ജീവിതത്തില്‍ ഒട്ടനേകം പരീക്ഷണങ്ങള്‍ നേരിട്ടിട്ടുള്ള മനുഷ്യനാണ് ഉല്ലാസ് പന്തളം എന്ന നടനും മിമിക്രി താരവുമൊക്കെയായ വ്യക്തി. കഷ്ടപ്പാടുകള്‍ നിറഞ്ഞ ജീവിതത്തിനൊടുവില്‍ മിനിസ്‌ക്രീനിലും ബിഗ്സ്‌ക്രീനിലും സ്റ്റേജുകളിലും ഒക്കെയായി ജീവിതം കരുപ്പിടിപ്പിച്ച് തിളങ്ങി വരവേയാണ് ഭാര്യ ആശയുടെ മരണം സംഭവിക്കുന്നത്. വീടിന്റെ ടെറസില്‍ തൂങ്ങി മരിക്കുകയായിരുന്നു ആശ. രണ്ടു മക്കളേയും ഉല്ലാസിനെ ഏല്‍പ്പിച്ച് മരണത്തിലേക്ക് പോയ ആശയുടെ ഓര്‍മ്മകളില്‍ വേദനിച്ചായിരുന്നു ഉല്ലാസിന്റെ കുറച്ചു കാലത്തെ ജീവിതം. തുടര്‍ന്നാണ് വീട്ടുകാരുടെ നിര്‍ബന്ധത്തില്‍ രണ്ടാമതൊരു വിവാഹം കഴിച്ചത്.
മലപ്പുറം അരീക്കോട് പഞ്ചായത്ത് വൈസ് പ്രസിഡന്റ് ആയിരുന്ന ദിവ്യയെയാണ് ഉല്ലാസ് വിവാഹം കഴിച്ചത്. എന്നാലിപ്പോഴിതാ, ശാരീരികമായി അനുഭവിക്കുന്ന ചില ബുദ്ധിമുട്ടുകള്‍ക്കിടയിലും മക്കളേയും കൂടി ഒരു പൊതുവേദിയില്‍ ഉല്ലാസ് എത്തിയ ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയുടെ ശ്രദ്ധ നേടുന്നത്.
ഉദ്ഘാടനത്തിനായാണ് ഉല്ലാസ് പന്തളം എത്തിയത്. അച്ഛനു താങ്ങായി രണ്ടു മക്കളും വന്നിരുന്നു. ക്രച്ചറിന്റെ സഹായത്തോടെയാണ് അദ്ദേഹം നടന്ന് വേദിയിലേക്ക് എത്തിയത്. ഇടതുകൈ അനക്കാതെ വച്ചിരിക്കുന്ന അദ്ദേഹത്തിന്റെ മുഖം ഇടതു ഭാഗത്തേക്ക് കോടിയതായും കാണാം. അവതാരക ലക്ഷ്മി നക്ഷത്ര അദ്ദേഹത്തെ കണ്ടപ്പോള്‍ സംസാരിക്കാനായി ഓടിയെത്തിയതും തുടര്‍ന്ന് വീഡിയോ ശ്രദ്ധ നേടുകയുമായിരുന്നു. പിന്നാലെ വീഡിയോയ്ക്ക് താഴെ നിരവധി പേരാണ് അദ്ദേഹത്തിന് എന്തു സംഭവിച്ചുവെന്ന് ചോദിച്ചുകൊണ്ട് എത്തിയത്. സ്ട്രോക്ക് വന്നതാണോ? മുഖം കോടിയിരിക്കുന്നല്ലോ എന്നൊക്കെ കമന്റ് ബോക്സുകളില്‍ പ്രത്യക്ഷപ്പെട്ടിട്ടുണ്ട്.
തനിക്ക് സ്ട്രോക്ക് ആയിരുന്നുവെന്നും ആരോഗ്യം വീണ്ടെടുത്തു കൊണ്ടിരിക്കുകയാണെന്നും താരംതന്നെ ചടങ്ങില് വ്യക്തമാക്കി. ഇക്കാര്യം അടുത്ത സുഹൃത്തുക്കള്‍ക്ക് മാത്രമേ അറിയാമായിരുന്നുള്ളൂവെന്നും അദ്ദേഹം പറഞ്ഞു..
പരിപാടി കഴിഞ്ഞ് തിരിച്ചുപോകുമ്പോള്‍ കാറിലിരുന്ന അദ്ദേഹത്തിന്റെ കണ്ണുകള്‍ നിറഞ്ഞിട്ടുണ്ടായിരുന്നു. ഇത..കണ്ട് 'ചിരിച്ചുകൊണ്ട് പോകൂ' എന്ന് പരിപാടിക്കെത്തിയ അവതാരക ലക്ഷ്മി നക്ഷത്ര അദ്ദേഹത്തോട് പറയുന്നുണ്ട്.
