ഒടിടി റിലീസിലും ഗംഭീര പ്രതികരണം നേടി 'സാഹസം'

ഒടിടിയിലും തരംഗമായി ബിബിന്‍ കൃഷ്ണ ഒരുക്കിയ 'സാഹസം'. സണ്‍ നെക്സ്റ്റ്, ആമസോണ്‍ പ്രൈം, മനോരമ മാക്‌സ്, സൈന പ്‌ളേ എന്നീ ഒടിടി പ്ലാറ്റ്ഫോമുകളിലാണ് ചിത്രം സ്ട്രീം ചെയ്യുന്നത്. 'ട്വന്റി വണ്‍ ഗ്രാംസ്' എന്ന ഹിറ്റ് ചിത്രത്തിന് ശേഷം ബിബിന്‍ കൃഷ്ണ സംവിധാനം ചെയ്ത ഈ ചിത്രത്തിന് ഒടിടി റിലീസിന് ശേഷവും പ്രേക്ഷകരില്‍ നിന്ന് ഗംഭീര പ്രതികരണമാണ് ലഭിക്കുന്നത്. ഒക്ടോബര്‍ ഒന്നിനാണ് ചിത്രം ഒടിടി സ്ട്രീമിങ് ആരംഭിച്ചത്. എല്ലാത്തരം പ്രേക്ഷകരേയും ആകര്‍ഷിക്കുന്ന ചിത്രത്തിന് മികച്ച ഫണ്‍ ത്രില്ലിംഗ് എന്റെര്‍റ്റൈനെര്‍ എന്ന അഭിപ്രായമാണ് ലഭിക്കുന്നത്. ഓഗസ്റ്റ് മാസത്തില്‍ തീയേറ്റര്‍ റിലീസായി എത്തിയ ചിത്രം അവിടെയും മികച്ച പ്രേക്ഷക പ്രതികരണം സ്വന്തമാക്കിയിരുന്നു. 'ട്വന്റി വണ്‍ ഗ്രാംസ്', 'ഫീനിക്‌സ്' എന്നീ ഹിറ്റ് ചിത്രങ്ങള്‍ നിര്‍മ്മിച്ച റിനിഷ് കെ എന്‍ ആണ് ദ ഫ്രണ്ട് റോ പ്രൊഡക്ഷന്‍സിന്റെ ബാനറില്‍ ഈ ചിത്രവും നിര്‍മ്മിച്ചത്.  സംവിധായകന്‍ ബിബിന്‍ കൃഷ്ണ തന്നെയാണ് ചിത്രം രചിച്ചത്. നരേന്‍, ബാബു ആന്റണി, ശബരീഷ് വര്‍മ്മ എന്നിവര്‍ പ്രധാന വേഷങ്ങള്‍ ചെയ്യുന്ന ചിത്രത്തെ കുറിച്ചുള്ള മികച്ച പ്രേക്ഷക പ്രതികരണങ്ങള്‍ സോഷ്യല്‍ മീഡിയയിലും നിറയുകയാണ്.

ആക്ഷന്‍, ത്രില്‍, ഫണ്‍ എന്നിവക്ക് പ്രാധാന്യം നല്‍കിയാണ് ചിത്രം ഒരുക്കിയിരിക്കുന്നത്. പ്രേക്ഷകര്‍ ഇഷ്ടപ്പെടുന്ന വിനോദ ഘടകങ്ങള്‍ എല്ലാം കോര്‍ത്തിണക്കി അഡ്വെഞ്ചര്‍ മൂഡില്‍ കഥ അവതരിപ്പിക്കുന്ന സാഹസത്തില്‍ റംസാന്‍, അജു വര്‍ഗീസ്, സജിന്‍ ചെറുക്കയില്‍, ജീവ ജോസഫ്, ബൈജു സന്തോഷ്, യോഗി ജാപി, ഹരി ശിവറാം, ടെസ ജോസഫ്, വര്‍ഷ രമേശ്, വിനീത് തട്ടില്‍, മേജര്‍ രവി, ഭഗത് മാനുവല്‍,  കാര്‍ത്തിക്ക്, ജയശ്രീ, ആന്‍ സലിം, എന്നിവരാണ് മറ്റു പ്രധാന താരങ്ങള്‍. ചിത്രത്തിന്റെ എക്‌സിക്യൂട്ടീവ് പ്രൊഡ്യൂസര്‍സ് -  ഷിനോജ് ഒടണ്ടയില്‍, രഞ്ജിത് ഭാസ്‌കരന്‍.

ചിത്രത്തിന് കാമറ ചലിപ്പിച്ചത് ആല്‍ബി, സംഗീതം ഒരുക്കിയത് ബിബിന്‍ അശോക്.  കിരണ്‍ ദാസ് എഡിറ്റിംഗ് നിര്‍വഹിച്ച ചിത്രത്തിന്റെ  തിരക്കഥ, സംഭാഷണം എന്നിവയൊരുക്കിയത് ബിബിന്‍ കൃഷ്ണ, യദുകൃഷ്ണ ദയകുമാര്‍ എന്നിവരാണ്. ചിത്രത്തിലെ ഗാനങ്ങളും സൂപ്പര്‍ ഹിറ്റുകളായി മാറിയിരുന്നു. ഗാനങ്ങള്‍ക്ക് വരികള്‍ രചിച്ചത്  വിനായക് ശശികുമാര്‍, വൈശാഖ് സുഗുണന്‍.പിആര്‍ഒ-ശബരി.