56-ാമത് ഗോവ രാജ്യാന്തര ചലച്ചിത്രമേളയുടെ (ഐഎഫ്എഫ്‌ഐ) സമാപന ചടങ്ങില്‍ പങ്കെടുക്കുന്നതിനായി സൂപ്പര്‍സ്റ്റാര്‍ രജനികാന്ത് ഗോവയിലെത്തി. ഇന്ത്യന്‍ സിനിമയ്ക്ക് അതുല്യ സംഭാവനകള്‍ നല്‍കിയ താരത്തെ മേളയില്‍ ആദരിക്കും. സിനിമയില്‍ അഞ്ച് പതിറ്റാണ്ട് പൂര്‍ത്തിയാക്കിയ അദ്ദേഹത്തിന്റെ മഹത്തായ കരിയറിനുള്ള അംഗീകാരമാണിത്. സമാപന ചടങ്ങില്‍ രജനികാന്ത് പ്രേക്ഷകരുമായി സംവദിക്കുകയും മുഖ്യപ്രഭാഷണം നടത്തുകയും ചെയ്യും. മകള്‍ ഐശ്വര്യ രജനികാന്തിനൊപ്പമാണ് താരം ഗോവയില്‍ എത്തിയത്.
ഗോവ വിമാനത്താവളത്തില്‍ നിന്ന് ഐഎഫ്എഫ്‌ഐ വേദിയിലേക്ക് എത്തിയ അദ്ദേഹത്തെ വലിയ ആവേശത്തോടെയാണ് ആരാധകരും സംഘാടകരും വരവേറ്റത്. പതിവ് ശൈലിയില്‍ ലളിതമായ വേഷത്തിലായിരുന്നു രജനികാന്തിന്റെ എന്‍ട്രി. ടീഷര്‍ട്ടും ട്രാക്ക് പാന്റും ധരിച്ചെത്തിയ അദ്ദേഹത്തെ വാദ്യമേളങ്ങളുടെയും ആരവങ്ങളുടെയും അകമ്പടിയോടെയാണ് സ്വീകരിച്ചത്. രജനികാന്തും മകള്‍ ഐശ്വര്യയും കാറില്‍ വന്നിറങ്ങുന്നതിന്റെ വിഡിയോ ദൃശ്യങ്ങള്‍ സമൂഹ മാധ്യമങ്ങളില്‍ വ്യാപകമായി പ്രചരിക്കുകയും ചെയ്തിരുന്നു.
അതിവിപുലമായ ചലച്ചിത്ര പ്രദര്‍ശനങ്ങളോടെയാണ് ഇത്തവണ ഐഎഫ്എഫ്‌ഐ ശ്രദ്ധ നേടിയത്. എണ്‍പത്തിയൊന്ന് രാജ്യങ്ങളില്‍ നിന്നുള്ള 240-ലധികം സിനിമകള്‍ മേളയില്‍ പ്രദര്‍ശനത്തിനെത്തി. ഇതില്‍ 13 ലോക പ്രീമിയറുകള്‍, അഞ്ച് രാജ്യാന്തര പ്രീമിയറുകള്‍, 44 ഏഷ്യന്‍ പ്രീമിയറുകള്‍ എന്നിവ ഉള്‍പ്പെടുന്നു. ഇന്ത്യന്‍ സിനിമയുടെ ചരിത്രത്തിലെ ഇതിഹാസങ്ങളായ ഗുരു ദത്ത്, രാജ് ഖോസ്ല, ഋത്വിക് ഘട്ടക്, പി ഭാനുമതി, ഭൂപന്‍ ഹസാരിക, സലില്‍ ചൗധരി തുടങ്ങിയവരുടെ സ്മരണകള്‍ക്ക് മേള ആദരമര്‍പ്പിച്ചു. ഇവരുടെ ക്ലാസിക് സിനിമകളുടെ പുതുക്കിയ പതിപ്പുകള്‍ ആദരസൂചകമായി പ്രദര്‍ശിപ്പിച്ചു.
Premium Lifestyle and Entertainment website
മോളിവുഡ് നടി ദുസരാ വിജയന്‍ കാട്ടാളനിലൂടെ മലയാളത്തിലേക്ക്; പോസ്റ്റര്‍ പുറത്ത്
'സ്ത്രീകളെ ഒബ്ജക്ടിഫൈ ചെയ്യുന്നത് തെന്നിന്ത്യന്‍ സിനിമകള്‍ മാത്രമല്ല'; വാണിജ്യ സിനിമകള്‍ ചെയ്യുന്നതില്‍ എതിര്‍പ്പില്ല; അതിരുവിട്ടാല്‍ 'നോ' പറയുമെന്നും റാഷി ഖന്ന