ചിക്കന്‍ ഫ്രൈഡ് റൈസ്

ചേരുവകള്‍

ബസ്മതി റൈസ് - 2 കപ്പ്
ചിക്കന്‍ - 250 ഗ്രാം
ഇഞ്ചി - ചെറുതായി അരിഞ്ഞത് 1 ടിസ്പൂണ്‍
വെളുത്തുള്ളി - ചെറുതായി അരിഞ്ഞത് 1 ടിസ്പൂണ്‍
സ്പ്രിംഗ് - ഒണിയന്‍ 1 കപ്പ്
ക്യാരറ്റ് - 1 കപ്പ്
ക്യാപ്സിക്കും - 1 എണ്ണം
ബീന്‍സ് - 1 കപ്പ്
സോയസോസ് - 3 ടേബിള്‍ സ്പൂണ്‍
വിനാഗിരി - 1 ടേബിള്‍ സ്പൂണ്‍
ഉപ്പ് പാകത്തിന്
കുരുമുളകുപൊടി - 3 ടേബിള്‍സ്പൂണ്‍
മുട്ട - 3 എണ്ണം
എണ്ണ (സണ്‍ഫ്‌ലവര്‍ ഓയില്‍ )

ഉണ്ടാക്കുന്ന വിധം

അരി 30 മിനിറ്റ് എങ്കിലും കുതിര്‍ക്കാന്‍ വെക്കുക. മുക്കാല്‍ പാത്രം വെള്ളത്തില്‍ ഉപ്പ്, 1 ടേബിള്‍സ്പൂണ്‍ എണ്ണ ഒഴിച്ച് തിളക്കാന്‍ വെക്കുക. വെള്ളം തിളച്ചു വരുമ്പോള്‍ അരി ഇട്ടു വേവിച്ചു എടുക്കുക. വേവ് അധികം ആകാതെ ശ്രദ്ധിക്കുക. ചിക്കന്‍, ഉപ്പ്, കുരുമുളകുപൊടി ചേര്‍ത്ത് കുക്കറില്‍ വേവിക്കുക. മറ്റൊരു പാനില്‍ എണ്ണ ഒഴിയ്ച്ചു മുട്ട ചിക്കി എടുത്ത് മാറ്റി വെക്കുക. ഇനി വെന്ത ചിക്കന്‍ അല്പം കൂടി എണ്ണ ചേര്‍ത്ത് മൊരിയിച്ചു എടുത്ത് മാറ്റി വെക്കുക. ഇനി അരിഞ്ഞു വെച്ച ക്യാരറ്റ്, ക്യാപ്സിക്കം, സ്പ്രിംഗ് ഒണിയന്‍ അല്പം കൂടി എണ്ണ ചേര്‍ത്ത് നല്ലപോലെ വഴറ്റിയെടുക്കുക. ഇതിലേക്ക് സോയസോസ്, വിനാഗിരി, കുരുമുളകുപൊടി, പാകത്തിന് ഉപ്പ് ചേര്‍ത്ത് ഇളക്കി, ചിക്കിയ മുട്ട, ചിക്കന്‍ എല്ലാം ഒന്നിച്ചക്കി ഇളക്കുക. ഇനി വേവിച്ച അരി ചേര്‍ത്ത് നല്ലപോലെ ഇളക്കി 1/2 കപ്പ് സ്പ്രിംഗ് ഒണിയന്‍ കൂടി ചേര്‍ത്ത് ചൂടോടെ വിളമ്പാം.