റേസിങ് ട്രാക്കിലെ വിനയം ആരാധകര്ക്കിടയില് വലിയ ചര്ച്ചയാകുന്നു. ഒരു റേസിങ് മത്സരശേഷം നീണ്ടനിരയിലുള്ള ആരാധകര്ക്കൊപ്പം ക്ഷമയോടെ ചിത്രങ്ങളെടുത്ത തമിഴ് സൂപ്പര്താരം അജിത്ത് കുമാറിന്റെ വീഡിയോ സമൂഹമാധ്യമങ്ങളില് വൈറലായിരിക്കുകയാണ്. സിനിമയ്ക്ക് അപ്പുറം റേസിങ്ങിനോടും യാത്രകളോടും വലിയ താല്പ്പര്യം പ്രകടിപ്പിക്കുന്ന താരമാണ് അജിത്ത്. സ്വന്തമായി ഒരു റേസിങ് ടീം പ്രഖ്യാപിച്ചതിന് പിന്നാലെ റേസിങ് ട്രാക്കുകളില് താരം സജീവമാണ്.
റേസിങ്ങിന് ശേഷമുള്ള ക്ഷീണമൊന്നും പ്രകടിപ്പിക്കാതെ, നൂറുകണക്കിന് ആരാധകര്ക്ക് മുന്നില് ശാന്തനായി നില്ക്കുന്ന അജിത്തിനെയാണ് കാണാനാകുന്നത്. ഓരോ ആരാധകന്റെയും അരികിലെത്തി പുഞ്ചിരിയോടെ അദ്ദേഹം ഫോട്ടോകള്ക്ക് പോസ് ചെയ്യുന്നത് സമൂഹമാധ്യമങ്ങളില് ആരാധകരെ അത്ഭുതപ്പെടുത്തി. അജിത്തിന്റെ ഈ ലളിതമായ ഇടപെഴകല് താരത്തോടുള്ള ബഹുമാനം വര്ദ്ധിപ്പിച്ചതായി നിരവധി പേര് കുറിച്ചു. നേരത്തെ, സ്പെയിനിലെ സര്ക്യൂട്ട് ഡി ബാര്സലോണയില് നടന്ന റേസിങ്ങിനിടെ തന്നെ കാണാനെത്തിയ ഒരു ആരാധകന് അജിത്ത് താക്കീത് നല്കിയത് വാര്ത്തയായിരുന്നു.
ഈ വര്ഷം 'വിടാമുയര്ച്ചി', 'ഗുഡ് ബാഡ് അഗ്ലി' എന്നീ ചിത്രങ്ങളിലൂടെ അജിത്ത് പ്രേക്ഷകരിലേക്ക് എത്തിയിരുന്നു. ഈ രണ്ട് സിനിമകളിലും നായികയായി എത്തിയത് തൃഷയായിരുന്നു. അടുത്തിടെ പാലക്കാട്ടെ കുടുംബ ക്ഷേത്രത്തില് ദര്ശനം നടത്താനെത്തിയ അജിത്തിന്റെയും കുടുംബത്തിന്റെയും ചിത്രങ്ങളും സമൂഹമാധ്യമങ്ങളില് വലിയ തരംഗമായിരുന്നു.
Premium Lifestyle and Entertainment website
ദൈവങ്ങള്ക്ക് നന്ദി..സത്യമേവ ജയതേ...! നടനെ കോടതി വെറുതെ വിട്ടതും എങ്ങും ആവേശം; ദിലീപിനെ ചേര്ത്തുപിടിച്ച് പിടിച്ച് നില്ക്കുന്ന പോസ്റ്റ് പങ്ക് വച്ച് നാദിര്ഷാ; വൈറലായി അടുത്ത കൂട്ടുകാരന്റെ വാക്കുകള്
എല്ലാവരും കൂടി കൂകി വിളിച്ച് ജയിലിലേക്ക് കയറ്റി വിട്ടതോടെ കണ്ടത് ഒരു നടന്റെ തകര്ച്ച; കുത്തുവാക്കുകള് പറഞ്ഞും ഇരട്ടപ്പേരുകള് വിളിച്ചും മലയാളികൂട്ടം; ജനപ്രിയന്റെ സ്ത്രീ ആരാധകര് അടക്കം കുറഞ്ഞു; റിമാന്ഡ് കാലം കഴിഞ്ഞ് പുറത്തിറങ്ങിയ 'രാമലീല'യും മുഖം രക്ഷിച്ചില്ല; നിമിഷ നേരം കൊണ്ട് തകര്ന്ന് തരിപ്പണമായത് അടുത്ത വീട്ടിലെ പയ്യന് എന്ന 'ഇമേജ്'; ഇത് വിവാദച്ചുഴിയില് പെട്ട ദിലീപിന്റെ സിനിമ ജീവിതം