ശരീരത്തിന് അനുയോജ്യമായ വസ്ത്രങ്ങളാണ് ധരിക്കുന്നത്; ഇതുവരെ അതെനിക്ക് ഷെയിം ആയി തോന്നിയിട്ടില്ല; മിണ്ടാതിരിക്കാന്‍ മദര്‍ തെരേസ ഒന്നുമല്ല;ആരും നേരിട്ട് എന്നെ നെഗറ്റീവ് പറഞ്ഞിട്ടില്ല; രേണു സുധി പ്രതികരിക്കുമ്പോള്‍

സമീപകാലത്ത് ഏറ്റവും കൂടുതല്‍ വിമര്‍ശനങ്ങളും വിവാദങ്ങളില്‍ അകപ്പെട്ടൊരാളുമാണ് രേണു സുധി. ആല്‍ബം, സിനിമ ഷൂട്ടുകളുടെയൊക്കെ പേരിലാണ് വിമര്‍ശനങ്ങള്‍. അതോടൊപ്പം തന്നെ സോഷ്യല്‍ മീഡിയയില്‍ സൈബര്‍ അറ്റാക്കും വലി തോതില്‍ രേണുവിനെതിരെ നടക്കുന്നുണ്ട്. 
രേണുവിനെ വെച്ച് ആളുകള്‍ അവസരം മുതലാക്കി റീച്ചുണ്ടാക്കുന്നുണ്ടോയെന്ന ചോദ്യത്തോട് പ്രതികരിച്ച് എത്തിയിരിക്കുകയാണ് 

ഇന്‍സ്റ്റഗ്രാമില്‍ അടുത്തിടെയായി ഞാന്‍ നിരന്തരം ലൈവ് ചെയ്യാറുണ്ട്. അതിനടിയില്‍ അധിക്ഷേപം വരുമ്പോള്‍ പ്രതികരിക്കാറുമുണ്ട്. ഇന്നത്തെ കാലത്ത് ജാതി പോലുള്ളവ പറഞ്ഞ് അധിക്ഷേപിക്കുന്നത് തെറ്റാണല്ലേ?. ഞാന്‍ ഉന്നതകുല ജാതയൊന്നുമല്ല. എടി അട്ടപ്പാടി എന്നൊക്കെ വിളിച്ചാണ് പരിഹസിക്കുന്നത്. അതില്‍ എനിക്ക് കുഴപ്പമൊന്നുമില്ല. ഞാന്‍ അട്ടപ്പാടിയാണെന്ന് തന്നെയാണ് ഞാന്‍ മറുപടി പറഞ്ഞത്. 

സ്വന്തമായി വീടുണ്ടാകുന്നത് വരെ ഞാന്‍ താമസിച്ചതും കോളനിയിലാണ്. അതുകൊണ്ട് തന്നെ കോളനിയെന്ന് വിളിച്ചാല്‍ അതെ ഞാന്‍ കോളനിയാണെന്ന് തന്നെയാണ് ഞാന്‍ മറുപടി പറയാറ്. പിന്നെ ആളുകള്‍ എന്നെ ചീത്ത വിളിക്കുമ്പോള്‍ പ്രതികരിക്കാതിരിക്കാന്‍ ഞാന്‍ മദര്‍തെരേസയൊന്നുമല്ല. പോടി എന്ന് എന്നെ വിളിച്ചാല്‍ ഞാനും തിരിച്ച് പോടിയെന്ന് വിളിക്കും. ചീത്ത വിളിക്കുന്നവരെപ്പോലെ തന്നെ എന്നെ സപ്പോര്‍ട്ട് ചെയ്യുന്നവരും ഒരുപാടുണ്ടെന്നും രേണു പറയുന്നു.

