വീടിന് ലക്ഷങ്ങളുടെ കടം; 49 ലക്ഷത്തിലധികം ബാധ്യത; ഞാന്‍ തെണ്ടിയാലും പലരും കരുതുന്ന പോലെ ഷെജീട്ടന്റെ മക്കള്‍ സഹായം ചോദിച്ചു വരില്ല;അവരുടെ അച്ഛനെ സ്നേഹിക്കുന്നവര്‍ അവര്‍ക്ക് വേണ്ടി വരുമെന്ന പ്രതീക്ഷയും ഇല്ല; സീരിയല്‍ സംവിധായകന്‍ ആദിത്യന്റെ ഭാര്യ കുറിച്ചത്

അപ്രതീക്ഷിതമായി മരണത്തിനു കീഴടങ്ങിയ സാന്ത്വനം സീരിയല്‍ സംവിധായകന്‍ ആദിത്യന്റെ (ഷെജി) ഭാര്യ രോണു ചന്ദ്രന്റെ കുറിപ്പ് ചര്‍ച്ചയാകുന്നു. കുടുംബത്തിനു നേരിടേണ്ടി വരുന്ന സാമ്പത്തിക പ്രയാസങ്ങളെക്കുറിച്ചാണ് നീണ്ട കുറിപ്പിലൂടെ രോണു തുറന്നു പറയുന്നത്.
അച്ഛനെ സ്‌നേഹിക്കുന്നവര്‍ സാമ്പത്തിക പ്രശ്‌നങ്ങളില്‍ സഹായവുമായി എത്തുമെന്ന് മക്കള്‍ വിശ്വസിച്ചു പോയെന്ന് രോണുകുറിക്കുന്നു,

കുറിപ്പ് ഇങ്ങനെ:
''ഫ്രണ്ട്‌സ്..സോറി. എന്നോട് പലരും വീണ്ടും ചോദിക്കുന്നു വീട് പണി എന്തായി ലോണ്‍ ഒക്കെ അടച്ചു തീര്‍ത്തോ ഒരുപാട് കടങ്ങള്‍ ഒണ്ടോ. ചേട്ടന്‍ സംവിധായകന്‍ അല്ലായിരുന്നോ? എങ്ങനെയാണ് നീ വാടക ഒക്കെ കൊടുക്കുന്നെ എന്ന്. പലരും ചോദിക്കാന്‍ മടിക്കുന്നതും ചോദിച്ചവരോടുള്ള ഉത്തരവും. മറുപടി തരാന്‍ ഞാന്‍ മുഴുവന്‍ സമയവും ഇതില്‍ അല്ല.

അതുകൊണ്ട് എല്ലാവര്‍ക്കും ഉള്ള ഉത്തരം, വീടിന്റെ ലോണ്‍ ഇപ്പോള്‍ (വീടിന് ഇന്‍ഷുറന്‍സ് എടുത്തിട്ടില്ല) ഏകദേശം 49 ലക്ഷം  ബാധ്യത, ചേട്ടന്റെ കഷ്ടപ്പാടും അത്  ചേട്ടന്റെയും എന്റെയും പേരില്‍ ആയതു കൊണ്ടും ബാക്കി മൈനര്‍ ആയ മക്കള്‍ക്കും അത് ബാധ്യത. ഞാന്‍ മരിച്ചാലും അത് മക്കള്‍ക്കു കൂടി ആകും.. അതുതന്നെ വല്യ വിഷമം. പിന്നെ ചേട്ടന്‍ ഉള്ളപ്പോള്‍ 5 വര്‍ഷത്തേക്കുള്ള പേഴ്സനല്‍ ലോണ്‍ എന്റെ പേരില്‍, ബാക്കി 3 ലക്ഷം അടവ്. എന്റെ ഒരു തൊഴിലിന്റെ ബാധ്യത ഏഴ് ലക്ഷം. ഇനി ഈ  7 ലക്ഷം ബാധ്യത എനിക്ക് എങ്ങനെ വന്നു എന്നല്ലേ.

അത് ചേട്ടനും ഫ്രണ്ട്സും ചേര്‍ന്നു സ്റ്റുഡിയോ തുടങ്ങി, പാര്‍ണര്‍ഷിപ്പില്‍ കിട്ടിയ തുകയില്‍ ഞാന്‍ പണയം വച്ച ഗോള്‍ഡ് മുഴുവന്‍ എടുത്തു.. ആ സ്വര്‍ണം എടുത്തത് അത്യാവശ്യം ബാക്കി കാര്യങ്ങള്‍ നടക്കണം, ഇഎംഐ, വീട് വാടക എന്നൊക്കെ ഉദ്ദേശിച്ചു, അങ്ങനെ ഞാന്‍ ചെറിയ സഹായം കൊണ്ട് അങ്ങ് പോയി. പക്ഷേ ബാക്കി സ്വര്‍ണം അത് എനിക്കൊരു തൊഴിലിനു വേണ്ടി പണയം 5 ലക്ഷം പണയംവച്ചു. പിന്നെ പലിശയ്ക്ക് എടുത്തത് 2 ലക്ഷം.

പിന്നെ അതില്‍ കടം 2 ലക്ഷം. പലിശ കടം, ചേട്ടന്റെ സാലറി വന്നപ്പോ ബാക്കി ഉള്ള ചെറിയ പേഴ്സനല്‍ ലോണ്‍ ഉണ്ടായിരുന്നു  വീടിനു വേണ്ടി എടുത്തത് തീര്‍ത്തു... ഇതൊക്കെയാണ് എന്റെ പേരില്‍ ഉള്ള ബാധ്യത. എന്തായാലും ഒരു പണിയുമില്ലാത്ത ഞാന്‍ എന്ത് കണ്ടിട്ട് ചേട്ടന്‍ ഇല്ലാതെ ജീവിക്കേണ്ടത്. ഇപ്പോ ഉള്ള ജോലി...

ഫോട്ടോ.: ഞാന്‍ തെണ്ടിയാലും പലരും കരുതുന്ന പോലെ ഷെജീട്ടന്റെ മക്കള്‍ സഹായം ചോദിച്ചു വരില്ല. അവരുടെ അമ്മ ജീവിച്ചിരിക്കുമ്പോള്‍ അവസരം ഉണ്ടാക്കില്ല...അവര്‍ വിശ്വസിച്ചു, അവരുടെ അച്ഛനെ സ്നേഹിക്കുന്നവര്‍ അവര്‍ക്ക് വേണ്ടി വരുമെന്ന് സഹായിക്കാന്‍. അതോടെ ഷെജി ഏട്ടന്റെ മക്കള്‍ക്കു മനസിലായി അവരുടെ അച്ഛന് യാതൊരു വിലയും ഇല്ലെന്നു. എന്റെ  അല്ല അഭിപ്രായം, 15 വയസ്സുള്ള മോന് പറഞ്ഞു പഠിപ്പിക്കേണ്ട കാര്യം ഇല്ലാലോ. സുഹൃത്തുക്കളോട് ആയാലും ചില ബൈ പോളാര്‍ ഡിസോര്‍ഡര്‍ ഉള്ളവര്‍ ആയാലും.

NB: നേരിട്ട് കേട്ടതും വായിച്ചതും. ഷെജിയേട്ടന്റെ മക്കള്‍ വരട്ടെ സഹായം ചോദിച്ചു എന്ന്. അങ്ങേരുടെ മക്കള്‍ അല്ലെ, നിന്റെ ഒന്നും മുന്നില്‍ വരില്ല.''