്റന്‍സ് 

ലോകം നശിപ്പിക്കുന്ന സിന്തറ്റിക് ഡ്രഗ്ഗ് മാഫിയയുടെ ചരിത്രത്തിന്റെ പശ്ചാത്തലത്തില്‍ ടെക്നോ ഫെസ്റ്റിവലുകളുടെയും, ആധുനിക ജീവിത രീതികളിലെ അപക്ക്വ് മായ ചിന്താഗതികളെയും മാറ്റിമറിക്കാന്‍ ഉതകുന്ന വിപുലമായ കഥ. ധൈര്യത്തിന്റെ, ദ്രോഹത്തിന്റെ, പുതിയ ആശയങ്ങളുടെ,സഹനത്തിന്റെ ,അടങ്ങാത്ത പ്രതിരോധങ്ങളുടെ പറയാത്ത കഥകളെ വെളിപ്പെടുത്തുന്നു. വ്യക്തിഗത ത്യാഗവും കൂട്ടായ പോരാട്ടവും ചേര്‍ത്തു , സ്വാതന്ത്ര്യത്തിനായുള്ള പോരാട്ടം പുതു തലമുറകളില്‍ പ്രതിധ്വനിക്കുന്നുവെന്ന് സോജന്‍ ജോസഫ് ചിത്രീകരിക്കുന്നു. ഇന്നത്തെ കാലത്തു ഓരോരുത്തരും നേരിടേണ്ടി വരുന്ന  ധാര്‍മ്മിക തിരഞ്ഞെടുപ്പുകള്‍ക്കുള്ള വിളിയാണ് ഈ നോവല്‍ 

 ലഭ്യത 

ദി സൈന്‍സ് ഓഫ് റെവലേഷന്‍സും ദി എക്കോസ് ഓഫ് റെസിസ്റ്റന്‍സും  നോഷന്‍ പ്രസ്സ് വഴിയും ലോകമെമ്പാടുമുള്ള പ്രധാന ഓണ്‍ലൈന്‍ പ്ലാറ്റ്‌ഫോംസ് വഴിയും ആമസോണിലും ഇപ്പോള്‍ ലഭ്യമാണ്.
വാഴൂര്‍ ജോസ്