വിഡി രാജപ്പന്‍ സുഖമില്ലാതെ കിടന്നപ്പോള്‍ സഹായമയുമായി എത്തിയത് സുരേഷ് ഗോപി; ആ തുകയില്‍ നിന്നും ഞാന്‍ മോഷ്ടിച്ചു എന്നാണ് പിന്നെ കേട്ടത്; സാജന്‍ പള്ളുരുത്തി ആരോപണത്തിന്റെ സത്യാവസ്ഥ വെളിപ്പെടുത്തുമ്പോള്‍

നടന്‍ സുരേഷ് ഗോപിയുടെ നന്മ നിറഞ്ഞ കഥകള്‍ പലപ്പോഴായി സോഷ്യല്‍മീഡിയയില്‍ എത്താറുണ്ട്, ഇപ്പോഴിതാ മിമിക്രി താരം സാജന്‍ പള്ളുരുത്തി അത്തരമൊരു അനുഭവം പങ്ക് വക്കുകയാണ്.കിടപ്പിലായപ്പോള്‍ നടന്‍ വിഡി രാജപ്പന് സുരേഷ് ഗോപി സഹായധനമായി നല്‍കിയ ഒരു ലക്ഷം രൂപയില്‍ നിന്ന് മോഷ്ടിച്ചുവെന്ന ആരോപണത്തിന് മറുപടിയുമായായാണ് സാജന്‍ ഇക്കാര്യം വെളിപ്പെടുത്തിയത്.

വിടി രാജപ്പന്‍ കിടപ്പിലായ സമയത്ത്ഒരു സഹായം എന്നോണം ഞാന്‍ വീട്ടില്‍ പോയി ഒരു വീഡിയോ എടുത്തിരുന്നു. അദ്ദേഹത്തിന്റെ അവസ്ഥയെ കുറിച്ച് പറഞ്ഞ് കൊണ്ടുള്ള വീഡിയോ ചാനലിലൂടെ പുറത്ത് വിട്ടു. അത് കണ്ട് സുരേഷേട്ടന്‍ (സുരേഷ് ഗോപി) ചാനലില്‍ നിന്ന് എനിക്ക് ലഭിയ്ക്കുന്ന പൈസയില്‍ നിന്ന് ഒരു ലക്ഷം രാജപ്പന്‍ ചേട്ടന്റെ കുടുംബത്തിന് നല്‍കാം എന്ന് പറഞ്ഞു.

ആ പൈസ ചാനലില്‍ നിന്ന് വാങ്ങി വി.ഡി രാജപ്പന്‍ ചേട്ടന് കൊടുക്കേണ്ടത് ഞാന്‍ ആണ്. പക്ഷെ പെട്ടന്ന് ഒന്നും അത് കിട്ടില്ലല്ലോ. ചാനലുകാരുടെ നടപടിക്രമങ്ങള്‍ എല്ലാം കഴിഞ്ഞ് ടിഡിഎസ്സും കഴിഞ്ഞാണ് നമുക്ക് കാശ് തരുന്നത്. ഒരുലക്ഷത്തില്‍ നിന്ന് ടിഡിഎസ് ആയി പത്തായിരം രൂപ പോകും. ബാക്കിയുള്ള തൊണ്ണൂറായിരം വാങ്ങി, അത് അങ്ങനെ തന്നെ ഞാന്‍ വി. ഡി രാജപ്പന്‍ ചേട്ടന്റെ ഭാര്യയ്ക്ക് കൊണ്ടു പോയി കൊടുത്തു.
 
എന്നാല്‍ സായാഹ്നപത്രത്തില്‍ വാര്‍ത്ത വന്നത് ഞാന്‍ പറ്റിച്ചു എന്നാണ്. ഒരു ലക്ഷം തരാം എന്നാണ് സുരേഷ് ഗോപി പറഞ്ഞത്, അതില്‍ നിന്ന് പത്തായിരം രൂപ സാജന്‍ പള്ളുരുത്തി മോഷ്ടിച്ചു എന്ന് രാജപ്പന്‍ ചേട്ടന്റെ ഭാര്യ പറഞ്ഞു. അത് വലിയ വാര്‍ത്തയായി, വിവാദമായി. അത് എന്നെ വളരെ അധികം വേദനിപ്പിച്ചിരുന്നു. സാജന്‍ പറഞ്ഞു

ജീവിതത്തില്‍ ഒരുപാട് ബുദ്ധിമുട്ടുകള്‍ അനുഭവിച്ച ആളാണ് ഞാന്‍, ഒരിക്കലും മറ്റൊരാളെ പറ്റിക്കണം ചതിക്കണം എന്നൊന്നും തോന്നിയിട്ടുമില്ല ഇനി തോന്നുകയുമില്ല എന്നും സാജന്‍ പറഞ്ഞു.