രണ്ടാം വിവാഹത്തിന് പിന്നാലെ ഒട്ടനവധി ആരോപണങ്ങളും പഴികളും കേള്‍ക്കേണ്ടി വന്ന നടനും മിമിക്രി താരവുമാണ് ഉല്ലാസ് പന്തളം. ആദ്യ ഭാര്യ ആശയുടെ മരണത്തിനു പിന്നാലെ വിവാഹം കഴിച്ചതിന്റെ പേരില്‍ ആയിരുന്നു പഴികള്‍ മുഴുവന്‍ ഉല്ലാസിന്റെ നേര്‍ക്കുവന്നത്. എന്നാല്‍ ഇതിനെതിരെ ഒരിക്കല്‍ പോലും ഉല്ലാസ് പ്രതികരിച്ചില്ല. പകരം വിമര്‍ശകര്‍ക്ക് മുന്‍പില്‍ ജീവിതം മനോഹരമാക്കി കാണിച്ചു കൊടുത്തു. ഇന്ന് ദിവ്യക്കും രണ്ടുമക്കള്‍ക്കും ഒപ്പം സന്തുഷ്ടകരമായ കുടുംബജീവിതം നയിക്കുക കൂടിയാണ് ഇപ്പോള്‍ ഉല്ലാസ്.
ദിവ്യ സാമൂഹിക സേവനത്തോടൊപ്പം തന്നെ കുടുംബത്തിലെ മുഴുവന്‍ കാര്യങ്ങള്‍ക്കും ഒപ്പം തന്നെയുണ്ട്. ഉല്ലാസിന്റെ രണ്ടുമക്കളും ദിവ്യക്ക് സ്വന്തം മക്കള്‍ തന്നെയാണ്. കുഞ്ഞുങ്ങളുടെ ഓരോ കാര്യത്തിലും ദിവ്യ തന്നെയാണ് മേല്‍നോട്ടം വഹിക്കുന്നത്. കുടുംബത്തിന് എത്രത്തോളം പ്രാധാന്യം ദിവ്യ നല്‍കുന്നുണ്ടെന്ന് അവരുടെ പോസ്റ്റുകളില്‍ നിന്നും വ്യക്തമാണ്. മക്കളെ ഉപേക്ഷിച്ചാണ് ഉല്ലാസ് പോയതെന്ന ഏറ്റവും വലിയ ആരോപണത്തിന് മറുപടി കൂടിയാണ് ദിവ്യയും ഉല്ലാസും തമ്മിലുള്ള ജീവിതം. ഈ അടുത്ത് രണ്ട് പേരും പുതിയൊരു സംരംഭത്തിലേക്ക് കടക്കുകയും ചെയ്തിരുന്നു. പന്തളത്ത് ഒരു ഹോട്ടല്‍ ആരംഭിച്ചിരുന്നു. പന്തളത്തി ജനപ്രിയ ഹോട്ടലായി മാറിയിരിക്കുകയാണ് ഇവരുടെ സംരംഭം.
Premium Lifestyle and Entertainment website
മമ്മൂക്കയുടെ കവില്‍ ചുംബിച്ച് ഹോപ്പ്; ബേസിലിന്റെ മകളുടെ മുത്തം ക്യാമറയില്‍ പകര്‍ത്തി മമ്മൂക്കയും; അങ്കിളിന്റെ പേരെന്താ എന്ന് മകളുടെ ചോദ്യത്തെ ചിരിച്ചുകൊണ്ട് മമ്മൂട്ടിയെന്ന് മറുപടിയും; ജീവിതത്തില്‍ ഒരിക്കലും മറക്കാത്ത അനുഭവമെന്ന് കുറിച്ച് ബേസില്‍ 
റോഡരികിലെ കെട്ടില്‍ വച്ച പാള പാത്രത്തില്‍ നിന്ന് ഭക്ഷണം കഴിക്കുന്ന തലൈവര്‍;രജനീകാന്ത് അഭിനയത്തിന് ഇടവേളയെടുത്ത് ആത്മീയ യാത്രയില്‍; സുഹൃത്തുക്കള്‍ക്കൊപ്പമുള്ള ഋഷികേശ് യാത്ര ചര്‍ച്ചയാകുമ്പോള്‍
മോഹന്‍ലാലിനും രജനിക്കും എത്താനായില്ല; ജയറാമും റഹ്മാനും ചിരഞ്ജീവിയും പാര്‍വ്വതിയും ശോഭനയും ഖുശ്ബും അടക്കം 80 കളിലെ മിന്നും താരങ്ങള്‍ വീണ്ടും ഒന്നിച്ചത് പുലി തീമില്‍; ഒന്നിച്ച് ഇരിക്കുക എന്നത് തന്നെ സന്തോഷമെന്ന് കുറിച്ച് രേവതി
രാത്രി ഉറങ്ങി വൈകുന്നവരാണോ? ഈ ശീലം ശരീരത്തിന് മാത്രമല്ല, തലച്ചോറിനും വലിയ ദോഷമെന്ന് റിപ്പോര്‍ട്ട്; കാത്തിരിക്കുന്നത് കടുത്ത രോഗങ്ങള്‍
വീട്ടില്‍ ഉണ്ടാകുന്ന പൂപ്പലുകള്‍; ശ്വാസകോശ സംബന്ധമായ അസുഖങ്ങള്‍ക്കും അലര്‍ജികള്‍ക്കും കാരണമാകാം; പൂപ്പല്‍ വരാതിരിക്കാന്‍ ചെയ്യേണ്ട മുന്‍കരുതലുകള്‍