നടന്‍ കൊച്ചു പ്രേമന്റെയും നടി ഗിരിജയുടെയും മകന്‍ ഹരികൃഷ്ണന്‍ വിവാഹിതനായി;  വിവാഹം കോവിഡ് നിയന്ത്രണങ്ങള്‍ പാലിച്ച്  

മുഖവുര ആവശ്യമില്ലാത്ത മലയാളചലച്ചിത്രനടനാണ് കൊച്ചു പ്രേമന്‍.താരത്തിന്റെ മകന്‍ ഹരികൃഷ്ണന്‍ വിവാഹിതനായി എന്ന വാര്‍ത്തയാണ് എത്തുന്നത്. രെഷ്‌ലിയാണ് വധു.തിരുവനന്തപുരം ഹൈസിന്ത് ഹോട്ടലിലായിരുന്നു വിവാഹം. കൊവിഡ് നിയന്ത്രണങ്ങള്‍ പാലിച്ചായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തിന് ഉണ്ടായിരുന്നത്. വൈ വി പുരുഷോത്തമന്റെയും ബിന്ധു കെയുടെയും മകളാണ് രെഷ്‌ലി. നടന്‍ മണിയന്‍പിളള രാജുവും കുടുംബവും വിവാഹത്തില്‍ പങ്കെടുത്തു. 

കെ.എസ്. പ്രേംകുമാര്‍ എന്നാണ് കൊച്ചു പ്രേമന്റെ യഥാര്‍ത്ഥ പേര്. ഇദ്ദേഹം 100 ചലച്ചിത്രങ്ങളില്‍ കൂടുതല്‍ അഭിനയിച്ചിട്ടുണ്ട്. പ്രധാനമായും ഹാസ്യ പ്രാധാന്യമുള്ള വേഷങ്ങളിലാണ് ഇദ്ദേഹം അഭിനയിക്കുന്നത്.യുഎഇയില്‍ ചിത്രീകരിച്ച, സാദിഖ് കാവില്‍ രചന നിര്‍വഹിച്ച ഷവര്‍മ എന്ന ഹ്രസ്വ ചിത്രത്തിലും അദ്ദേഹം അഭിനയിച്ചു.1955-ല്‍ ശ്രീവരാമന്‍ ശാസ്ത്രി, കമലം എന്നിവരുടെ മകനായാണ് ഇദ്ദേഹം ജനിച്ചത്. തിരുവനന്തപുരം എം.ജി. കോളേജില്‍ വിദ്യാഭ്യാസം പൂര്‍ത്തിയാക്കിയശേഷം ഇദ്ദേഹം പതിനെട്ടുവര്‍ഷം കാളിദാസകലാകേന്ദ്രം എന്ന നാടക ട്രൂപ്പില്‍ ജോലി ചെയ്തു. 1996-ല്‍ ഇദ്ദേഹം ദില്ലിവാല രാജകുമാരന്‍ എന്ന ചലച്ചിത്രത്തിലൂടെ ചലച്ചിത്രാഭിനയരംഗത്ത് പ്രവേശിച്ചു. മലയാളം നടിയായ ഗിരിജ പ്രേമനാണ് ഇദ്ദേഹത്തിന്റെ ഭാര്യ.