ഒട്ടും എളുപ്പമല്ലെങ്കിലും മുന്നോട്ട് പോകാന്‍ ശ്രമിക്കുകയാണ്;എന്നെ കാണാന്‍ നിങ്ങളെപ്പോലുണ്ടെന്ന് ആരെങ്കിലുമൊക്കെ പറയുമ്പോള്‍ മനസ് നിറയും; നിങ്ങളുടെ ഒരു ഭാഗം എപ്പോഴും എനിക്കൊപ്പമുണ്ട്; മിസ് യു അച്ഛാ; നടന്‍ ദീലീപ് ശങ്കറിന്റെ വിയോഗത്തിന് ഒരാണ്ട്; അച്ഛനെ ഓര്‍മിച്ച് മകള്‍ ദേവയുടെ കുറിപ്പ്

മിനിസ്‌ക്രീന്‍ പ്രേക്ഷകര്‍ക്ക് സുപരിചിതനായ നടനായിരുന്നു ദിലീപ് ശങ്കര്‍. അമ്മ അറിയാതെ, സുന്ദരി, പഞ്ചാഗ്‌നി തുടങ്ങിയ സീരിയലുകളില്‍ ശ്രദ്ദേയ കഥാപാത്രങ്ങളില്‍ അഭിനയിച്ച നടന്‍. കഴിഞ്ഞ വര്‍ഷം ഡിസംബറിലാണ് നടനെ ഹോട്ടല്‍ മുറിയില്‍ മരിച്ച നിലയില്‍ കണ്ടെത്തിയത്. സീരിയല്‍ ഷൂട്ടിങിനായി തിരുവനന്തപുരത്ത് എത്തിയതായിരുന്നു ദിലീപ്. എന്നാല്‍ രണ്ട് ദിവസമായിട്ടും മുറി തുറക്കാതെയായതോടെ നടത്തിയ പരിശോധനയിലാണ് മരിച്ച നിലയില്‍ കണ്ടെത്തിയത്ഇരുപത്തിയഞ്ച് വര്‍ഷമായി സീരിയല്‍, സിനിമാ രംഗത്ത് സജീവമായിരുന്നു ദിലീപ്. ജൂഡ് അട്ടിപ്പേറ്റിയുടെ റോസസ് അറ്റ് ഡിസംബര്‍ എന്ന സീരിയലിലൂടെയാണ് നടന്‍ അഭിനയ രംഗത്ത് എത്തിയത്.

ഇപ്പോള്‍ നടന്‍ ദിലീപ് ശങ്കറിന്റെ വിയോഗത്തിന് ഒരാണ്ട് തികയുമ്പോള്‍ ഹൃദയം തൊടും കുറിപ്പിലൂടെ അച്ഛനെ ഓര്‍മിച്ച് മകള്‍ ദേവ. അച്ഛനെ ഓര്‍ക്കാത്ത ഒരു ദിവസം പോലും കടന്നുപോയിട്ടില്ലെന്നും ഇന്നും അച്ഛന്റെ ഒരു ഫോണ്‍ കോളിനായി കാത്തിരിക്കാറുണ്ടെന്നും ദേവ സോഷ്യല്‍ മീഡിയയില്‍ കുറിച്ചു.

കഴിഞ്ഞ ഒരു വര്‍ഷമായി അച്ഛാ, നിങ്ങളെ ഓര്‍ക്കാതെ ഒരു ദിവസം പോലും കടന്നുപോയിട്ടില്ല. എന്റെ ഫോണ്‍ ഓരോ തവണയും മുഴങ്ങുമ്പോള്‍ അത് നിങ്ങളായിരിക്കണമേ എന്ന് ഞാന്‍ ആഗ്രഹിച്ചിട്ടുണ്ട്. പക്ഷേ, അതെല്ലാം ഒരു ദുസ്വപ്നം മാത്രമായി. എന്റെ ചെറിയ നേട്ടങ്ങള്‍ പോലും നിങ്ങളോട് വിളിച്ച് പറയുന്നതിനെ ഞാന്‍ അത്രമേല്‍ മിസ് ചെയ്യുന്നു. എത്ര ചെറുതായാലും എന്റെ നേട്ടത്തില്‍ എന്നേക്കാള്‍ അധികം ആവേശത്തോടെ സന്തോഷിച്ചിരുന്നത് നിങ്ങളായിരുന്നു. നിങ്ങള്‍ എപ്പോഴും എന്നെക്കുറിച്ച് അഭിമാനിച്ചിരുന്നു. 

