കലാഭവന്‍ മണിയുടെ അനുജന്‍ ആര്‍എല്‍വി രാമകൃഷ്ണനെ ഓണ്‍ലൈന്‍ നൃത്തം അവതരിപ്പിക്കാന്‍ സമ്മതിക്കാതിരുന്ന സംഗീത നാടക അക്കാദമി സെക്രട്ടറിക്കെതിരെ ശക്തമായ പ്രതിഷേധം നടക്കുകയാണ്. ഇതിന് പിന്നാലെ നിരവധി ആരോപണങ്ങള്‍ സെക്രട്ടറിയായ രാധാകൃഷ്ണനെതിരെ ഉയര്‍ത്തിരുന്നു. ജാതിവിവേചനം നടത്തിയ സംഗീത നാടക അക്കാദമി സെക്രട്ടറിയെ മാറ്റണമെന്ന് ആവശ്യപ്പെട്ട് നാടകപ്രവര്‍ത്തകര്‍ നടത്തുന്ന സമരത്തിന് പിന്തുണ അര്‍പ്പിച്ച് പ്രമുഖര്‍ രംഗത്തെത്തിയിട്ടുണ്ട്. ഇപ്പോള്‍ ഇക്കാര്യത്തില്‍ എത്രയും വേഗം നടപടിയെടുക്കണം എന്നാവശ്യപ്പെട്ട് നടന്‍ സന്തോഷ് കീഴാറ്റൂരിന്റെ പോസ്റ്റ് ശ്രദ്ധനേടുകയാണ്.. സാസ്‌കാരിക വകുപ്പ് മന്ത്രി എകെ ബാലനുള്ള തുറന്ന കത്തിലൂടെയാണ് താരത്തിന്റെ ആവശ്യം. കലാകാരന്മാരെ നിന്ദിക്കുന്ന, അവഹേളിക്കുന്ന ഒരു സെക്രട്ടറിയുടെ ദുര്‍ഭരണത്തിനെതിരെയാണ് സഹികെട്ട് നാടകക്കാര്‍ സമരവുമായി ഇറങ്ങിയിരിക്കുന്നത്. ഇത്രയും അവമതിപ്പ് ഉണ്ടാക്കിയ സെക്രട്ടറിയെ ഇനിയും ആ കസേരയില്‍ ഇരുത്തണോ. ഇടതുപക്ഷ സര്‍ക്കാര്‍ ഭരിക്കുമ്പോള്‍ ഞങ്ങള്‍ നാടകക്കാര്‍ക്ക് നീതി ലഭിക്കുന്നില്ലെങ്കില്‍ എവിടെ കിട്ടും നീതി എന്നാണ് സന്തോഷ് ചോദിക്കുന്നത്. തെരഞ്ഞെടുപ്പ് വരുമ്പോള്‍ തെരുവു നാടകം കളിക്കാന്‍ വേണ്ടി മാത്രം നാടകക്കാരെ തേടി വരാതെ ഞങ്ങളെ ചേര്‍ത്ത് പിടിക്കണമെന്നും താരം പറയുന്നു.
സന്തോഷ് കീഴാറ്റൂരിന്റെ ഫേയ്‌സ്ബുക്ക് പോസ്റ്റ്
ബഹുമാന്യനായ കേരള സാംസ്‌കാരിക വകുപ്പ് മന്ത്രി അറിയാന്‍,
സാര്‍,
കഴിഞ്ഞ കുറെ ദിവസങ്ങളായി ഞങ്ങളുടെ സഹോദരങ്ങള്‍ നാടകക്കാര്‍ കേരളത്തിന്റെ സാംസ്‌കാരിക തലസ്ഥാനം എന്നറിയപ്പെടുന്ന തൃശ്ശൂരില്‍ കേരള സംഗീത നാടക അക്കാദമിയുടെ മുന്നില്‍ കോവിഡ് മാനദണ്ഡങ്ങള്‍ എല്ലാം പാലിച്ചുകൊണ്ട് പൊരിവെയില്‍ കൊണ്ടും, മഴ നനഞ്ഞും സര്‍ഗ്ഗാത്മകമായ രീതിയില്‍ സമരം ചെയ്യുകയാണ്.ഈ ദുരിതകാലത്ത് നാടകപ്രവര്‍ത്തകര്‍ സമരമുഖത്ത് ഇറങ്ങുവാനുള്ള കാരണങ്ങളൊക്കെ അങ്ങ് അറിഞ്ഞു കാണുമല്ലൊ. കലാകാരന്മാരെ നിന്ദിക്കുന്ന, അവഹേളിക്കുന്ന ഒരു സെക്രട്ടറിയുടെ ദുര്‍ഭരണത്തിനെതിരെയാണ് സഹികെട്ട് നാടകക്കാര്‍ സമരവുമായി ഇറങ്ങിയിരിക്കുന്നത്.....
