കന്നഡയില്‍ ഒരു സിനിമ നടന്‍ ഉണ്ട്; നായികയുടെ പൊക്കിളില്‍ ഫ്രൂട്ട് സാലഡ് ഉണ്ടാക്കുന്നതാണ് സ്ഥിരം പരിപാടി; അതും ക്ലോസ് അപ്പ് ഷോട്ടില്‍; അനുഭവം തുറന്നുപറഞ്ഞ് ഡെയ്സി ഷാ 

കന്നഡ സിനിമാ ലോകത്തെ അമ്പരപ്പിച്ച ഒരു അനുഭവമാണ് നടി ഡെയ്സി ഷാ പങ്കുവെച്ചിരിക്കുന്നത്. ഒരു പ്രശസ്ത നടന്റെ പാട്ടുകളിലെല്ലാം നായികയുടെ പൊക്കിളില്‍ ഫ്രൂട്ട് സാലഡും വെജിറ്റബിള്‍ സാലഡും ഉണ്ടാക്കുന്ന രംഗങ്ങള്‍ പതിവായിരുന്നുവെന്ന് ഡെയ്സി വെളിപ്പെടുത്തി. ഈ രംഗങ്ങള്‍ പലപ്പോഴും ക്ലോസ്-അപ്പ് ഷോട്ടുകളായി ചിത്രീകരിക്കുകയും, ചിലപ്പോഴൊക്കെ പൊക്കിളില്‍ ഐസോ വെള്ളമോ ഒഴിക്കുകയും ചെയ്യാറുണ്ടായിരുന്നുവെന്നും അവര്‍ കൂട്ടിച്ചേര്‍ത്തു. 

ബോളിവുഡ് താരമായ ഡെയ്സി ഷാ, 2011-ല്‍ 'ഭദ്ര' എന്ന ചിത്രത്തിലൂടെയാണ് കന്നഡ സിനിമാ രംഗത്ത് അരങ്ങേറ്റം കുറിച്ചത്. ബോളിവുഡിലേതുപോലെ കന്നഡ സിനിമാ ലോകത്തും അവര്‍ സജീവമായിരുന്നു. തെന്നിന്ത്യന്‍ സിനിമകളിലും ഡെയ്സി സാന്നിധ്യം അറിയിച്ചിട്ടുണ്ട്. ഒരു അഭിമുഖത്തിലാണ് ഡെയ്സി തന്റെ ഞെട്ടിക്കുന്ന അനുഭവങ്ങള്‍ പങ്കുവെച്ചത്. 

എന്നാല്‍, ഈ പ്രവര്‍ത്തികള്‍ ചെയ്ത നടന്റെ പേര് വെളിപ്പെടുത്താന്‍ അവര്‍ തയ്യാറായില്ല. കന്നഡയില്‍ അഭിനയിക്കുമ്പോള്‍ പലപ്പോഴും കൃത്യമായ മാര്‍ഗ്ഗനിര്‍ദ്ദേശങ്ങള്‍ ലഭിച്ചിരുന്നില്ലെന്നും ഡെയ്സി സൂചിപ്പിച്ചു. നടന്മാര്‍ക്ക് കഥാപാത്രത്തിന്റെ പശ്ചാത്തലം വിശദീകരിച്ചു നല്‍കുമ്പോള്‍, നായികമാര്‍ക്ക് എന്ത് ഭാവപ്രകടനമാണ് വേണ്ടതെന്ന് മാത്രമാണ് പറഞ്ഞു നല്‍കിയിരുന്നതെന്നും അവര്‍ കൂട്ടിച്ചേര്‍ത്തു.