'ഒരുദിവസം നമുക്ക് വീണ്ടും കാണാം ആ നിമിഷത്തിനായി ഞാന്‍ കാത്തിരിക്കുന്നു; നീ ഇല്ലാതെ എനിക്ക് ശ്വാസം പോലും എടുക്കാനാകുന്നില്ല'; തന്റെ ജീവിതത്തിലെ ഏറ്റവും വലിയ നഷ്ടത്തെ ഓര്‍മ്മിച്ച് നടന്‍ പരാഗ് ത്യാഗിയുടെ മനോഹരമായ കുറിപ്പ്

തന്റെ ജീവിതത്തിലെ ഏറ്റവും വലിയ നഷ്ടത്തെ ഓര്‍മ്മിച്ച് നടന്‍ പരാഗ് ത്യാഗിയുടെ മനോഹരമായ കുറിപ്പ്. ഭാര്യയും നടിയുമായ ഷെഫാലി ജരിവാലയെ അകാലത്തില്‍ നഷ്ടപ്പെട്ടതിന്റെ വേദനയാണ് അദ്ദേഹത്തിന്റെ വാക്കുകളില്‍ നിറഞ്ഞത്. ഷെഫാലിയോടൊപ്പം ചെലവഴിച്ച സന്തോഷ നിമിഷങ്ങളുടെ ചിത്രങ്ങളും വിഡിയോയും ചേര്‍ത്ത് ഇന്‍സ്റ്റാഗ്രാമില്‍ പോസ്റ്റ് ചെയ്ത പരാഗിന്റെ ഈ കുറിപ്പ് ഇപ്പോള്‍ ആരാധകരെ വളരെയധികം സ്പര്‍ശിച്ചിരിക്കുകയാണ്.

'നീ എവിടെയായാലും, എനിക്ക് നീയെന്ന സ്നേഹത്തിന്റെ പ്രകാശം എപ്പോഴും അനുഭവപ്പെടും. നീയില്ലാതെ എനിക്ക് ശ്വാസം പോലും എടുക്കാനാവുന്നില്ല. ഒരുദിവസം നമുക്ക് വീണ്ടും കാണാം  ആ നിമിഷത്തിനായി ഞാന്‍ കാത്തിരിക്കുന്നു,' എന്ന് പരാഗ് തന്റെ കുറിപ്പില്‍ എഴുതിയിരുന്നു. ഭാര്യയെ 'പരി' എന്നും 'ഗുന്തി' എന്നും വിളിച്ച് പരാഗ് തന്റെ വികാരങ്ങള്‍ തുറന്ന് വെച്ചത് ആരാധകരെ കണ്ണീരിലാഴ്ത്തിയിട്ടുണ്ട്.

ഷെഫാലി ജരിവാലയുടെ അകാലവിയോഗം ബോളിവുഡ് ലോകത്തെയും ആരാധകരെയും ഒരുപോലെ ഞെട്ടിച്ച സംഭവമായിരുന്നു. കഴിഞ്ഞ ജൂണില്‍ ഹൃദയാഘാതം മൂലമായിരുന്നു 42കാരിയുടെ മരണം. ''കാന്താ ലഗാ'' എന്ന ഗാനത്തിലൂടെ ജനശ്രദ്ധ നേടിയ ഷെഫാലി, ബിഗ് ബോസ് 13 ലും പങ്കെടുത്തിരുന്നു. ഭര്‍ത്താവ് പരാഗ് ത്യാഗിയുമൊത്ത് നാച്ച് ബാലിയേയിലെ നിരവധി സീസണുകളിലും അവര്‍ പ്രത്യക്ഷപ്പെട്ടിരുന്നു. ഇന്ന് പോലും ഷെഫാലിയുടെ ഓര്‍മകള്‍ അദ്ദേഹത്തെ വിട്ടുപോകുന്നില്ല. അവളുടെ ചിരിയും കരുണയും തനിക്കൊപ്പം തന്നെയുണ്ടെന്ന് പരാഗ് ത്യാഗി എഴുതിയിരിക്കുന്നു  അതാണ് ഈ സ്നേഹകുറിപ്പിന്റെ ഹൃദയം.