കൗമാരപ്രായം ഒരു പെണ്‍കുട്ടിയുടെ ജീവിതത്തില്‍ ഏറ്റവും വലിയ തിരിമറി കാലമാണ്. കുട്ടിത്തം പിന്നിട്ട് പോയി, പക്ഷേ വലിയവളായിട്ടില്ല. മനസ്സില്‍ അനവധി ചോദ്യങ്ങള്‍, ഹൃദയത്തില്‍ വല്ലാത്ത സംശയങ്ങളും ആശങ്കകളും. ഒരുവേള അവര്‍ സന്തോഷത്തില്‍ നിറഞ്ഞു ചിരിക്കുമ്പോള്‍, മറ്റൊരു നിമിഷം കണ്ണീര്‍ പിടിച്ചു പോകുന്ന അവസ്ഥ.
ഇത്തരം കാലത്ത് അവരെ മനസ്സിലാക്കുക മാതാപിതാക്കള്‍ക്കും അധ്യാപകര്‍ക്കും സമൂഹത്തിനും ഒരുപോലെ വലിയ ഉത്തരവാദിത്വമാണ്.
സോഷ്യല്‍ മീഡിയയുടെ സ്വാധീനം
ഇന്നത്തെ പെണ്‍കുട്ടികള്‍ ഏറ്റവും അധികം സ്വാധീനിക്കുന്നത് സോഷ്യല്‍ മീഡിയയാലാണ്. ഇന്‍സ്റ്റാഗ്രാമിലോ ടിക്ക്‌ടോകിലോ കണ്ടുപിടിക്കുന്ന സൗന്ദര്യത്തെ സ്വന്തമായി ഇല്ലെന്ന് കരുതി ദുഖിക്കുന്ന പെണ്‍കുട്ടികള്‍ അനേകം. 'ഞാന്‍ മോശമാണോ?' എന്ന ചോദ്യത്തില്‍ അവര്‍ കുടുങ്ങി പോകുന്നു. നെഗറ്റീവ് കമന്റുകളും ബോഡി ഷെയ്മിംഗും അവരുടെ ആത്മവിശ്വാസം തകര്‍ക്കുന്നു.
പഠനവും അമിത പ്രെഷറും
'നല്ല മാര്‍ക്ക് വേണം', 'ടോപ്പര്‍ ആകണം' ഈ സമ്മര്‍ദ്ദം അവരുടെ മനസ്സില്‍ കനത്ത ചുമടാകുന്നു. ചിലര്‍ സ്വന്തം കഴിവില്‍ വിശ്വാസം നഷ്ടപ്പെടുകയും 'ഞാന്‍ മതിയല്ല' എന്ന ഭാവനയില്‍ കുടുങ്ങുകയും ചെയ്യുന്നു.
ഉറക്കക്കുറവും ഫോണ്‍ അഡിക്ഷനും
രാത്രി വൈകിയും ഫോണ്‍ ഉപയോഗിച്ച് ഉറക്കം നഷ്ടപ്പെടുമ്പോള്‍ മനസ്സില്‍ നെഗറ്റീവ് ചിന്തകള്‍ മാത്രം നിറയും. കൗമാരപ്രായത്തിലെ പെണ്‍കുട്ടികളില്‍ ആത്മഹത്യാ ചിന്തകള്‍ കൂടുതലാകുന്നത് പലപ്പോഴും ഇതു കൊണ്ടാണ്.
ഭക്ഷണവുമായി ബന്ധപ്പെട്ട പ്രശ്നങ്ങള്‍
''എന്റെ ഭാരം കുറയണം'' എന്ന ആഗ്രഹം ചിലരെ അപകടകരമായ വഴിയിലേക്ക് കൊണ്ടുപോകുന്നു. ഭക്ഷണം കഴിക്കാതെ പോകുക, കഴിച്ചാല്‍ ഛര്‍ദ്ദിച്ചു കളയുക അനോറെക്സിയയും ബുലിമിയയും പോലുള്ള പ്രശ്നങ്ങള്‍ ഉണ്ടാകുന്നു. കണ്ണാടിയില്‍ നോക്കുമ്പോള്‍ തന്നെ 'പൊണ്ണത്തടിയാണെന്ന്' തോന്നി വിഷമിക്കുന്ന അവസ്ഥ.
