തകര്പ്പന് പൊളിറ്റിക്കല് സ്റ്റോറിയുമായി സൂര്യ എത്തുന്ന ചിത്രമാണ് എന്.ജി.കെ. രാകുല് പ്രീത് സിംഗ്, സായ് പല്ലവി എന്നിവരാണ് ചിത്രത്തിലെ നായികമാര്. സിനിമ ചിത്രീകരിക്കുന്നതിനിടെ സായ് പല്ലവിയും രാകുലും തമ്മില് അഭിപ്രായ വ്യത്യാസങ്ങളുണ്ടായെന്ന തരത്തില് ചില വാര്ത്തകള് പ്രചരിച്ചിരുന്നു. എന്നാല് ഇരുവരും ആദ്യം പ്രതികരിച്ചില്ല. ഒടുവില് മറുപടിയുമായി രംഗത്ത് വന്നിരിക്കുകയാണ് രാകുല്.
ഒരു തമിഴ് മാധ്യമത്തിന് നല്കിയ അഭിമുഖത്തിലാണ് രാകുല് ഇത് സംബന്ധിച്ച ചോദ്യത്തിന് മറുപടി നല്കിയത്.'ഞങ്ങള് തമ്മില് യാതൊരു പ്രശ്നങ്ങളുമില്ല. അതെല്ലാം വ്യാജ വാര്ത്തകളാണ്. മാത്രവുമല്ല ചിത്രത്തില് ഞങ്ങള് രണ്ടുപേര്ക്കും ശക്തമായ കഥാപാത്രങ്ങളെ അവതരിപ്പിക്കാന് അവസരം ലഭിച്ചു. അതില് എനിക്ക് സന്തോഷമുണ്ട്'- രാകുല് പറഞ്ഞു.
എട്ട് വര്ഷത്തെ നീണ്ട ഇടവേളയ്ക്ക് ശേഷം പുറത്തിറങ്ങുന്ന സെല്വരാഘവന് ചിത്രമാണ് എന്.ജി.കെ. ധനുഷ് പ്രധാനവേഷത്തിലെത്തിയ മയക്കമെന്നയായിരുന്നു സെല്വരാഘവന് അവസാനമായി സംവിധാനം ചെയ്ത ചിത്രം. 2011 ലാണ് ചിത്രം പുറത്തിറങ്ങിയത്.
പിന്നീട് നെഞ്ചം മറപ്പതില്ലൈ, മന്നവന് വന്താനടി എന്നീ രണ്ടു ചിത്രങ്ങള് പ്രഖ്യാപിച്ചുവെങ്കിലും ചിത്രീകരണം അനിശ്ചിതമായി നീണ്ടു പോയി. മെയ് 31 നാണ് പൊളിറ്റിക്കല് ആക്ഷന് ത്രില്ലറായ എന്.ജി.കെ പുറത്തിറങ്ങുന്നത്. നന്ദ ഗോപാലന് കുമാരന് എന്ന ടൈറ്റില് കഥാപാത്രത്തെയാണ് സൂര്യ അവതരിപ്പിക്കുന്നത്. ദേവ്രാജ്, പൊന്വണ്ണന്, ബാല സിംഗ് തുടങ്ങിയവരാണ് ചിത്രത്തിലെ മറ്റു താരങ്ങള്.
Premium Lifestyle and Entertainment website
ജീവിതത്തിലേക്ക് മൂന്നാമതൊരാള് വന്നിട്ടല്ല വിഷയങ്ങള് ഉണ്ടായത്; ഞങ്ങള് പിരിയാന് കാരണം അയാളല്ല: ഫിറോസ് ഇക്കയും താനും ഇപ്പോഴും നല്ല സുഹൃത്തുക്കള്; പുറത്ത് വരുന്ന വ്യാജ വാര്ത്തകളോട് പ്രതികരിച്ച് സജ്ന
ആരൊക്കെ ഏത് വേഷം ചെയ്യണമെന്നത് അണിയറപ്രവര്ത്തകരുടെ തീരുമാനം, അത് അനീതിയല്ല'; ഒരു നടി എന്ന നിലയില് ആ കാര്യം എന്റെ കടമയും ഉത്തരവാദിത്തവുമാണ്; വിവാദങ്ങളില് പ്രതികരിച്ച് മമിത ബൈജു