നവോത്ഥാന കേരളം പടുത്തുയര്‍ത്താന്‍ കേരളത്തിലെ നാടകങ്ങളും, നാടകപ്രവര്‍ത്തകരും വിയര്‍പ്പൊഴുക്കിയത് ചരിത്രം രേഖപ്പെടുത്തിയതാണ്
പാട്ടബാക്കി
നിങ്ങളെന്നെ കമ്യുണിസ്റ്റാക്കി
അടുക്കളയില്‍നിന്ന്അരങ്ങത്തേക്ക്
നമ്മളൊന്ന്
കൂട്ടുകൃഷി
നല്ലമനുശ്യനാവാന്‍നോക്ക്
ഋതുമതി
മാറ്റത്തിന്റെ വിത്ത് വിതച്ച നാടകങ്ങളുടെ പേരുകള്‍ എഴുതി തീര്‍ക്കാന്‍ എന്റെ മൊബൈലിലെ ജിബി മതിയാവാത്തതു കൊണ്ട് എഴുതുന്നില്ല സാര്‍..
ഒന്ന് പിറകിലോട്ട് തിരിഞ്ഞ് നോക്കിയാല്‍ മതി ....
സാര്‍,
ഇത്രയും അവമതിപ്പ് ഉണ്ടാക്കിയ സെക്രട്ടറിയെ ഇനിയും ആ കസേരയില്‍ ഇരുത്തണോ...
ഇടതുപക്ഷ സര്‍ക്കാര്‍ ഭരിക്കുമ്പോള്‍ ഞങ്ങള്‍ നാടകക്കാര്‍ക്ക് നീതി ലഭിക്കുന്നില്ലെങ്കില്‍ ഞങ്ങള്‍ക്ക് എവിടെ കിട്ടും നീതി.
തിരഞ്ഞെടുപ്പ് വരുമ്പോള്‍ തെരുവു നാടകം കളിക്കാന്‍ വേണ്ടി മാത്രം ഞങ്ങള്‍ നാടകക്കാരെ തേടി വരാതെ..
ഞങ്ങളെ ചേര്‍ത്ത് പിടിക്കൂ.... തെരുവില്‍ സമാധാനത്തോടെ സമരം ചെയ്യുന്ന ഞങ്ങളുടെ നാടക പ്രവര്‍ത്തകര്‍ക്ക് ഒരു പനി വന്നാല്‍ കുടുംബം പട്ടിണിയാവും.
മണിമാളികകളോ, ബാങ്ക് എഫ്ഡിയോ ഉള്ളവരല്ല കേരളത്തിലെ നാടകക്കാര്‍.നേരിന്റെ പക്ഷത്ത് നില്‍ക്കുന്നവരാണ്
സ്‌നേഹത്തിന്റെ പാട്ട് പാടുന്നവരാണ്
വിപ്ലവത്തിന്റെ വിത്ത് വിതക്കുന്നവരാ.....
ഞങ്ങളുടെ സമരം ന്യുസ് പ്രൈം ടൈമില്‍ ചര്‍ച്ച ചെയ്യില്ല എന്നറിയാം
പത്രതാളുകളില്‍ വാര്‍ത്തയും ആകില്ല..
എത്രയും പെട്ടെന്ന് സമരമുഖത്തുള്ള നാടകക്കാരുമായി ചര്‍ച്ച നടത്തി ഉചിതമായ തീരുമാനം എടുക്കും എന്ന് പ്രതീക്ഷിക്കുന്നു....
എന്ന്
സ്‌നേഹപൂര്‍വ്വം
സന്തോഷ് കീഴാറ്റൂര്‍
Premium Lifestyle and Entertainment website
ഒടുവില്‍ അനുയോജ്യമായ ജീവിതപങ്കാളിയെ കണ്ടെത്തിയെന്ന് ആര്യ; ബിഗ്‌ ബോസ് താരം സിബിനും ആര്യയും ഒരുമിക്കുന്നു; വിവാഹ നിശ്ചയ ചിത്രം പുറത്ത് വിട്ട് കുറിപ്പുമായി താരം; ഇരുവരുടെതും രണ്ടാം വിവാഹം
മാനന്തവാടിയിലെ ഓട്ടോറിക്ഷാ ഡ്രൈവറുടെ മകള്‍; സീരിയല്‍ ഓഡിഷനു പോകവേ മൊട്ടിട്ട പ്രണയം; വിവാഹനിശ്ചയത്തിനു പിന്നാലെ ബ്രേക്കപ്പും; സീരിയല്‍ നടി ഷില്‍ജി മരിയയെ അറിയാം
സീ കേരളം ചാനലിലെ വാത്സല്യം സീരിയലിന്റെ ഭാഗമായി ഞാനുണ്ടാകില്ല; പരമ്പരയില്‍ നിന്നും പിന്മാറിയതായി മീനാക്ഷിയായി എത്തുന്ന നടി രേവതി കൃഷ്ണ