മാതാപിതാക്കളുമായി അകലം
വളരെ കര്‍ശനമായ നിയന്ത്രണത്തില്‍ വളരുന്ന പെണ്‍കുട്ടികള്‍ പതിയെ മാതാപിതാക്കളില്‍ നിന്ന് അകന്നു പോകും. അവരുടെ സ്വപ്‌നങ്ങളെയും ആഗ്രഹങ്ങളെയും അവഗണിച്ചാല്‍ അവര്‍ പ്രതികരിക്കും, ചിലപ്പോള്‍ വിരോധത്തോടെയും. അതുകൊണ്ട് തന്നെ തുറന്ന ആശയവിനിമയം അനിവാര്യമാണ്.
അപകടകരമായ ബന്ധങ്ങളും ലൈംഗിക അതിക്രമവും
സ്‌നേഹം കിട്ടാത്തവര്‍ പലപ്പോഴും തെറ്റായ ബന്ധങ്ങളില്‍ കുടുങ്ങി പോകും. ചിലര്‍ പങ്കാളിയുടെ ക്രൂരതകള്‍ക്ക് ഇരയാകും.
ഇതുകൂടാതെ, അടുത്ത ബന്ധുക്കളില്‍ നിന്നോ പരിചിതരില്‍ നിന്നോ ലൈംഗിക അതിക്രമം നേരിടുന്ന പെണ്‍കുട്ടികളും കുറവല്ല. അതുകൊണ്ട് തന്നെ വീട്ടില്‍ സുരക്ഷിതമായി സംസാരിക്കാന്‍ അവസരവും സ്വാതന്ത്ര്യവും ഉണ്ടാകണം.
ലഹരിയുടെ പിടിയില്‍
ഇന്നത്തെ കാലത്ത് പെണ്‍കുട്ടികളിലും ലഹരി ഉപയോഗം വര്‍ധിച്ചു വരുന്നു. അത് അവരെ മാനസിക വിഭ്രാന്തിയിലേക്കും അപകടകരമായ പെരുമാറ്റത്തിലേക്കും തള്ളിക്കളയും.
എന്ത് ചെയ്യണം?
പെണ്‍കുട്ടികളുടെ മനസ്സിലേക്ക് കരുതലോടെ ഇറങ്ങിപ്പോകുക, അവരെ കേള്‍ക്കുക, പ്രോത്സാഹിപ്പിക്കുക ഇതാണ് വേണ്ടത്.
സ്വന്തം സൗന്ദര്യത്തെ ഇഷ്ടപ്പെടാനും അംഗീകരിക്കാനും പഠിപ്പിക്കുക
പരാജയം ജീവിതത്തിന്റെ ഭാഗമാണെന്ന് മനസ്സിലാക്കാന്‍ സഹായിക്കുക
'ഇല്ല' എന്ന് പറയാനുള്ള ധൈര്യം നല്‍കുക
നെഗറ്റീവ് സ്വാധീനങ്ങളില്‍ നിന്ന് മാറിനില്‍ക്കാന്‍ പഠിപ്പിക്കുക
സ്വന്തം കഴിവുകളിലും ഗുണങ്ങളിലും ശ്രദ്ധ കേന്ദ്രീകരിക്കാന്‍ പ്രോത്സാഹിപ്പിക്കുക
നല്ല കൂട്ടുകാര്‍ തിരഞ്ഞെടുക്കുന്നതിന്റെ പ്രാധാന്യം ഓര്‍മപ്പെടുത്തുക
Premium Lifestyle and Entertainment website
പുന്നമടയുടെ കരയില്‍ ആവേശം പെരുകുന്നു; നെഹ്‌റു ട്രോഫി വള്ളംകളിക്ക് ഇനി മൂന്ന് ദിവസം മാത്രം; ടിക്കറ്റുകള്‍ വിറ്റ് തുടങ്ങി
തലമുടി കൊഴിച്ചില്‍ കുറയ്ക്കാന്‍ കോഫി കൊണ്ട് ഉണ്ടാക്കാവുന്ന ഹെയര്‍ പാക്കുകള്‍
വെറ്റൈി പൊട്ടറ്റോ കട്‌ലറ്റ് ഉണ്ടാക്കിയാലോ?
ഫ്രിഡ്ജ് ഉപയോഗിക്കുമ്പോള്‍ ചില കാര്യങ്ങള്‍ എപ്പോഴും ശ്രദ്ധിക്കണം
സൈബര്‍ സുരക്ഷാ ഭീഷണി; ക്രോം ഉപയോക്താക്കള്‍ക്ക് അടിയന്തര മുന്നറിയിപ്പ്; പഴയ പതിപ്പുകള്‍ ഉപയോഗിക്കുന്നവര്‍ പുതയതിലേക്ക് മാറണം