കൗതുകവും വിസ്മയുമായ ആദ്യ കാഴ്ച്ച; പോലീസ് വേഷത്തില്‍ ടോവിനോ;  അന്വേഷിപ്പിന്‍ കണ്ടെത്തും ഫസ്സ് ഗ്ലാന്‍സ് പുറത്ത്

ക്യാമറ ഫോക്കസ് ചെയ്ത് അടുക്കുന്തോറും വെള്ളത്തില്‍ സ്ഫടികം പോലെ തെളിഞ്ഞു വരുന്നതു പൊലീസ് യൂണിഫോമില്‍ മലയാളത്തിന്റെ പ്രിയ നടന്‍ ടൊവിനോ തോമസിന്റെ ചിത്രമാണ്.അന്വേഷിപ്പിന്‍ കണ്ടെത്തും എന്ന ചിത്രത്തിന്റെ ആദ്യ ലുക്കാണിത്. അണിയറപ്രവര്‍ത്തകര്‍ ഇന്നു പുറത്തുവിട്ടിരിക്കുന്ന മനോഹരമായ കാഴ്ച്ച ഏറെ ശ്രദ്ധേയമാകുന്നു.

ഈ ചിത്രത്തിന്റെ ആദ്യത്തെ കാഴ്ച്ചയുമാണിത്.വെള്ളത്തില്‍ തലതിരിഞ്ഞു വരുന്ന ടൊവിനോയുടെ മുഖം എത്തി നില്‍ക്കുന്നതു നേര്‍ക്കുള്ള മുഖത്തില്‍. അതിന്റെ പ്രതിഫലനമാണ് വെള്ളത്തില്‍ തെളിയുന്നത്‌വലിയ അര്‍ത്ഥം നല്‍കുന്നതാണ് ഈ കാഴ്ച്ച .

നവാഗതനായ ഡാര്‍വിന്‍ കുര്യാക്കോസ് സംവിധാനം ചെയ്യുന്ന ഈ ചിത്രം സമീപകാലത്തെ ഏറ്റം മികച്ച ഇന്‍സ്റ്റിഗേറ്റീവ് ത്രില്ലറായിരിക്കും.
എസ്.ഐ. ആനന്ദ് എന്ന കഥാപാത്രത്തെയാണ് ഈ ചിത്രത്തില്‍ ടൊവിനോ അവതരിപ്പിക്കുന്നത്.

അന്വേഷകരുടെ കഥയല്ല അന്വേഷണങ്ങളുടെ കഥ എന്ന ടാഗ് ലൈനോടെയാണ് ഈ ചിത്രമെത്തുന്നത്.കാപ്പയുടെ വലിയ വിജയത്തിനു ശേഷം തീയേറ്റര്‍ ഓഫ് ഡ്രീംസിന്റെ ബാനറില്‍ തിരക്കഥാകൃത്ത് ജിനു.വി. ഏബ്രഹാം, ഡോള്‍വിന്‍ കുര്യാക്കോസ് എന്നിവരാണ് ഈ ചിത്രം നിര്‍മ്മിക്കുന്നത്.

വന്‍ താരനിരയുടെ അകമ്പടിയോടെയും വലിയ മുതല്‍ മുടക്കോടെയുമാണ് ഈ ചിത്രമെത്തുന്നത്. ഷമ്മി തിലകന്‍, ബാബുരാജ്, സിദ്ദിഖ്, ഇന്ദ്രന്‍സ്, കോട്ടയം നസീര്‍,
അസീസ് നെടുമങ്ങാട്, വിനീത് തട്ടില്‍, ജയ്‌സ് ജോര്‍ജ്, പ്രമോദ് വെളിയനാട്, അര്‍ത്ഥനാ ബിനു, അശ്വതി മനോഹരന്‍, കെ.കെ.സുധാകരന്‍, എന്നിവരും ഈ ചിത്രത്തിലെ പ്രധാന താരങ്ങളാണ്.ജിനു.വി.ഏബ്രഹാമിന്റേതാണ്.

കടുവയുടെ മികച്ച വിജയത്തിനു ശേഷം ജിനു.വി. ഏബ്രഹാം തിരക്കഥ രചിക്കുന്ന ചിത്രം കൂടിയാണിത്.സന്തോഷ് വര്‍മ്മയുടെ വരികള്‍ക്ക് ഈണം പകര്‍ന്നിരിക്കുന്നത് പ്രശസ്ത തമിഴ് സംഗീത സംവിധായകനായ സന്തോഷ് നാരായണന്‍ ഈണം പകര്‍ന്നിരിക്കുന്നു.
ഛായാഗ്രഹണം - ഗൗതം ശങ്കര്‍.
എഡിറ്റിംഗ് - സൈജു ശ്രീധര്‍.
കലാസംവിധാനം - ദിലീപ് നാഥ്.
മേക്കപ്പ് - സജി കാട്ടാക്കട
കോസ്റ്റ്യും - ഡിസൈന്‍ - സമീരാ സനീഷ്.
ചീഫ് അസ്സോസ്സിയേറ്റ് ഡയറക്ടര്‍ - അനീവ്‌സുക്യമാരന്‍.
പ്രൊഡക്ഷന്‍ എക്‌സിക്കുട്ടീവ് - പ്രതാപന്‍ കല്ലിയൂര്‍.
പ്രൊഡക്ഷന്‍ കണ്‍ടോളര്‍ - സഞ്ജു ജെ.
കോട്ടയം, കട്ടപ്പന, തൊടുപുഴ എന്നിവിടങ്ങളിലായി ചിത്രീകരണം പൂര്‍ത്തിയായ ഈ ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി വരുന്നു.
വാഴൂര്‍ ജോസ്.