നവാഗതനായ ആധവ ഈശ്വര, ഗായികയും കനോഡിയന്‍ മോഡലുമായ നിക്കേഷ എന്നിവരെ മുഖ്യ കഥാപാത്രങ്ങളാക്കി കമലനാഥന്‍ ഭുവന്‍ കുമാര്‍ കഥയെഴുതി സംവിധാനം ചെയ്ത സസ്പെന്‍സ് ത്രില്ലര്‍ ആണ് 'ഭായ്: സ്ലീപ്പര്‍ സെല്‍'. ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തിറക്കിയതിന് പിന്നാലെ വിവാദങ്ങള്‍ പൊട്ടിപ്പുറപ്പെട്ടിരുന്നു. ചിത്രത്തെ 'ഇസ്ലാമിക വിരുദ്ധം' എന്ന് ചില മുസ്ലീം സംഘടനകള്‍ വിശേഷിപ്പിച്ചതോടെയാണ് വിവാദം ആരംഭിച്ചത്. ചിത്രത്തില്‍ മുസ്ലീം സമൂഹത്തെ ഒരു പ്രത്യേക രീതിയില്‍ ചിത്രീകരിച്ചുവെന്ന് അവര്‍ ആരോപിച്ചിരുന്നു. ചിത്രത്തിന്റെ പുറത്തിറങ്ങിയ ഫസ്റ്റ്‌ലുക്ക് പോസ്റ്ററില്‍ മുസ്ലിം വേഷധാരിയായ നായകന്‍ നെറ്റിയില്‍ കുറിയും, കൈയ്യില്‍ ഒരു കൊന്തയുമായി പണത്തിനും, ആയുധങ്ങളും ഇടയില്‍ ഇരിക്കുന്നതാണ് കാണുന്നത്. ഇതിനെ തുടര്‍ന്ന് ഉണ്ടായ വിവാദങ്ങള്‍ നിയമപരമായി നേരിട്ട്, ചിത്രത്തിന്റെ നിര്‍മ്മാതാക്കളായ കെ.ആര്‍.എസ് ഫിലിംഡം ആരോപണങ്ങള്‍ക്ക് ഉള്ള ഉത്തരം വ്യക്തമാക്കി ഒരു മാധ്യമ പ്രസ്താവന ഇറക്കിയിരുന്നു.
'ഭായ് - ഒരു മതത്തിനും വികാരങ്ങള്‍ക്കും എതിരല്ല. നല്ല സിനിമകള്‍ നല്‍കുക എന്നതാണ് ഞങ്ങളുടെ ലക്ഷ്യം, മതപരമായ വികാരങ്ങള്‍ക്കോ വിശ്വാസങ്ങള്‍ക്കോ എതിരായി പ്രവര്‍ത്തിക്കരുത്. ഞങ്ങളുടെ കഥകളില്‍ മനുഷ്യത്വത്തിന് എതിരായ ഒരു പ്രവൃത്തിയും ഞങ്ങള്‍ ഒരിക്കലും അനുവദിക്കുകയോ ആഗ്രഹിക്കുകയോ ചെയ്യുന്നില്ല. ഞങ്ങളുടെ സിനിമയെക്കുറിച്ച് വിവാദങ്ങള്‍ സൃഷ്ടിക്കുന്ന സഹോദരീസഹോദരന്മാര്‍ ഇത് മനസ്സിലാക്കണമെന്ന് ഞങ്ങള്‍ കരുതുന്നു. സെന്‍സര്‍ ചെയ്ത ഒരു സിനിമ റിലീസ് ചെയ്യുന്നതിന് മുമ്പ് തെറ്റിദ്ധാരണകള്‍ കാരണം എതിര്‍ക്കുകയും വിവാദങ്ങള്‍ സൃഷ്ടിക്കുകയും ചെയ്യുന്നത് ശരിയല്ല. ഞങ്ങളുടെ 'ഭായ്: സ്ലീപ്പര്‍ സെല്‍' ഒരു വിവാദ ചിത്രമല്ലെന്ന് ഇതിനാല്‍ വ്യക്തമാക്കുന്നു.'
