ദാദാസാഹേബ് ഫാല്‍ക്കെ പുരസ്‌കാരം നേടിയ നടന്‍ മോഹന്‍ലാലിനെ ആദരിക്കുന്ന പരിപാടിക്ക് 'മലയാളം വാനോളം ലാല്‍സലാം' എന്ന് പേര് നല്‍കിയതിനെതിരെ 'അമ്മ' വൈസ് പ്രസിഡന്റ് ജയന്‍ ചേര്‍ത്തല. മോഹന്‍ലാലിനെ ആദരിക്കുന്ന ചടങ്ങിന് 'ലാല്‍സലാം' എന്ന പേര് നല്‍കിയത് രാഷ്ട്രീയപരമായ താല്പര്യങ്ങളോടെയാണെന്ന് അദ്ദേഹം വിമര്‍ശിച്ചു. ആലപ്പുഴയില്‍ സംസ്‌കാര സാഹിതി സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം.
ഇടതുപക്ഷ പ്രസ്ഥാനങ്ങള്‍ പരിപാടികള്‍ സംഘടിപ്പിക്കുമ്പോള്‍ സിനിമാ താരങ്ങളെ കൂടുതലായി വേദിയിലെത്തിക്കുന്നതിനെയും കേന്ദ്ര സര്‍ക്കാര്‍ സ്വീകരിക്കുന്ന സമീപനത്തെയും ജയന്‍ ചേര്‍ത്തല രൂക്ഷമായി വിമര്‍ശിച്ചു. 'ലാല്‍സലാം' എന്ന പേര് നല്‍കിയത്, പാര്‍ട്ടിയുടെ തത്വങ്ങളുമായി ചേര്‍ത്ത് കൊണ്ടുപോകാനുള്ള അതിബുദ്ധിയോടെയാണെന്ന് അദ്ദേഹം പറഞ്ഞു. മുന്‍കാലങ്ങളില്‍ രാഷ്ട്രീയ പാര്‍ട്ടികള്‍ക്ക് കലയെയും കലാകാരന്മാരെയും ഇത്തരം രീതിയില്‍ രാഷ്ട്രീയപരമായി ഉപയോഗിക്കാന്‍ സാധിച്ചിരുന്നില്ലെന്നും അദ്ദേഹം കൂട്ടിച്ചേര്‍ത്തു.
2014-ല്‍ ബി.ജെ.പി. കേന്ദ്രത്തില്‍ അധികാരത്തില്‍ വന്നതിനു ശേഷം രാജ്യത്ത് സാംസ്‌കാരിക കാഴ്ചപ്പാടുകളില്‍ മാറ്റം വന്നതായും അദ്ദേഹം ആരോപിച്ചു. 'ഒരു മെക്സിക്കന്‍ അപാരത' എന്ന സിനിമ ചരിത്രം വളച്ചൊടിച്ചതായും അദ്ദേഹം കുറ്റപ്പെടുത്തി. മഹാരാജാസ് കോളേജിലെ വിദ്യാര്‍ത്ഥി രാഷ്ട്രീയത്തെ ആസ്പദമാക്കിയുള്ള ചിത്രത്തില്‍, ഇടതുപക്ഷ വിദ്യാര്‍ത്ഥി പ്രസ്ഥാനമായ എസ്.എഫ്.ഐ. നേരിട്ട തിരിച്ചടിയുടെ കഥ വര്‍ണ്ണിക്കുമ്പോള്‍, കേരളം ഭരിക്കുന്ന ഇടതുപക്ഷത്തെ പിന്തുണയ്ക്കാന്‍ കോണ്‍ഗ്രസ്സ് വിരുദ്ധ സിനിമകള്‍ നിര്‍മ്മിക്കപ്പെടുന്നുവെന്നും അദ്ദേഹം വിമര്‍ശിച്ചു.
Premium Lifestyle and Entertainment website
കൊറിയന്‍ സൗന്ദര്യരഹസ്യം: കഞ്ഞിവെള്ളം, കറ്റാര്‍വാഴ, വൈറ്റമിന്‍ ഇ ചേര്‍ത്ത് തയ്യാറാക്കുന്ന പ്രകൃതിദത്ത ജെല്‍; നമ്മുക്കിനി വീട്ടില്‍ തയ്യാറാക്കാം
ഉരുളക്കിഴങ്ങ് ബജ്ജി ഉണ്ടാക്കിയാലോ
ക്യാന്‍സറിന്റെ പ്രാരംഭ ലക്ഷണങ്ങള്‍ അവഗണിക്കരുത്; വിദഗ്ധരുടെ മുന്നറിയിപ്പ്