മാതാപിതാക്കളായ മമ്മൂട്ടിയുടെയും സുല്‍ഫത്തിന്റെയും പിന്തുണയാണ് തനിക്ക് ധൈര്യമായി തീരുമാനങ്ങളെടുക്കാന്‍ സഹായകമാകുന്നതെന്നും, തനിക്ക് മോശം സിനിമകള്‍ ചെയ്യേണ്ടി വന്നിട്ടില്ലെന്നും ദുല്‍ഖര്‍ സല്‍മാന്‍. പ്രിവിലേജുകളില്‍ നിന്നുമാണ് വരുന്നതെന്ന ബോധ്യം തനിക്കുണ്ടെന്നും ഈ കാര്യങ്ങള്‍ പറഞ്ഞ് മമ്മൂട്ടി തന്നെ കളിയാക്കാറുണ്ടെന്നും ദുല്‍ഖര്‍ പറയുന്നു.
'എനിക്ക് പെങ്ങളെ കെട്ടിച്ചുവിടാനോ വീട് വെക്കാനോ വേണ്ടി പണം കണ്ടെത്തേണ്ടതില്ല. അങ്ങനെയൊരു സാഹചര്യം എനിക്കില്ലായിരുന്നു. എന്നാല്‍ എന്റെ വാപ്പച്ചിക്ക് (മമ്മൂട്ടിക്ക്) അങ്ങനെയായിരുന്നില്ല. അതുകൊണ്ട് അദ്ദേഹം ചില മോശം സിനിമകള്‍ ചെയ്യേണ്ടി വന്നിട്ടുണ്ട്. എന്നാല്‍ എനിക്ക് അത്തരം ന്യായീകരണങ്ങളൊന്നും പറയാനില്ല,' ദുല്‍ഖര്‍ വ്യക്തമാക്കി.
താന്‍ വരുന്ന പശ്ചാത്തലത്തെക്കുറിച്ച് ബോധവാനാണെന്നും, മാതാപിതാക്കള്‍ നല്‍കുന്ന സുരക്ഷിതത്വം കാരണമാണ് നല്ല സിനിമകള്‍ മാത്രം തിരഞ്ഞെടുക്കാന്‍ സാധിക്കുന്നതെന്നും അദ്ദേഹം കൂട്ടിച്ചേര്‍ത്തു. 'നല്ല സിനിമകളെ പിന്തുടര്‍ന്നാല്‍ നല്ല സിനിമ നമ്മളെ തേടി വരും. എന്റെ യാത്ര എനിക്കിഷ്ടമാണ്, അനുഗ്രഹീതനായി തോന്നുന്നു,' ദുല്‍ഖര്‍ പറഞ്ഞു. തമിഴ്, തെലുങ്ക്, മലയാളം ഭാഷകളിലായി സിനിമകള്‍ ചെയ്യുന്നതിലൂടെ തന്റെ ജീവിതം വളരെ സമ്പന്നവും വ്യത്യസ്തവുമായി മാറുന്നുവെന്ന് ദുല്‍ഖര്‍ അഭിപ്രായപ്പെട്ടു.
വ്യത്യസ്ത സംസ്‌കാരങ്ങളെയും ഭക്ഷണങ്ങളെയും അടുത്തറിയാന്‍ ഇത് സഹായിക്കുന്നു. അഭിനേതാക്കള്‍ക്ക് ലഭിക്കുന്ന യാത്രകള്‍ മറ്റാര്‍ക്കും ലഭിക്കില്ലെന്നും, ഇന്ത്യയുടെ വിവിധ ഭാഗങ്ങളിലും നാഗാലാന്‍ഡ്, ഗുജറാത്ത്, കാശ്മീര്‍, രാമേശ്വരം തുടങ്ങിയ സ്ഥലങ്ങളിലും അഭിനയിക്കാന്‍ സാധിച്ചെന്നും അദ്ദേഹം വിശദീകരിച്ചു. സെല്‍വമണി സെല്‍വരാജ് സംവിധാനം ചെയ്യുന്ന 'കാന്ത' എന്ന ചിത്രമാണ് ദുല്‍ഖറിന്റെ പുതിയ ചിത്രം. അമ്പതുകളിലെ തമിഴ് സിനിമയുടെ പശ്ചാത്തലത്തിലുള്ള ഈ ചിത്രത്തിന്റെ നിര്‍മ്മാണം ദുല്‍ഖറും റാണ ദഗുബാട്ടിയും ചേര്‍ന്നാണ്
Premium Lifestyle and Entertainment website
സ്ത്രീജന്മങ്ങളുടെ കഥ പറയുന്ന ചെമ്പരത്തി, ദുര്‍ഗ പരമ്പരകള്‍ സീ കേരളം ചാനലില്‍; നവംബര്‍ 17 മുതല്‍ പ്രേക്ഷകരുടെ മുന്നിലേക്ക്
പെയ്‌തൊഴിയാതെ സീരിയലിന്റെ ലൊക്കേഷനില്‍ നടിമാര്‍ തമ്മില്‍ വാക്കേറ്റം; കെ കെ രാജിവ് സംവിധാനം ചെയ്യുന്ന സീരിയലിലെ താരങ്ങളുടെ തമ്മിലടി ഒത്തുതീര്‍പ്പിലെത്തിയതോടെ ഷൂട്ടിങ് പുനരാരംഭിച്ചു