ഇന്ത്യയുടെ ഉലകനായകനാണ് കമല്ഹാസന്. അഭിനയപാടവത്താല് മാത്രമല്ല വ്യക്തിത്വം കൊണ്ടും പ്രേക്ഷകരുടെ മനസില് പ്രത്യേക സ്ഥാനമാണ് കമല് ഹാസനുള്ളത്. ഇപ്പോഴിതാ കമല്ഹാസന്റെ മനോഹരമായ ഒരു വീഡിയോയാണ് സാമൂഹിക മാധ്യമങ്ങളില് തരംഗമാകുന്നത്.
ഒരു കുട്ടി ആരാധകന് കമലഹാസനൊപ്പം ഇരിക്കുന്ന വീഡിയോയാണ് വൈറലായിരിക്കുന്നത്. കെ എസ് ശബരിനാഥിന്റെയും കളക്ടര് ദിവ്യ എസ് അയ്യരുടെയും മകന് മല്ഹാര് ആണ് വീഡിയോയില് കമലഹാസനൊപ്പം പ്രത്യക്ഷപ്പെട്ട ആ കൊച്ചു മിടുക്കന്. വളരെ ക്യൂട്ട് ആയ ഈ വീഡിയോ പെട്ടെന്നാണ് ആരാധകര് ഇരുകൈയും നീട്ടി സ്വീകരിച്ചതും വൈറലായതും.
കെഎസ് ശബരീനാഥന് തന്റെ പേജിലാണ് വീഡിയോ പങ്കിട്ടത്. എംജി സോമന് ഫൗണ്ടേഷന്റെ പേരിലുള്ള ചടങ്ങിന് കമലഹാസന് എത്തിയപ്പോഴാണ് ശബരിനാഥന്റെ മകന് മല്ഹാര് താരത്തിന്റെ സീറ്റിലേക്ക് കയറി ഇരുന്നത്. ചടങ്ങില് ഒരു പ്രേക്ഷകനായി എത്തിയ മല്ഹാറിന് അതാരാണെന്ന് പോലും അറിയില്ലായിരുന്നു. സീറ്റില് കയറാന് ശ്രമിച്ച മല്ഹാറിനെ അടുത്ത് ഇരുത്തുന്ന കമലഹാസനാണ് വീഡിയോയില്.
ലോകേഷ് കനകരാജിന്റെ സംവിധാനത്തില് ഒരുങ്ങിയ വിക്രമാണ് കമലഹാസന്റെ അവസാനമായി പ്രേക്ഷകര്ക്ക് മുന്നില് എത്തിയ ചിത്രം. 2022ലെ ഹിറ്റ് ചിത്രങ്ങളില് ഒന്നായ വിക്രത്തില് ഒരു വലിയ താരനിര തന്നെയാണ് ഉള്ളത്. കാളിദാസ് ജയറാം, ഫഹദ് ഫാസില്, വിജയ് സേതുപതി, സൂര്യ തുടങ്ങിയവര് അഭിനയിച്ച ചിത്രത്തിന്റെ അടുത്ത ഭാഗത്തിനായി കാത്തിരിക്കുകയാണ് ഇപ്പോഴിതാ ആരാധകര്.
ശബരിനാഥന്റെ ഫേസ്ബുക്ക് പോസ്റ്റിന്റെ പൂര്ണ രൂപം
വെറുതെയാണോ കമലഹാസന് കാന്തശക്തിയും മാസ്മരികതയുമുണ്ടെന്ന് എല്ലാവരും പറയുന്നത്.
അനശ്വരനടനായ എം ജി സോമന്റെ പേരിലുള്ള ഫൌണ്ടേഷന്റെ ഉദ്ഘാടനത്തിന് തിരുവല്ലയില് അദ്ദേഹം എത്തിയിരുന്നു.ചടങ്ങില് ഒരു പ്രേക്ഷകനായി എത്തിയ മല്ഹാര് അദ്ദേഹം ആരാണെന്ന് പോലും അറിയാതെ അരികില് എത്തിയപ്പോള് കുഞ്ഞിനെ സ്നേഹത്തോടെ കമല് ചേര്ത്തുനിര്ത്തി. എന്നിട്ട് രണ്ടുപേരും കിടിലം കമ്പനി. What a man!
Premium Lifestyle and Entertainment website
പ്രേതബാധ; 24 വര്ഷം കഴിഞ്ഞിട്ടും സിനിമ ചിത്രീകരിച്ച ഫ്ളാറ്റ് ഒഴിഞ്ഞു കിടക്കുന്നു; ഭൂത് സിനിമ റിലീസായതോടെ അപ്പാര്ട്ട്മെന്റ് കുപ്രസിദ്ധമായി: രാം ഗോപാല് വര്മയുടെ വാക്കുകള് ചര്ച്ചയാകുമ്പോള്
40-കാരനെ വീഴ്ത്താന് ശ്രമിക്കുന്ന 20-കാരി; സൂര്യയുടെ നായികയായി മമിത ബൈജു; വിശ്വനാഥ് ആന്ഡ് സണ്സ് ടീസര് പുറത്ത്