ഏറ്റവും അടുപ്പമുള്ള നടി ഉർവശി ആണ്; നിങ്ങളൊരു ഹീറോ ആണ് എന്ന് പറഞ്ഞ് കോൺഫിഡൻസ് തന്നിട്ടുള്ളത് ഉർവശി ആണ്: ജഗതീഷ്

മലയാളസിനിമയില്‍ നായകനായും ഹാസ്യ താരമായും സ്വഭാവനടനായുമെല്ലാം സ്ഥാനമുറപ്പിച്ച ആളാണ് ജഗദീഷ്. ബാങ്ക് ഉദ്യോഗസ്ഥന്‍ ആയി തുടങ്ങി പിന്നാലെ  കോളേജില്‍ അധ്യാപകന്‍ അവിടെ നിന്ന് 1984ല്‍ മൈഡിയര്‍ കുട്ടിച്ചാത്തനിലൂടെ നടനായി. നിരവധി ശ്രദ്ധേയമായ കഥാപാത്രങ്ങളെ ആണ് താരം പ്രേക്ഷകർക്ക് സമ്മാനിച്ചത്. എന്നാൽ ഇപ്പോൾ  ഉർവശിയെപ്പറ്റി നടൻ ജ​ഗദീഷ് ജെബി ജം​ഗ്ഷനിൽ പറഞ്ഞ വാക്കുകളാണ് വീണ്ടും പ്രേക്ഷക ശ്രദ്ധ നേടുന്നത്. തൻ്റെ ജീവിതത്തിൽ ഏറ്റവും വലിയ കടപ്പാടുള്ള നടിയും സുഹൃത്തുമാണെന്നാണ് അന്ന് ജ​ഗദീഷ് പറഞ്ഞത്.

തനിക്കേറ്റവും അടുപ്പമുള്ള നടി ഉർവശി ആണ്. താനൊരു കൊമേഡിയനാണെന്നുള്ള ധാരണ മാറ്റിയിട്ട് നിങ്ങൾക്കൊരു ഹീറോ ആവാനാവും നിങ്ങളൊരു ഹീറോ ആണ് എന്ന് പറഞ്ഞ് തനിക്ക് കോൺഫിഡൻസ് തന്നിട്ടുള്ളത് ഉർവശി ആണ്. കാരണം ഉർവശി വളരെ സീനിയറായ ഒരു ഹീറോയിനാണ്.

മമ്മൂട്ടിയുടെയും മോ​ഹൻലാലിന്റെയും കമൽ ഹാസന്റെയും ടോപ് ഹീറോയിൻ അവരോടാെപ്പമഭിനയിച്ച് ജ​ഗദീഷിന്റെ ഹീറോയിനായിട്ട് വരുമ്പോൾ ഇൻഡസ്ട്രിയിൽ മുഴുവൻ സംസാരമായിരുന്നു. ഉർവശി താഴോട്ട് പോയി, ജ​ഗദീഷിന്റെ ഹീറോയിനായി എന്ന് പറഞ്ഞു’ആ സമയത്ത് അത് മെെൻഡ് ചെയ്യാതെ തന്റെ ഹീറോയിനായി ആറേഴ് സിനിമകളിൽ അഭിനയിച്ച ഉർവശിയോട് തനിക്ക് ജീവിതത്തിൽ വലിയ കടപ്പാടുണ്ട്.

തന്റെയും ശ്രീനിവാസന്റെയും നായികയായി അഭിനയിച്ചതിന്റെ പേരിൽ ഉർവശിയെ ഒരുപാട് പേർ പരിഹസിച്ചുവെങ്കിലും അവർ അതൊന്നും മെെൻഡ് ചെയ്യാതെ മുന്നോട്ടു പോയെന്നും ജ​ഗദീഷ് കൂട്ടിച്ചേർത്തു.