കൊച്ചി: കേരളത്തിലെ ഏറ്റവും ശ്രദ്ധേയമായ ശ്രീകുരുംബ ഭഗവതി ക്ഷേത്രത്തിന്റെ ആചാര അനുഷ്ഠാനങ്ങളുടെയും ഉത്സവങ്ങളുടെയും ചരിത്രത്തിലേക്ക് വെളിച്ചം വീശുന്ന 'കൊടുങ്ങല്ലൂര് ഭരണി കാഴ്ച' ഡോക്യുമെന്ററി ചിത്രീകരണം പൂര്ത്തിയായി. ഫ്രെയിം ടു ഫ്രെയിം ഫിലിമിന്റെ ബാനറില് മധുസൂദനന് മാവേലിക്കരയും, ഫുള് മാര്ക്ക് സിനിമയുടെ ബാനറില് ജെഷീദ ഷാജിയും സംയുക്തമായി നിര്മ്മിക്കുന്ന 'കൊടുങ്ങല്ലൂര് ഭരണി കാഴ്ചസംവിധാനം ചെയ്തിരിക്കുന്നത് എഴുത്തുകാരനും മലയാള ചലച്ചിത്രരംഗത്തെ ശ്രദ്ധേയനായ പ്രൊഡക്ഷന് കണ്ട്രോളര് ഷാജി പട്ടിക്കരയാണ്.
പ്രമുഖ നടന് ഇന്ദ്രന്സാണ് ഡോക്യുമെന്ററിയുടെ നരേഷന് നടത്തിയിരിക്കുന്നത്. മാധ്യമ പ്രവര്ത്തകനും സിനിമാ പി ആര് ഒ യുമായ പി ആര് സുമേരനാണ് ഡോക്യുമെന്ററിയുടെ രചന നിര്വ്വഹിച്ചിരിക്കുന്നത്. കേരളത്തിലെ ശാക്തേയ ക്ഷേത്രങ്ങളില് ഏറ്റവും പ്രബലമായ കൊടുങ്ങല്ലൂര് ശ്രീകുരുംബ ക്ഷേത്രത്തിലെ പ്രധാന ആചാരമായ കൊടുങ്ങല്ലൂര് ഭരണി, അശ്വതി കാവുതീണ്ടല് തുടങ്ങി ക്ഷേത്രത്തിലെ ആചാര അനുഷ്ഠാനങ്ങള് ചിത്രീകരിക്കുന്നതാണ് ഈ ഡോക്യുമെന്ററി.
ചരിത്ര വസ്തുതകളുടെയും ചരിത്ര ഗ്രന്ഥങ്ങളുടെയും പിന്ബലവും കൊടുങ്ങല്ലൂര് കോവിലകത്തെ പ്രമുഖ ചരിത്ര പണ്ഡിതരുടെയും നിരീക്ഷണങ്ങളും ആഖ്യാനങ്ങളും ചരിത്ര പഠനങ്ങളും ഉള്പ്പെടുത്തിയാണ് ഡോക്യുമെന്ററിയുടെ ഇതിവൃത്തം തയ്യാറാക്കിയിട്ടുള്ളത്. കൊടുങ്ങല്ലൂര് ശ്രീകുരുംബ ക്ഷേത്രത്തിന്റെ ചരിത്രത്തിലൂടെയുള്ള സഞ്ചാരമാണ് ഈ ഡോക്യുമെന്ററിയെങ്കിലും കൊടുങ്ങല്ലൂരിന്റെ ചരിത്രവും സംസ്ക്കാരവും അര്ഹിക്കുന്ന പ്രാധാന്യത്തോടെ ഡോക്യുമെന്റിയില് ഒരുക്കിയിട്ടുണ്ടെന്ന് സംവിധായകന് ഷാജി പട്ടിക്കര അഭിപ്രായപ്പെട്ടു.
ഒരു ക്ഷേത്ര വിശേഷങ്ങള്ക്കപ്പുറം മിത്തും യാഥാര്ത്ഥ്യവും തമ്മിലുള്ള വൈരുധ്യങ്ങളും പൊരുത്തങ്ങളും ആത്മീയതയുടെയും വിശ്വാസത്തിന്റെയും പിന്ബലത്തില് ഡോക്യുമെന്ററിയില് ഉള്പ്പെടുത്തിയിട്ടുണ്ടെന്ന് രചന നിര്വ്വഹിച്ച പി ആറ് സുമേരന് പറഞ്ഞു.