എത്ര ചെറുതാണെങ്കിലും, ഓരോ ചെറിയ നേട്ടങ്ങളും അറിയിക്കാന്‍ നിങ്ങളെ വിളിക്കുന്നത് ഞാന്‍ മിസ് ചെയ്യുന്നുണ്ട്. എപ്പോഴും എന്നേക്കാള്‍ ആവേശം നിങ്ങള്‍ക്കായിരിക്കുമല്ലോ. നിങ്ങള്‍ എന്നും എന്നില്‍ ഒരുപാട് അഭിമാനിച്ചിരുന്നു. നിങ്ങള്‍ ചെയ്തിരുന്ന എല്ലാത്തിലും ഞാനത് അനുഭവിച്ചിട്ടുണ്ട്. എന്നെ കാണാന്‍ വേണ്ടി മാത്രം ഒന്നോ രണ്ടോ ദിവസം ഓഫെടുത്ത് നിങ്ങള്‍ വരുമായിരുന്നു. നിങ്ങളില്ലാത്ത വീട്ടിലേക്ക് പോകുന്നത് പോലും ഇന്ന് വ്യത്യസ്തമാണ്.

നിങ്ങള്‍ പോയതിന് ശേഷം ഒന്നും പഴയതു പോലെയല്ല. ഒട്ടും എളുപ്പമല്ലെങ്കിലും ഞാന്‍ മുന്നോട്ട് പോകാന്‍ ശ്രമിക്കുകയാണ്. നിങ്ങള്‍ എന്നെ കാണുന്നുണ്ടെന്നും പുഞ്ചിരിക്കുന്നുണ്ടെന്നുമുള്ള പ്രതീക്ഷയിലാണ് ഞാന്‍. നിങ്ങളുടെ ഒരു ഭാഗം ഞാന്‍ എന്നിലും ദിച്ചുവിലും കാണുന്നുണ്ട്. അത് എനിക്ക് ആശ്വാസം നല്‍കുന്നു. എന്നെ കാണാന്‍ നിങ്ങളെപ്പോലുണ്ടെന്ന് ആരെങ്കിലുമൊക്കെ പറയുമ്പോള്‍ എന്റെ മനസ് നിറയും. നിങ്ങളുടെ ഒരു ഭാഗം എപ്പോഴും എനിക്കൊപ്പമുണ്ട്. മിസ് യു അച്ഛാ.. എന്നെന്നും.''

സീരിയലുകളിലൂടെയാണ് ദിലീപ് ശ്രദ്ധ നേടുന്നത്. നിരവധി ഹിറ്റ് പരമ്പരകളില്‍ വിവിധ കഥാപാത്രങ്ങളെ അവതരിപ്പിച്ച് കയ്യടി നേടിയിട്ടുണ്ട്. പോയ വര്‍ഷം ഡിസംബറില്‍ തിരുവനന്തപുരത്തെ ഹോട്ടല്‍ മുറിയില്‍ നടനെ മരിച്ചനിലയില്‍ കണ്ടെത്തുകയായിരുന്നു. പഞ്ചാഗ്‌നി എന്ന സീരിയില്‍ അഭിനയിക്കാനെത്തിയതായിരുന്നു ദിലീപ്. രണ്ട് ദിവസമായിട്ടും മുറി തുറക്കാത്ത സാഹചര്യത്തില്‍ നടത്തിയ പരിശോധനയിലാണ് മതൃദേഹം കണ്ടെത്തുന്നത്.