ആമിയ്ക്ക് ശേഷം കമല് സംവിധാനം ചെയ്യുന്ന ചിത്രമാണ് പ്രണയമീനുകളുടെ കടല്. ചിത്രത്തില് പ്രധാന കഥാപാത്രത്തെ അവതരിപ്പിക്കുന്നത് വിനായകനാണ്. മികച്ച നടനുള്ള സംസ്ഥാന പുരസ്കാരം നേടിയതോടെ കരുത്തുറ്റ വേഷങ്ങളും ഈ നടന്റെ വഴിയില് വന്നുതുടങ്ങിയെന്നതിന് തെളിവാണ് പുതിയ കമല്ചിത്രവും. പുതിയ ചിത്രത്തിന്റെ പ്രൊമഷന് പരിപാടിക്കിടെ നടന് പങ്ക് വച്ച വാക്കുകളാണ് ഇപ്പോള് വാര്ത്തകളില് ഇടം നേടുന്നത്.ന്യൂസ് 18 നിലെ കളര്പടം പരിപാടിയിലാണ് വിനായന് പങ്ക് വച്ച കാര്യങ്ങളാണ് ഇപ്പോള് ചര്ച്ചയാകുന്നത്.
ഇന്നുവരെയും സിനിമയില് നല്ല ഷര്ട്ട് പോലും ധരിച്ച് തനിക്ക് അഭിനയിക്കാന് കഴിഞ്ഞിട്ടില്ലെന്ന് നടന് വിനായകന്. എപ്പോഴും ഒരു ശവം പൊക്കുന്നതോ പിച്ചക്കാരുടെയോ കഥാപാത്രമാണ് ലഭിക്കുന്നതെന്നും ആള്ക്കാര് എന്തുകൊണ്ടാണ് എന്നെക്കുറിച്ച് ഇങ്ങനെ ചിന്തിക്കുന്നതെന്നും വിനായകന് പ്രതികരിച്ചു.
'എപ്പോഴും ഡാര്ക്ക് അല്ലേ. ഇന്നുവരെയും നല്ല ഷര്ട്ട് പോലും ഒരു പടത്തിലും ഇടാന് കഴിഞ്ഞിട്ടില്ല. ഇപ്പോഴും കഥ വരുന്നതെല്ലാം ശവം പൊക്കുന്ന ആള്ക്കാരും പിച്ചക്കാരനും. ആള്ക്കാര് എന്തുകൊണ്ടാണ് എന്നെക്കുറിച്ച് ഇങ്ങനെ ചിന്തിക്കുന്നത്. പിച്ചക്കാരനും ഡാര്ക്കെന്നും പറഞ്ഞാല് അപ്പൊ തന്നെ വിനായകനാണ്.' എന്നായിരുന്നു വിനായകന്റെ പ്രതികരണം.
പ്രണയമീനുകളുടെ കടലാണ് വിനായകന്റെ പുതിയ ചിത്രം.ജോണ് പോളും കമലും ചേര്ന്നാണ് തിരക്കഥയൊരുക്കിയത്.പ്രണയം മീന് കടല് എന്നിങ്ങനെ ചിത്രത്തിന്റെ പേരിലെ തന്നെ ആകര്ഷണമാണ് തന്നെ ചിത്രത്തിലേക്കെത്തിച്ചതെന്നും ജോണ്പോള്- കമല് എന്ന കൂട്ടുകെട്ടിലേക്ക് വിനായകന് കടന്നുവരികയെന്നത് തന്നെയാണ് പടം സൈന് ചെയ്യാന് കാരണമെന്നും വിനായകന്.
വളരെ ഷാര്പ്പായിട്ടുള്ള കഥാപാത്രത്തെയാണ് അവതരിപ്പിക്കുന്നതെന്നും വിനായകന് പറഞ്ഞു.'ഒരു നടന് എന്ന നിലയില് കമ്മട്ടിപ്പാടത്തില് ഞാന് തൃപ്തിയായിട്ടുണ്ടായിരുന്നില്ല. നടന് എന്ന തരത്തില് കുറച്ച് സ്ട്രോങ് ആയി നില്ക്കാന് വേണ്ടിയാണ് തൊട്ടപ്പന് ചെയ്തത്. അത് കഴിഞ്ഞാണ് പ്രണയമീനുകളുടെ കടല് റീലിസ് ചെയ്യുന്നത്.'
ഞാന് സങ്കടത്തിന് നിന്ന് ജനിച്ചവനാണ്. ഇനി എനിക്ക് സന്തോഷം മാത്രം മതി, അതുകൊണ്ട് തന്നെ ഇനി മെയിന്സ്ട്രീം പടങ്ങള് ഡാര്ക്കായിട്ട് ചെയ്യാന് ആഗ്രഹിക്കുന്നില്ലെന്നും എല്ലാവരെയും പോലെ എനിക്ക് സങ്കടം ഇഷ്ടമല്ലെന്നും വിനായകന് പറഞ്ഞു.
Premium Lifestyle and Entertainment website
ഇരുപതുകളില് വിവാഹത്തെക്കുറിച്ച് ആലോചില്ല; ആളുകളെ പരിചയപ്പെടുന്നു...ഡേറ്റ് ചെയ്യുന്നു; മുപ്പത് വയസൊക്കെ ആയപ്പോള് എന്നെക്കുറിച്ച് കുറച്ചെങ്കിലും ബോധമുണ്ടായി;കണ്ട് വളര്ന്നത് സിംഗിള് ആയിട്ടുള്ള സ്ത്രീയെ കണ്ട് ആണ്; എന്തുകൊണ്ട് വിവാഹം ചെയ്യില്ലെന്ന ചോദ്യങ്ങള്ക്ക് രഞ്ജിനി ഹരിദാസിന്റെ മറുപടി
'ഷൂട്ട് കഴിഞ്ഞ് റൂമിലെത്തിയാല് തല്ലിയുടച്ച വേദന; തേച്ചുപിടിപ്പിക്കുന്നത് തൈലവും മരുന്നും; കേരളത്തില് 'ബ്ലാസ്റ്റി'ന് കിട്ടിയത് വന് സ്വീകാര്യത'; അനുഭവങ്ങള് പങ്കുവെച്ച് നടി അഭിരാമി!