തന്നെ കുറിച്ച് പരാതിപ്പെട്ട സ്ത്രീയെ കുറിച്ചും രേണു സംസാരിച്ചു. ആ സ്ത്രീ ആരാണെന്ന് എനിക്കറിയില്ല. ആ സ്ത്രീ ചെയ്യുന്ന കാര്യങ്ങളാകും എന്നില്‍ അടിച്ചേല്‍പ്പിച്ചത്. ഞാനും ഈ വോയ്‌സ് കേട്ടിരുന്നു. ഇവര്‍ക്കെതിരെ കേസ് കൊടുക്കാന്‍ പലരും പറഞ്ഞു. പക്ഷെ ഞാന്‍ കൊടുത്തില്ല. കൊടുത്തിട്ട് വല്ല പ്രയോജനവുമുണ്ടോ?. കൊലപാതകം, മോഷണം, പിടിച്ചുപറി, അധിക്ഷേപം, പീഡനം എന്നിവയൊന്നും ചെയ്യുന്നയാളല്ല ഞാന്‍. 

പിന്നെ എന്തിന്റെ പേരില്‍ എന്നെ ജയില്‍ ഇടണമെന്നാണ് ആ സ്ത്രീ പറയുന്നത്. റീല്‍ ചെയ്യുന്നതിനോ?. ഞെക്കിപിടിക്കല്‍ എന്ന് ആ സ്ത്രീ പറഞ്ഞതെന്താണെന്നും എനിക്ക് മനസിലാവുന്നില്ല. റൊമാന്റിക്ക്, വെഡ്ഡിങ് ഷൂട്ടുകള്‍ വൃത്തികേടാണോ. എനിക്ക് വരുന്ന വര്‍ക്കുകളാണ് ഞാന്‍ ചെയ്യുന്നത്. അങ്ങോട്ട് പോയി കഥാപാത്രം ആവശ്യപ്പെടാറില്ല. എനിക്ക് വരുന്ന കഥാപാത്രങ്ങള്‍ ആസ്വദിച്ചാണ് ഞാന്‍ ചെയ്യുന്നത്

ഞാനും അഭിനയം പഠിക്കുന്നതേയുള്ളു. സിനിമാ പശ്ചാത്തലത്തില്‍ നിന്നും വന്നയാളുമല്ല. എന്റെ മാതാപിതാക്കള്‍ സാധാരണക്കാരാണ്. സിനിമ ഫീല്‍ഡിനെ കുറിച്ച് കുറച്ചൊക്കെ സുധി ചേട്ടന്‍ പറഞ്ഞ് എനിക്ക് അറിയാം. സുധി ചേട്ടനുണ്ടായിരുന്നപ്പോള്‍ ഞങ്ങള്‍ ഒരുമിച്ച് അഭിനയിച്ച് വീഡിയോ ചെയ്തിട്ടുണ്ട്. എന്റെ ബോഡിക്ക് അനുയോജ്യമായ വസ്ത്രങ്ങളാണ് ഞാന്‍ ധരിക്കുന്നത്. എനിക്ക് അതില്‍ ഷെയിം തോന്നിയിട്ടില്ല. ഞാന്‍ കുറച്ച് മെലിഞ്ഞിട്ടാണ്. അടുത്തിടെയായി ചില പരസ്യങ്ങളിലും അവസരം വരുന്നുണ്ട്. എല്ലാം ചോദിച്ച് മനസിലാക്കിയിട്ട് തന്നെയാണ് അഭിനയിക്കാന്‍ പോകുന്നത്. ഞാന്‍ സ്ത്രീകള്‍ക്കൊപ്പം ഫോട്ടോയിട്ടാലും നെ?ഗറ്റീവ് കമന്റ് വരും. ഇപ്പോഴത്തെ എന്റെ ലൈഫ് ഞാന്‍ ആസ്വദിച്ച് തന്നെയാണ് മുന്നോട്ട് പോകുന്നത്. ഇതുവരെ ആരും എന്റെ മുഖത്ത് നോക്കി നെഗറ്റീവ് പറഞ്ഞിട്ടില്ല.

ഞാന്‍ പിടിച്ച് തല്ലുമോയെന്ന് പേടിച്ചിട്ടാണോയെന്നും അറിയില്ല. ഈ നെ?ഗറ്റീവ് എല്ലാം കേട്ട് ഡിപ്രഷന്‍ വന്ന് ഞാന്‍ ആത്മഹത്യ ചെയ്താലോ?. അതിനുശേഷം എന്നെ കുറിച്ച് നല്ലത് പറഞ്ഞിട്ട് കാര്യമുണ്ടോ? എന്നും രേണു ചോദിക്കുന്നു.