വീട്ടിലെ ജോലികള്‍ എളുപ്പമാക്കണോ; ഈ പൊടികൈകള്‍ ചെയ്തു നോക്കു

ദൈനംദിന വീട്ടുജോലികള്‍ എളുപ്പമാക്കാനും കീടങ്ങളുടെ ശല്യം തടയാനും സഹായിക്കുന്ന ചില പൊടിക്കൈകള്‍ വീട്ടമ്മമാര്‍ക്കിടയില്‍ ഏറെ പ്രചാരത്തിലാണ്. സാധാരണ ഉപയോഗിക്കുന്ന വസ്തുക്കള്‍ തന്നെയാണ് ഇതിന് ആശ്രയിക്കുന്നത്.

വയണ ഇല: ധാന്യങ്ങള്‍ സൂക്ഷിക്കുന്ന പാത്രങ്ങളില്‍ ഉണങ്ങിയ വയണ ഇല ഇട്ടുവച്ചാല്‍ കീടങ്ങള്‍ പിടിക്കാതെ ഭക്ഷണം കൂടുതല്‍ ദിവസങ്ങള്‍ ഫ്രഷായി നിലനിര്‍ത്താം.

നാരങ്ങ തോട്: പാത്രങ്ങള്‍ തിളക്കമുള്ളതാക്കാനും പിടിച്ചുപറ്റിയ കറ നീക്കം ചെയ്യാനും നാരങ്ങ തോട് മികച്ചതാണ്. ഇത് പാത്രങ്ങള്‍ക്ക് കേടുപാടുകള്‍ വരാതെ വൃത്തിയാക്കാനും സഹായിക്കുന്നു.

വേപ്പില: അലമാരയില്‍ സൂക്ഷിക്കുന്ന വസ്ത്രങ്ങള്‍ക്ക് കീടശല്യം ഒഴിവാക്കാന്‍ വേപ്പില പ്രയോജനകരമാണ്. തുണികള്‍ക്കിടയില്‍ വേപ്പില വെച്ചാല്‍ കീടങ്ങള്‍ എത്തിയ്ക്കുകയില്ല.

കടുക് എണ്ണ: അച്ചാറുകള്‍ ദീര്‍ഘകാലം കേടുവരാതെ സൂക്ഷിക്കാന്‍ കടുക് എണ്ണ ചേര്‍ക്കുന്നത് പരമ്പരാഗത രീതിയാണ്. ഇത് രുചി കൂട്ടുന്നതിനൊപ്പം അച്ചാറിന്റെ ശുദ്ധിയും നിലനിര്‍ത്തുന്നു.

മഞ്ഞള്‍പ്പൊടി: വീട്ടിലെ ഉറുമ്പുകളെ തടയാന്‍ മഞ്ഞള്‍പ്പൊടി പ്രയോഗിക്കാം. ഉറുമ്പുകള്‍ കടന്നുപോകുന്ന സ്ഥലത്ത് അല്പം മഞ്ഞള്‍പ്പൊടി വിതറിയാല്‍ ഉറുമ്പ് ശല്യം ഇല്ലാതാകും.

വിനാഗിരിയും ഗ്രാമ്പുവും: പഴങ്ങള്‍ക്ക് ചുറ്റും കാണപ്പെടുന്ന ഈച്ചകളെ അകറ്റാന്‍ വിനാഗിരിഗ്രാമ്പു കൂട്ടുകെട്ട് ഫലപ്രദമാണ്. ചെറിയ ഹോളുകളിട്ടു മൂടിയ പാത്രത്തില്‍ ഇത് വെച്ചാല്‍ ഈച്ചകള്‍ എത്താതിരിക്കും.

കഞ്ഞിവെള്ളം: അരി വേവിച്ചതിന് ശേഷമുള്ള കഞ്ഞിവെള്ളം ചെടികള്‍ക്ക് വളമായി ഉപയോഗിക്കാം. ധാരാളം പോഷകഗുണങ്ങള്‍ അടങ്ങിയതിനാല്‍ ഇത് ചെടികളുടെ വളര്‍ച്ചയ്ക്ക് സഹായകമാണ്.