മലയാള സിനിമയില്‍ ഒരു പുത്തന്‍ പരീക്ഷണമായി എത്തിയ ചിത്രമാണ് അതിശയന്‍. കുട്ടികള്‍ക്കായി ഒരുക്കിയ ചിത്രത്തിലൂടെ ശ്രദ്ധേയനായി പിന്നീട് ആനന്ദഭൈരവി എന്ന ചിത്രത്തിലൂടെ ഗംഭീര പ്രകടനം നടത്തുകയും ചെയ്ത കൊച്ചു പയ്യനാണ് ദേവദാസ്. ഇന്ന് 17 വര്‍ഷങ്ങള്‍ക്കിപ്പുറം ആ കൊച്ചുപയ്യന്‍ വളര്‍ന്ന് ഒരു യുവാവായി മാറിക്കഴിഞ്ഞു. മുംബൈയിലെ ഒരു ഫിലിം ഇന്‍സ്റ്റിറ്റ്യൂട്ടില്‍ നിന്നും ബി.എസ്.സി ഫിലിം മേക്കിങ്ങില്‍ ബിരുദം നേടി വിദ്യാഭ്യാസവും പൂര്‍ത്തിയാക്കിയ ദേവദാസ് ദിവസങ്ങള്‍ക്കു മുമ്പാണ് നടി ഗോപികാ അനിലിനൊപ്പം സോഷ്യല്‍ മീഡിയയില്‍ പ്രത്യക്ഷപ്പെട്ടത്. മുഖത്തെ ചിരിയ്ക്കും നുണക്കുഴിയ്ക്കും ഇന്നും ഒരു മാറ്റവും വരാത്ത ദേവദാസിനെ ഒറ്റനോട്ടത്തില്‍ തന്നെ പ്രേക്ഷകര്‍ മനസിലാക്കുകയും ചെയ്തിരുന്നു.
ഇപ്പോഴിതാ, ആ പയ്യന്‍ മലയാളത്തിലെ ഒരു പ്രശസ്തനായ നടന്റെ മകനാണെന്ന വിവരമാണ് പുറത്തു വന്നിരിക്കുന്നത്. അധികമാരും തിരിച്ചറിയാതെ പോയ ആ സത്യമാണ് ഇപ്പോള്‍ മറനീക്കി പുറത്തു വന്നിരിക്കുന്നത്.നിരവധി സിനിമകളില്‍ വില്ലന്‍ കഥാപാത്രമായി തിളങ്ങിയ നടനും വമ്പന്‍ വ്യവസായിയുമായ രാമുവിന്റെ മൂത്തമകനാണ് ദേവദാസ്. ഭാസി പടിക്കല്‍ എന്നാണ് രാമുവിന്റെ യഥാര്‍ത്ഥ പേര്. രശ്മിയാണ് ഭാര്യ. ഇരുവര്‍ക്കും ഇളയ ഒരു മകള്‍ കൂടിയുണ്ട്. വീണ്ടും സിനിമയില്‍ തിളങ്ങാന്‍ എത്തിയിരിക്കുന്ന ദേവദാസ് ഏഴു വര്‍ഷം മുമ്പ് കളിക്കൂട്ടുകാര്‍ എന്ന ചിത്രത്തിലൂടെ നായകനായി എത്തുന്നുവെന്ന വാര്‍ത്തകള്‍ പുറത്തു വന്നിരുന്നു. അതുകൊണ്ടു തന്നെ അത്ര ശ്രദ്ധ നേടാതിരുന്ന ആ ചിത്രത്തിലൂടെ ദേവദാസിന്റെ തിരിച്ചു വരവും വാര്‍ത്തയായില്ല. ഇപ്പോള്‍ വീണ്ടും ഏഴു വര്‍ഷങ്ങള്‍ക്കു ശേഷമാണ് സോഷ്യല്‍ മീഡിയയിലൂടെ ദേവദാസ് ശ്രദ്ധ നേടിയത.്
ഒരു സിനിമയില്‍ അഭിനയിച്ചു കിട്ടാത്ത റീച്ചും പ്രശസ്തിയുമാണ് ഒരു കുഞ്ഞു ഷോര്‍ട്ട് വീഡിയയോയിലൂടെ ദേവദാസിന് ലഭിച്ചത്. പണ്ടത്തെ ആ ക്യൂട്ട് ബോയിയുടെ പുത്തന്‍ ലുക്കാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നതും.ഫിറ്റ്നസ്സിലൊക്കെ ശ്രദ്ധ ചെലുത്തി പുതിയ മേക്കോവറിലാണ് ദേവദാസ് വീഡിയോയില്‍ നില്‍ക്കുന്നത്. 'അമ്പോ... ഇത് അതിശയം ആയിരിക്കുന്നല്ലോ...' എന്നാണ് ഒരാള്‍ വീഡിയോയ്ക്ക് കമന്റിട്ടിരിക്കുന്നത്.
അതിശയനു ശേഷം 'ആനന്ദഭൈരവി' എന്ന ചിത്രത്തിലും ശ്രദ്ധേയമായ കഥാപാത്രത്തെ അവതരിപ്പിച്ച ദേവദാസ് പിന്നീട് സിനിമ വിടുകയായിരുന്നു. 12 വര്‍ഷത്തെ ഇടവേളയ്ക്ക് ശേഷമാണ് 'കളിക്കൂട്ടുകാര്‍' എന്ന ചിത്രത്തില്‍ നായകനായി മടങ്ങിയെത്തിയത്. മുംബൈയിലെ ഒരു ഫിലിം ഇന്‍സ്റ്റിറ്റ്യൂട്ടില്‍ ബി എസ് സി ഫിലിം മേക്കിങ്ങില്‍ ബിരുദം നേടിയിട്ടുണ്ട് ദേവദാസ് വീണ്ടും പ്രതീക്ഷയോടെയാണ് തിരിച്ചെത്തിയിരിക്കുന്നത്. ജയറാമിന്റെ മകന്‍ കാളിദാസിന്റെ മുഖച്ഛായയുള്ള ദേവദാസിനെ പെട്ടെന്ന് കണ്ടാല്‍ കാളിദാസ് ആണോയെന്ന സംശയം പോലും ഉണ്ടാവുകയും ചെയ്യും.
Premium Lifestyle and Entertainment website
ബിഎഡ് ചെയ്തോണ്ടിരിക്കുന്ന സമയത്ത് ആദ്യ വിവാഹം; ആറ് മാസം മുതല്‍ ചെറിയ പ്രശ്‌നങ്ങള്‍ തുടങ്ങി; പ്രഗ്‌നന്റായ സമയത്ത് കൃത്യമായ ഭക്ഷണം പോലും കിട്ടുന്നില്ലായിരുന്നു; മോള്‍ക്ക് ഒരു വയസും മൂന്ന് മാസവും ആയപ്പോള്‍ നില്‍ക്കാന്‍ പറ്റാത്ത അവസ്ഥയായി;വിദ്യാഭ്യാസമുള്ളത് കൊണ്ട് ആരുടെ മുന്നിലും തല താഴ്ത്താതെ ജീവിക്കാന്‍ കഴിഞ്ഞു; അര്‍ജ്ജുന്റെ ചേട്ടന്റെ ഭാര്യായി എത്തിയ വിദ്യക്ക് പറയാനുള്ളത്
മോളിവുഡ് നടി ദുസരാ വിജയന്‍ കാട്ടാളനിലൂടെ മലയാളത്തിലേക്ക്; പോസ്റ്റര്‍ പുറത്ത്