കേരളത്തിലെ പ്രളയ പശ്ചാത്തലത്തില് മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യാന് സോഷ്യല് മീഡിയയില് താരങ്ങളുടെ ചലഞ്ച്. ആഷിഖ് അബു അടക്കമുള്ള താരങ്ങളാണ് ദുരിതമനുഭവിക്കുന്നവരെ സഹായിക്കാന് ഏറ്റവും മികച്ച മാര്ഗ്ഗം ഇതാണെന്നും താരങ്ങള് ചൂണ്ടിക്കാട്ടുന്നു.
സംവിധായകന് ആഷിഖ് അബു, നടന് ടൊവിനോ തോമസ് സംഗീത സംവിധായകന് ബിജിപാല് എന്നിവര് സോഷ്യല് മീഡിയയിലൂടെ ദുരിതാശ്വാസ നിധിയിലേക്ക് സംഭാവന നല്കാന് ആവശ്യപ്പെട്ടു. 'പത്തെങ്കില് പത്ത് നൂറെങ്കില് നൂറ്, കരുതലിന് കണക്കില്ല' എന്ന് കുറിച്ചുകൊണ്ട് സംഗീത സംവിധായകന് ബിജിബാല് സംവിധായകന് ആഷിക് അബുവിനെ ചാലഞ്ച് ചെയ്തു കൊണ്ട് ഫേസ്ബുക്കില് കുറിച്ചായിരുന്നു ചലഞ്ചിന് തുടക്കമിട്ടത്.
തുടര്ന്ന് ഉടന് തന്നെ ആഷിക് അബു ചാലഞ്ച് സ്വീകരിച്ച് ദുരിതാശ്വാസനിധിയിലേക്ക് സംഭാവന ചെയ്തു. ഇതിന്റെ സ്ക്രീന് ഷോട്ട് സഹിതം ആഷിഖ് ഫേസ്ബുക്കില് പോസ്റ്റ് ചെയ്യുകയും ഒപ്പം ചലഞ്ചിനായി കുഞ്ചാക്കോ ബോബന്, ടൊവിനോ തോമസ്, ആസിഫ് അലി, സൗബിന് ഷാഹിര്, ശ്രീനാഥ് ഭാസി എന്നിവരെ ചാലഞ്ച് ചെയ്യുകയും ചെയ്തു. ടൊവിനോ ചലഞ്ച് അക്സപ്റ്റ് ചെയ്തതിന്റെ സ്ക്രീന് ഷോട്ട് ആരാധകരുമായി പങ്കുവെച്ചിട്ടുണ്ട്. തുടര്ന്ന് സംഗീത സംവിധായകന് കൈലാസ് മേനോന്, ഗായകന് ഹരിശങ്കര് എന്നിവരും വെല്ലുവിളി ഏറ്റെടുത്ത് ദുരിതാശ്വാസനിധിയിലേക്ക് സംഭാവന നല്കിയിട്ടുണ്ട്.
കഴിഞ്ഞ വര്ഷം പ്രളയകാലത്ത് ലഭിച്ച തുക ദുരുപയോഗം ചെയ്തുവെന്നും ദുരിതാശ്വാസ നിധിയിലേക്ക് സംഭാവന ചെയ്യരുതെന്നും സോഷ്യല് മീഡിയയില് വ്യാപകമായി പ്രചരണം നടന്നിരുന്നു. എന്നാല് ഈ പ്രചരണം വാസ്തവമല്ലെന്നും ദുരിതാശ്വാസനിധിയിലെ തുക മറ്റൊരു പ്രവര്ത്തനത്തിനും ഉപയോഗിച്ചിട്ടില്ലെന്നും വ്യക്തമാക്കി മന്ത്രിമാര് രംഗത്തെത്തുകയും ചെയ്തിരുന്നു. വിവരാവകാശനിയമപ്രകാരം ആര്ക്കും ഇക്കാര്യം പരിശോധിക്കാവുന്നതേ ഉള്ളൂവെന്നും അവര് വ്യക്തമാക്കിയിരുന്നു.
Premium Lifestyle and Entertainment website
വിശ്വാസത്തിന്റെയും ഐതിഹ്യത്തിന്റെയും പൊരുള് തേടുന്ന 'കൊടുങ്ങല്ലൂര് ഭരണി കാഴ്ച'; ഡോക്യുമെന്ററി പൂര്ത്തിയായി
സമ്പാദ്യമെല്ലാം ഭാര്യയുടെ പേരിലാക്കി; താനിപ്പോള് 'പാപ്പരാണ്; വേണമെങ്കില് അറസ്റ്റ് ചെയ്തു കൊണ്ടുപോകാം;ജീവിതത്തില് ഞാന് ആവശ്യപ്പെടുന്നത് കാശല്ല; സ്നേഹമാണ്; ബാല പങ്ക് വച്ചത്