ചിത്രത്തില്‍ പ്രമുഖ നിര്‍മ്മാതാവ്
ധീരജ് ഖേര്‍, സീമോന്‍ അബ്ബാസ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ജിതിന്‍ കെ റോഷന്റെ സംഗീതവും കൃഷ്ണമൂര്‍ത്തിയുടെ ഛായാഗ്രഹണവും ഉള്ള ഈ ചിത്രം, ഇമോഷന്‍സിനൊപ്പം ആക്ഷന്‍ രംഗങ്ങളെയും സംയോജിപ്പിക്കുന്നു. ഓഗസ്റ്റ് 08 റിലീസ് തീരുമാനിച്ച ചിത്രം വിവാദങ്ങള്‍ക്കൊടുവില്‍ പിന്നീട് മാറ്റുകയായിരുന്നു. ചിത്രം ഒടുവില്‍ നവംബര്‍ 14ന് കേരളത്തിലും തമിഴ്‌നാട്ടിലും തിയറ്ററുകളില്‍ റിലീസിന് എത്തും. കേരളത്തില്‍ സന്‍ഹ സ്റ്റുഡിയോ ആണ് വിതരണത്തിനെത്തിക്കുന്നത്.
ആര്‍ കൃഷ്ണരാജ്, ശ്രീനിയാ, കെ. ആര്‍ ആധവ ഈശ്വര എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. സായ് മീഡിയ ആണ് ചിത്രത്തിന്റെ മ്യൂസിക് റൈറ്റ്‌സ് സ്വന്തമാക്കിയിരിക്കുന്നത്. എഡിറ്റര്‍: ഇദ്രിസ്.കെ, കോസ്റ്റ്യൂംസ്: ശ്രീനിയാ, കോ- ഡയറക്ടര്‍: ബാലസുബ്രഹ്മണ്യം, മേക്കപ്പ്: നവീന്‍ കുമാര്‍, ആക്ഷന്‍: വിജയ് ജാഗ്വാര്‍, എക്‌സിക്യൂട്ടീവ് പ്രൊഡ്യൂസര്‍: അക്ഷയ് ശര്‍മ്മ, പ്രൊഡക്ഷന്‍ കണ്‍ട്രോളര്‍: എസ്. മനോരാജ്, ഡിസ്ട്രിബൂഷന്‍ ഹെഡ്: ഷാനു പരപ്പനങ്ങാടി, ഡിസൈന്‍സ്: മാജിക് മൊമെന്റ്‌സ്, പി. ആര്‍.ഓ: ശക്തി ശരവണന്‍, പി ശിവപ്രസാദ് എന്നിവരാണ് മറ്റ് അണിയറ പ്രവര്‍ത്തകര്‍.
Premium Lifestyle and Entertainment website
വര്‍ഷങ്ങളായി സിംഗിള്‍ പേരന്റായി ജീവിതം; പതിനെട്ടാം വയസില്‍ ആദ്യ വിവാഹം; രണ്ടാം വിവാഹവും അധികകാലം നീണ്ടില്ല;43 ാം വയസില്‍ ജീവിതത്തില്‍ പുതിയ കൂട്ട് കണ്ടെത്തിയ സന്തോഷത്തില്‍ നടി രേഖ സതീഷ്; തമിഴ് സീരിയല്‍ നടന്‍ ഈശ്വറിനൊപ്പമുള്ള പിറന്നാളാഘോഷ ചിത്രം പുറത്ത്
അന്ന് എന്നെ പിഷാരടിയുടെ ഭാര്യയാക്കി; നിങ്ങള്‍ എന്താ ഇങ്ങനെ..; എന്റെ പൊന്നോ..നഹീന്ന് പറഞ്ഞാല്‍ നഹീ..; വിവാഹം കഴിഞ്ഞിട്ട് രണ്ട് മാസം കഴിഞ്ഞതോടെ ഗര്‍ഭിണിയോ എന്ന് ചോദ്യം; ഒടുവില്‍ ആ രഹസ്യം പരസ്യമാക്കി ആര്യ 
'നവീന്‍സ്' എന്ന ഐഡിയില്‍നിന്ന് ഫ്രണ്ട്സ് റിക്വസ്റ്റ്; പിന്നാലെ സ്വകാര്യ ഭാഗങ്ങളുടെ ചിത്രങ്ങളും വിഡിയോയും; ബ്ലോക്ക് ചെയ്തിട്ടും ശല്യം തുടര്‍ന്നു; കന്നഡ സീരിയല്‍ നടിക്കുനേരെ ലൈംഗികാതിക്രമം നടത്തിയതിന് അറസ്റ്റിലായത് മലയാളി യുവാവ്