തെലുങ്ക് സൂപ്പര്താരവും ആന്ധ്രാപ്രദേശ് ഉപമുഖ്യമന്ത്രിയുമായ പവന് കല്യാണിനെ നായകനാക്കി സുജീത്ത് സംവിധാനം ചെയ്യുന്ന ആക്ഷന് എന്റര്ടെയ്നര് 'ഒജി' (ദേ കോള് ഹിം ഓജി) തീയേറ്റര് റിലീസ് ആയി. ആക്ഷന് പ്രാധാന്യം നല്കി ഒരുക്കിയ ചിത്രത്തില് ടൈറ്റില് വേഷത്തില് 'ഒജാസ് ഗംഭീര' എന്ന 'ഒജിയായ' പവന് കല്യാണും, നെഗറ്റീവ് റോളില് ബോളിവുഡ് താരം ഇമ്രാന് ഹാഷ്മിയും തകര്പ്പന് മാസ്സ് പ്രകടനമാണ് കാഴ്ചവെക്കുന്നത്. ആര്.ആര്.ആര് നിര്മിച്ച ഡിവിവി എന്റര്ടെയ്ന്മെന്റിന്റെ ബാനറില് ഡി വി വി ദനയ്യയാണ് ചിത്രം നിര്മിക്കുന്നത്.
പ്രഭാസ് നായകനായ പാന് ഇന്ത്യന് ചിത്രം സാഹോയിലൂടെ ശ്രദ്ധയാകര്ഷിച്ച സംവിധായകനാണ് സുജീത്. റിലീസിനുമുന്നേ അഡ്വാന്സ് ബുക്കിംഗിലൂടെ 50 കോടി ഇതിനകം ഒജി നേടിക്കഴിഞ്ഞു. രണ്ട് വര്ഷം മുന്പ് പവന് കല്ല്യാണിന്റെ ജന്മദിനത്തില് ടീസര് പുറത്തുവിട്ട് പ്രഖ്യാപിക്കപ്പെട്ട ചിത്രമാണിത്. എന്നാല് പിന്നീട് പവന് കല്ല്യാണ് രാഷ്ട്രീയത്തില് ഇറങ്ങുകയും ആന്ധ്രാപ്രദേശ് ഉപമുഖ്യമന്ത്രി ആകുകയും ചെയ്തതോടെ ചിത്രം വൈകി. എന്തായാലും ഒജി റിലീസായിരിക്കുകയാണ്. എ സര്ട്ടിഫിക്കറ്റാണ് ഒജിക്ക് ലഭിച്ചിരിക്കുന്നത്.
പ്രിയങ്ക മോഹന് നായികയായി എത്തുന്ന ചിത്രത്തില് പ്രകാശ് രാജും, അര്ജുന് ദാസും, ശ്രിയ റെഡ്ഡിയും, ഹരിഷ് ഉത്തമനും അഭിനയിക്കുന്നു. രവി കെ ചന്ദ്രനാണ് ചിത്രത്തിന്റെ ഛായാഗ്രാഹണം. തെലുങ്ക് ഭാഷക്ക് പുറമെ തമിഴ്, മലയാളം, ഹിന്ദി, കന്നഡ എന്നീ ഭാഷകളിലും ചിത്രം റിലീസ് ചെയ്തിട്ടുണ്ട്. നവീന് നൂലി എഡിറ്റിങ്, എ.എസ്. പ്രകാശ് പ്രൊഡക്ഷന് ഡിസൈന്. തമന് ആണ് സംഗീതം. ചിത്രത്തിന്റെ ക്രിയേറ്റീവ് പ്രൊഡ്യൂസര് ഹരീഷ് പൈയാണ്. എക്സിക്യുട്ടീവ് പ്രൊഡ്യൂസര് അശ്വിന് മണിയും. പി.ശിവപ്രസാദ് ആണ് കേരള പി.ആര്.ഓ
Premium Lifestyle and Entertainment website
വരനെ സസപെന്സ് ആക്കി വച്ച് നടി മാന്വി സുരേന്ദ്രനും; സ്റ്റാര് മാജിക് താരവും ചേച്ചിയമ്മ സീരിയല് താരവുമായി നടിയുടെ ബ്രൈഡല് ഷവര് ചിത്രങ്ങള് പുറത്ത്;വിവാഹത്തിനൊരുങ്ങി നടി
നല്ല അവസ്ഥയിലും മോശം അവസരങ്ങളിലും എല്ലാ കോളിളക്കങ്ങളിലും പരസ്പരം കണ്ടറിഞ്ഞിട്ടുണ്ട്; എന്നിട്ടും ഞങ്ങളിലാരും ഓടിയൊളിച്ചില്ല' 'മഞ്ഞുമ്മല് ബോയ്സ്' നിര്മാതാവ് ഷോണ് ആന്റണിയുമായി വിവാഹ നിശ്ചയം കഴിഞ്ഞ സന്തോഷം പങ്കിട്ട് നടി അര്ച്ചന രവി