ഫഹദ് അബ്ദുള്ളയാണ് ക്യാമറ. അയൂബ് ഖാന് എഡിറ്റിംഗും അരുണ് വര്മ്മ സൗണ്ട് ഡിസൈന് നിര്വ്വഹിച്ചിരിക്കുന്നു. സൗണ്ട് മിക്സിംഗ്- ഹരിനാരായണന്, നരേഷന്-ഇന്ദ്രന്സ്, പ്രൊഡക്റ്റ് ഡിസൈനര്- അജയ് ജോസഫ്, സബ് ടൈറ്റില്സ്- നിസാം അസാഫ്, സ്റ്റില്സ്- എ കെ ബിജുരാജ്, പോസ്റ്റര് ഡിസൈന്- മനോജ് ഡിസൈന് തുടങ്ങിയവരാണ്
അണിയറ പ്രവര്ത്തകര്.
Premium Lifestyle and Entertainment website
മൂന്ന് സംസ്ഥാനങ്ങളിലായി നാല് വോട്ടര് തിരിച്ചറിയല് കാര്ഡുകള്; തമിഴ്നാട്ടിലെ വേളാച്ചേരിയില് മാത്രം രണ്ട് വോട്ടുകള്; മൂന്ന് തവണ സമന്സ് അയച്ചിട്ടും ഹാജരായില്ല; നടന് പ്രകാശ് രാജിനെതിരേ ജാമ്യമില്ലാ വാറന്റ് പുറപ്പെടുവിച്ച് കോടതി 
അപ്പോള് നടപടിക്രമങ്ങള് എല്ലാം പൂര്ത്തിയായി; ഇനി എന്താണ് അടുത്ത പരിപാടി?'ആദ്യം ഒരു നല്ല കെട്ടിടം വാടകക്കെടുത്ത് അവിടെയിരുന്ന് നമ്മള് മദ്യപാനം തുടങ്ങുന്നു;'അമ്മ'യിലെ കൂട്ടരാജിക്കിടെ സോഷ്യല് മീഡിയയില് തിക്കുറിശ്ശിയുടെ തമാശ പൊടിതട്ടിയെടുത്ത് വി.കെ ശ്രീരാമന് 
'വിമര്ശനത്തിന്റെ പേരില് സിനിമകളെ പരിഹസിക്കുന്ന പ്രവണതയില് ചര്ച്ചകള് അനിവാര്യം';സിനിമാരംഗത്ത് ഉത്തരവാദിത്തമുള്ള റിവ്യൂ സംസ്കാരം ഉണ്ടാകണം;പൊങ്കാല'യ്ക്ക് ലഭിച്ചത് നെഗറ്റീവ് റിവ്യൂ, ഒ.ടി.ടിയില് 9-ാം സ്ഥാനത്ത്; മുഖ്യമന്ത്രിയെ കണ്ട് ആശങ്കകള് അറിയിച്ചു; 'കുറിപ്പുമായി സംവിധായകന് 
ഞാന് നിങ്ങളുടെ സ്വപ്നം സഫലമാക്കിയില്ലേ അച്ഛാ' എന്ന് വിജയ് ചോദിച്ചു; രാഷ്ട്രീയത്തില് ഇറങ്ങാന് പലരും ആഗ്രഹിച്ച് പരാജയപ്പെട്ടു, പക്ഷെ ജനപിന്തുണയും ആരാധകരും അവനെ തുണച്ചു; മനസ്സ് തുറന്ന് അമ്മ ശോഭ
കുടുംബാംഗങ്ങളെല്ലാം ഒരു രക്തത്തില് പെട്ടവരാകണം എന്നില്ല;ഗായിക ഗൗരി ലക്ഷ്മിയുടെ വിവാഹത്തിന് ആശംസകളുമായി ആദ്യ ഭര്ത്താവ്; വൈറലായി കുറിപ്പും ചിത്രങ്ങളും