ശരീരത്തെ ബാധിച്ച സെറിബ്രല് പാള്സി എന്ന രോഗത്തോട് പൊരുതി സിനിമാ സംവിധാനം എന്ന സ്വപ്നം സാക്ഷാത്ക്കരിച്ച രാഗേഷ് കൃഷ്ണന് സഹായവുമായി 'മാര്ക്കോ' ടീം. തുടര്ന്നും സിനിമ ഒരുക്കുന്നതിനായുള്ള സഹായ സഹകരണങ്ങളും വാഗ്ദാനവുമായാണ് മാര്ക്കോ' ടീം രംഗത്തെത്തിയിരിക്കുന്നത്. മാര്ക്കോ ടീമിന് നന്ദി അറിയിച്ച് സോഷ്യല്മീഡിയ പേജിലൂടെ വിഡിയോ പങ്കുവെച്ചിരിക്കുകയാണ് രാഗേഷ് കൃഷ്ണന്.
'കഴിഞ്ഞ നവംബര് 29ന് തിയേറ്ററുകളില് റിലീസായ എന്റെ ചിത്രം 'കളം@24' മൂന്നാഴ്ച തിയറ്ററില് ഓടിയിരുന്നു. പലരില് നിന്നും നല്ല അഭിപ്രായം ലഭിച്ചു. ഏറെ നാളത്തെ കഷ്ടപ്പാടിനൊടുവിലാണ് സിനിമ റിലീസ് ചെയ്യാന് കഴിഞ്ഞത്. നിരവധിപേര് നല്ല വാക്കുകള് വിളിച്ചറിയിച്ചു. അക്കൂട്ടത്തില് മാര്ക്കോ പ്രൊഡ്യൂസര് ഷെരീഫിക്ക എന്നെ ഞെട്ടിച്ചുകളഞ്ഞു. നേരിട്ട് കാണണമെന്ന് പറഞ്ഞ് അദ്ദേഹം നേരിട്ടാണ് എന്നെ വിളിച്ചത്. ശേഷം അദ്ദേഹത്തിന്റെ ചില സുഹൃത്തുക്കള് എന്നെ വീട്ടില് വന്നു കണ്ടു. സഹായ സഹകരണങ്ങള് വാഗ്ദാനം ചെയ്തു. സാമ്പത്തിക സഹായവും നല്കുകയുണ്ടായി. ഒത്തിരി നന്ദിയുണ്ട്. എന്നെപോലെയുള്ള ആളുകള്ക്ക് വലിയൊരു പ്രചോദനമാണ് അദ്ദേഹം തന്നിരിക്കുന്നത്. ഒത്തിരി സന്തോഷം തോന്നിയ നിമിഷമായിരുന്നു, എന്റെ സിനിമ കാണണമെന്നും നേരിട്ട് കാണണമെന്നും അദ്ദേഹം വാക്ക് നല്കിയിട്ടുണ്ട്. മാര്ക്കോയ്ക്ക് വിജയാശംസകള്. ഞങ്ങളുടെ പടം ഒടിടി റിലീസിനായുള്ള ശ്രമങ്ങള് നടന്നുകൊണ്ടിരിക്കുകയാണ്', രാഗേഷ് സോഷ്യല്മീഡിയയില് പങ്കുവെച്ച വിഡിയോയില് പറയുന്നു.
അതേസമയം, ഉണ്ണി മുകുന്ദന്റെ കരിയറിലെ തന്നെ ഏറ്റവും വലിയ വിജയവുമായി മുന്നേറുകയാണ് 'മാര്ക്കോ'. 100 കോടി ക്ലബ്ബില് ഇടം നേടിയ ചിത്രം അന്യഭാഷ ബോക്സ് ഓഫീസിലും വലിയ നേട്ടമാണുണ്ടാക്കിയത്. ക്യൂബ്സ് എന്റര്ടെയ്ന്മെന്റ്സിന്റെ ബാനറില് ഷെരീഫ് മുഹമ്മദ് നിര്മ്മിച്ച ചിത്രം ഹനീഫ് അദേനി തിരക്കഥയെഴുതി സംവിധാനം ചെയ്തിരിക്കുന്നു. മലയാളത്തിലെ മോസ്റ്റ് വയലന്റ് ചിത്രമെന്ന ലേബലിലെത്തിയ ചിത്രം ടാഗ്ലൈനോട് നൂറ് ശതമാനം കൂറ് പുലര്ത്തിയെന്നാണ് പ്രേക്ഷകര് പറയുന്നത്.
Premium Lifestyle and Entertainment website
ബിഗ് ബോസില് നിന്നും 50 ദിവസം കൊണ്ട് ലഭിച്ചത് 22 ലക്ഷം; ആ പൈസ് സ്ഥലം മേടിച്ചു; ബാക്കി ജോലി ചയ്തു, ലോണ് എടുത്തു, അങ്ങനെയൊക്കെയാണ് വീട് വെച്ചത്';എല്ലാ ചാനലിലും ഓടി നടന്ന് ചെയ്യുമ്പോള് അവരുടെ സ്പെഷ്യാലിറ്റി നഷ്ടപ്പെടുകയാണ്; സൈബര് പോലീസില് നിന്നും നേരിട്ടത് ദുരനുഭവങ്ങള്; മഞ്ജു പത്രോസ് വക്കുമ്പോള്
അഞ്ചാമത്തെ കീമോയ്ക്ക് ശേഷം എഴുന്നേല്ക്കാന് പോലും കഴിയാത്ത വിധം ആരോഗ്യനില മോശം;'ഇനിയൊരു കീമോ താങ്ങില്ല; പ്ലേറ്റ്ലെറ്റ്സ് കൗണ്ട് കുറഞ്ഞു നിലവില് ഐഎസിയുവില്; രേണു സുധിയുടെ ആരോഗ്യനില അതീവ ഗുരുതരമെന്ന് സുഹൃത്തും അവതാരകയുമായ ശാരിക; പ്രാര്ത്ഥനയുമായി സോഷ്യല്മീഡിയ