ഞാനൊരു മൃഗസ്നേഹിയൊന്നും അല്ല; എല്ലാ മൃഗങ്ങളോടും ഒക്കെ തന്നെ പേടിയാണ്; തുറന്ന് പറഞ്ഞ് ബേസിൽ ജോസഫ്

മലയാള ചലച്ചിത്ര സംവിധായകനും തിരക്കഥാകൃത്തും നടനുമാണ് ബേസിൽ ജോസഫ്. ആറോളം സിനിമകളിൽ അഭിനയിച്ച താരത്തിന്റെ പുതിയ ചിത്രമാണ്  ‘പാല്‍തു ജാന്‍വര്‍, എന്നാൽ ചിത്രം റിലീസിന് തയ്യാറെടുക്കുകയാണ്.  ബേസില്‍ ചിത്രത്തില്‍ ലൈവ് സ്റ്റോക് ഇന്‍സ്പെക്ടര്‍ ആയാണ് എത്തുന്നത്. എന്നാല്‍ യഥാര്‍ത്ഥ ജീവിതത്തില്‍ താന്‍ മൃഗങ്ങളുമായി ഇടപെഴുകാറില്ലെന്നും അവയെ പേടിയാണെന്നും പറയുകയാണ് ബേസില്‍. റിപ്പോര്‍ട്ടര്‍ ടിവിയുമായുള്ള അഭിമുഖത്തിലായിരുന്നു ബേസിലിന്റെ തുറന്ന് പറച്ചിൽ.

ഞാനൊരു മൃഗസ്നേഹിയൊന്നും അല്ല. മൃഗങ്ങളെ കണ്ടുകൊണ്ടിരിക്കാന്‍ ഇഷ്ടമാണ്. കുറച്ച് ദൂരത്ത് നിന്നും എല്ലാം ഇഷ്ടമാണ്. അടുത്ത് വരുമ്പോള്‍ എനിക്ക് പേടിയാണ്. പട്ടി ആയാലും പൂച്ച ആയാലും ഒക്കെ ഭയങ്കര പേടിയാണ്.എല്ലാ മൃഗങ്ങളോടും ഒക്കെ തന്നെ പേടിയാണ്. പിന്നെയും കോഴിയെയും താറാവിനേയുമാണ് ഒന്ന് തലോടി വിടുക. മുയലും വലിയ കുഴപ്പമില്ല. ഞാന്‍ വീട്ടില്‍ ഒരു മുയലിനെ വളര്‍ത്തിയിട്ടുണ്ട്. തറവാട്ടിലൊക്കെ പശു, ആട്, പോത്തിനെയൊക്കെ വളര്‍ത്തിയിരുന്നു. പക്ഷേ അങ്ങനെയൊരു ഇടപഴകല്‍ ഉണ്ടായിട്ടില്ല. മൃഗങ്ങളുടെ വീഡിയോസ് ഒക്കെ കാണാറുണ്ട്. ഇഷ്ടവുമാണ്.

 മൃഗങ്ങളോട് ഇത്രയും ഇടപെട്ടത് സിനിമയില്‍ വന്ന ദിവസങ്ങളിലാണ്. പ്രൊമോഷനും അങ്ങനെ തന്നെയാണ്. തൊഴുത്തിലൊക്കെയാണ് ഷൂട്ട് ചെയ്യുന്നത്. സിനിമ കാരണം ചില മൃഗങ്ങളോടുള്ള പേടിയൊക്കെ മാറിയിട്ടുണ്ട്. പശുവും ആടുമായി ഭയങ്കര സ്നേഹത്തിലാണ്. ബേസില്‍ പറഞ്ഞു.