അച്ഛന്റെ മരണത്തെ തുടര്‍ന്ന് 63 വര്‍ഷം മുന്‍പ് പഠനം നിര്‍ത്തിയ നടി ലീനാ ആന്റണി 75-ാം വയസില്‍ ഹയര്‍സെക്കന്‍ഡറി തുല്യതാ പരീക്ഷ എഴുതി. മൂന്ന് വര്‍ഷം മുന്‍പ് പത്താംതരം തുല്യതാ പരീക്ഷ ലീന പാസായിരുന്നു. കഴിഞ്ഞ ദിവസം ചേര്‍ത്തല ഗവ. ഗേള്‍സ് സ്‌കൂളിലാണ് ഹയര്‍സെക്കന്‍ഡറി രണ്ടാംവര്‍ഷ തുല്യതാ പരീക്ഷയെഴുതിയത്.
നാലുവര്‍ഷം മുന്‍പാണ് ലീന പഠനം പുനരാരംഭിച്ചത്. തുടര്‍ന്ന് 2022-ല്‍ പത്താംതരം തുല്യത ജയിച്ചിരുന്നു. തുടര്‍ന്നാണ് ഹയര്‍സെക്കന്‍ഡറി പഠനം തുടങ്ങിയത്. സൗകര്യമുള്ളപ്പോഴെല്ലാം തൃച്ചാറ്റുകുളം എന്‍എസ്എസ് ഹയര്‍സെക്കന്‍ഡറി സ്‌കൂളില്‍പ്പോയി പഠിച്ചു. പത്താംതരത്തില്‍ ഒപ്പമുണ്ടായിരുന്ന കൂട്ടുകാര്‍ക്കൊപ്പമായിരുന്നു പഠനം. സെന്റര്‍ കോഡിനേറ്റര്‍ കെ കെ രമണി ക്ലാസുകള്‍ക്ക് നേതൃത്വം നല്‍കി.
അപ്പന്‍ മരിച്ചതിനെത്തുടര്‍ന്ന് പഠനം നിര്‍ത്തി 13-ാം വയസ്സില്‍ നാടകവേദിയിലെത്തിയതാണ് ലീന. നടന്‍ കെ എല്‍ ആന്റണിയുടെ ജീവിതസഖിയായി. വൈകിയാണ് സിനിമയിലെത്തിയത്. മഹേഷിന്റെ പ്രതികാരം എന്ന ചിത്രത്തിലെ അമ്മവേഷത്തിലൂടെ ശ്രദ്ധനേടി. പിന്നീട്, ഏതാനും സിനിമകളിലും അഭിനയിച്ചു. ഭര്‍ത്താവിന്റെ മരണത്തിനുശേഷമുള്ള ഒറ്റപ്പെടലിനെ മറികടക്കാനാണ് മുടങ്ങിയ പഠനം പുനരാരംഭിച്ചത്.
Premium Lifestyle and Entertainment website
ഒരു വര്‍ഷം പോലും ആകുന്നതിന് മുമ്പ് വീടിന്റെ തേപ്പ് മുഴുവന്‍ പൊളിഞ്ഞ് ഇളകീ വീഴുന്നു; വീടിനുള്ളില്‍ ഘടിപ്പിച്ച ഫാനും വാഷ് ബെയ്‌സണും ഇളക് വീണു; ഇനിയാര്‍ക്കും ഇതുപോലൊരു വീട് ഉണ്ടാക്കി കൊടുത്ത് സഹായിക്കരുത്; ദാനം എന്നത് കേട്ട് മടുത്തു; വാടകവീട്ടിലേക്ക് മാറുന്നതിനെക്കുറിച്ച് ആലോചിക്കുന്നു; വിവാദങ്ങളോട് രേണുവും പിതാവും പ്രതികരിക്കുന്നത് ഇങ്ങനെ
നിങ്ങളെ നിര്‍ബന്ധിപ്പിച്ചല്ല കാണിപ്പിക്കുന്നത്; വേണമെങ്കില്‍ കണ്ടാല്‍ മതി; ഇല്ലെങ്കില്‍ അവഗണിക്കാം; അഹാനയ്ക്ക് പിന്നാലെ ഹോം ടൂറുമായെത്തിയ ഇഷാനിക്കും ഹന്‍സികയ്ക്കും വിമര്‍ശനം; മറുപടിയുമായി ഹന്‍സിക