ആ സീന്‍ നരനില്‍ എനിക്ക് നഷ്ടമാണ്; എന്റെ കഥാപാത്രം ഒന്നുമല്ലാത്തത് പോലെയായി; തുറന്ന് പറഞ്ഞ് നടി സോന നായർ

മലയാള സിനിമ പ്രേമികൾക്ക് ഏറെ പ്രിയപ്പെട്ട ഒരു ചിത്രമാണ് നരേൻ. ആശീർവാദ് സിനിമാസിന്റെ ബാനറിൽ 2005 - ൽ പുറത്തിറങ്ങിയ ചിത്രമാണ്  നരൻ. ജോഷി സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് ആന്റണി പെരുമ്പാവൂർ ആണ്. മുള്ളൻകൊല്ലി എന്ന ഗ്രാമത്തിലെ വേലായുധൻ എന്ന നല്ലവനായ ചട്ടമ്പി കഥാപാത്രമായി മോഹൻലാൽ എത്തിയത്. എന്നാൽ ഇപ്പോൾ  ചിത്രത്തില്‍ ഒരു പ്രധാന കഥാപാത്രത്തെ സോന നായരും അവതരിപ്പിച്ചിരുന്നു. എന്നാൽ ഇപ്പോൾ  കുന്നുമ്മല്‍ ശാന്ത എന്ന താന്‍ അവതരിപ്പിച്ച കഥാപാത്രത്തിന്റെ ഒരു സീന്‍ ചിത്രത്തില്‍ നിന്ന് ഒഴിവാക്കിയതിനെ കുറിച്ച് പറഞ്ഞിരിക്കുകയാണ് സോന.

‘ഭാവന അവതരിപ്പിച്ച ലീല എന്ന കഥാപാത്രവുമായി ബന്ധപ്പെട്ടൊരു സീനുണ്ടായിരുന്നു. ശാന്തയുടെ വീട്ടില്‍ വേലായുധന്‍ കിടക്കുന്നത് കൊണ്ടാണ് ലീല വേലായുധനെ വിവാഹം കഴിക്കാന്‍ സമ്മതിക്കാത്തത്. അങ്ങനെ ഭാവനയുടെ ലീല എന്ന കഥാപാത്രത്തിനൊപ്പം കിടിലനൊരു സീനുണ്ട്.’
അതൊരു കടവില്‍ വെച്ച് എടുത്തതാണ്. സെറ്റില്‍ എല്ലാവരും കൈയ്യടിച്ച് കൊണ്ടാണ് ആ സീന്‍ എടുത്ത് തീര്‍ത്തത്. പക്ഷേ അതും സിനിമയില്‍ ഇല്ല. വേലായുധനെ കുറിച്ച് ശാന്ത ലീലയ്ക്ക് പറഞ്ഞ് കൊടുക്കുന്നതാണ് സീനിലുള്ളത്. ആ സീന്‍ നരനില്‍ എനിക്ക് നഷ്ടമാണ്. എന്റെ കഥാപാത്രം ഒന്നുമല്ലാത്തത് പോലെയായി.’

‘ഞാനല്ല എന്റെ സൗണ്ട് ഡബ്ബ് ചെയ്തത്. സാധാരണ എല്ലാ സിനിമകല്‍ലും ഞാനാണ് ഡബ്ബ് ചെയ്യുന്നത്. പക്ഷേ അന്നത് സാധിച്ചില്ല. സിനിമയിലെ എന്റെ കഥാപാത്രത്തെ കുറിച്ച് വലിയ പ്രതീക്ഷയായിരുന്നു. അതുകൊണ്ട് സിനിമയുടെ റിലീസിന് വേണ്ടി കാത്തിരിക്കുകയായിരുന്നു’ മാസ്റ്റര്‍ ബിന്‍ യൂട്യൂബ് ചാനലിന് നല്‍കിയ അഭിമുഖത്തില്‍ സോന നായര്‍ പറഞ്ഞു.