വാര്‍ത്ത കണ്ട് പലരും വിളിച്ചിരുന്നു; താന്‍ ആത്മഹത്യക്ക് ശ്രമിച്ചെന്ന് വരെ ഭാര്യ സംശയിച്ചു; തുറന്ന് പറഞ്ഞ് നോബി മാർക്കോസ്

മലയാളികളുടെ പ്രിയ നടനാണ് നോബി മാർക്കോസ്. നിരവധി സിനിമകളിലൂടെ ശ്രദ്ധേയമായ കഥാപാത്രങ്ങളെ അവതരിപ്പിക്കുകയും ചെയ്തു.   കഴിഞ്ഞ ദിവസമായിരുന്നു നടൻ നോബി മാർക്കോസ് ആത്മഹത്യക്ക് ശ്രമിച്ച ശ്രമിച്ചു എന്ന  തരത്തിൽ സോഷ്യൽ മീഡിയയിൽ വ്യാജ വാർത്ത പ്രചരിച്ചത്. നോബി ആത്മഹത്യക്ക് ശ്രമിച്ചെന്നാണ് വ്യാജ വാർത്ത ഉയർന്നത്. എന്നാൽ ഇപ്പോൾ  ഇതിനെതിരെ നടൻ  നോബി തന്നെ രംഗത്തെത്തിയിരിക്കുകയാണ്.

 താന്‍ ആത്മഹത്യക്ക് ശ്രമിച്ചു എന്ന രീതിയില്‍ പ്രചരിച്ച ദൃശ്യങ്ങളാണ് ആദ്യം കണ്ടതെന്നും പിന്നീടാണ് വാര്‍ത്ത കണ്ടതെന്നും നോബി പറഞ്ഞു. വാര്‍ത്ത കണ്ട് പലരും വിളിച്ചിരുന്നു. സോഷ്യല്‍ മീഡിയയില്‍ വാര്‍ത്ത പ്രചരിച്ചപ്പോള്‍ ഭാര്യ തിരുപ്പതിയിലായിരുന്നു. ചില സുഹൃത്തുക്കളാണ് ഭാര്യക്ക് വാര്‍ത്ത അയച്ചുകൊടുത്തത്. അതിന് തൊട്ടുമുന്‍പ് ഭാര്യയുമായി ഫോണില്‍ സംസാരിച്ചു. വാര്‍ത്ത കണ്ട് താന്‍ ആത്മഹത്യക്ക് ശ്രമിച്ചെന്ന് അവള്‍ വരെ സംശയിച്ചു. പിന്നീട് തിരികെ വിളിച്ചുപ്പോഴാണ് ആശ്വാസമായതെന്നും നോബി പറയുന്നു.

 
സോഷ്യല്‍ മീഡിയ ഉപകാരിയാണെങ്കില്‍ ചില സമയത്ത് ഉപദ്രവമാണ്. ഓരോ വ്യാജ വാര്‍ത്തകള്‍  റീച്ച് കൂടാന്‍ പ്രചരിപ്പിക്കുകയാണ്. ‘കുരുത്തോല പെരുന്നാള്‍’ എന്ന തന്റെ പുറത്തിറങ്ങാനിരിക്കുന്ന പുതിയ ചിത്രത്തിലേനന്നായിരുന്നു   വിഡിയോ പ്രചരിച്ചത്.