ജോക്വിന്‍ ഫീനിക്‌സ് നായകനാകുന്ന ചിത്രം 'ജോക്കര്‍' രണ്ടാം ഭാഗത്തിന്റെ ടീസര്‍ പുറത്തുവിട്ടു. ഫീനിക്‌സിന്റെയും ലേഡി ഗാഗയുടെയും കഥാപാത്രങ്ങളെ പരിചയപ്പെടുത്തുന്നതാണ് ടീസര്‍. സംഗീതത്തിന് ഏറെ പ്രധാനയമുള്ള സിനിമയില്‍ ഹാര്‍ലി ക്വിന്‍ ആയാണ് ലേഡി ഗാഗ എത്തുന്നത്.
റിലീസ് ചെയ്തു മണിക്കൂറുകള്‍ പിന്നിടുമ്പോള്‍ ടീസറിന് മികച്ച പ്രതികരണം തന്നെ ലഭിക്കുന്നുണ്ട്. ലേഡി ഗാഗയ്ക്ക് സിനിമയിലൂടെ ഓസ്‌കാര്‍ അവാര്‍ഡ് ലഭിക്കും എന്ന് ആരാധകര്‍ കമന്റ് ചെയ്യുന്നു.ഡിസി കോമിക്ക്സിലെ ജോക്കറിനെ ആസ്പദമാക്കിയാണ് സിനിമ ഒരുങ്ങുന്നത്. കോമിക്ക്‌സ് പ്രകാരം ജോക്കറുമായി പ്രണയത്തിലാകുന്ന കഥാപാത്രമാണ് ഹാര്‍ലി ക്വിന്‍. അര്‍ഖാം അസൈലത്തിലെ ജോക്കറിന്റെ സൈക്കാര്‍ട്ടിസ്റ്റായ ക്വിന്‍ അയാളുമായി പ്രണയത്തിലാവുകയും കുറ്റകൃത്യങ്ങളില്‍ പങ്കാളിയാകുകയും ചെയ്യുന്നു.
ഡിസിഇയു സിനിമകളില്‍ മാര്‍ഗോട്ട് റോബിയാണ് ഹാര്‍ലി ക്വിന്നിനെ അവതരിപ്പിക്കുന്നത്. കഥാപാത്രമായുള്ള റോബിയുടെ പ്രകടനത്തിന് ഏറെ പ്രശംസയും ലഭിക്കുന്നുണ്ട്. ജെയിംസ് ഗണ്ണിന്റെ 2021-ല്‍ പുറത്തിറങ്ങിയ 'ദി സൂയിസൈഡ് സ്‌ക്വാഡ്' എന്ന ചിത്രത്തിലാണ് നടി അവസാനമായി ക്വിന്നിനെ അവതരിപ്പിച്ചത്. 'ജോക്കര്‍: ഫോളി എ ഡ്യൂക്‌സ്' എന്ന് പേരിട്ടിരിക്കുന്ന പുതിയ സിനിമ 2024 ഒക്ടോബര്‍ നാലാം തീയതിയാണ് റിലീസ് ചെയ്യുന്നത്.
ആദ്യ ഭാഗം റിലീസ് ചെയ്ത് കൃത്യം അഞ്ച് വര്‍ഷത്തിന് ശേഷമാണ് രണ്ടാം ഭാഗം എത്തുന്നത്. ടോഡ് ഫിലിപ്‌സ് ആണ് ചിത്രം സംവിധാനം ചെയ്യുന്നത്. 2019ല്‍ പുറത്തിറങ്ങിയ 'ജോക്കര്‍' ആദ്യ ഭാഗം മികച്ച വിജയം തന്നെ കൈവരിച്ചിരുന്നു. ഗോതം സിറ്റിയിലുള്ള ആര്‍തര്‍ ഫ്‌ലെക്ക് എന്ന സ്റ്റാന്‍ഡ് അപ്പ് ഹാസ്യനടന്‍ എങ്ങനെ ജോക്കര്‍ എന്ന സൂപ്പര്‍വില്ലനായി മാറുന്നു എന്നാണ് സിനിമ പറയുന്നത്.
Premium Lifestyle and Entertainment website
സ്‌നേഹം ചാലിച്ച വാട്‌സാപ്പ് മെസേജുകള്‍; പേയ്‌മെന്റ് ഡീറ്റെയില്‍സ് പരിശോധിച്ചപ്പോള്‍ ഏഴ് ലക്ഷം രൂപയുടെ തിരമറി; ചോദ്യം ചെയ്യതതിലൂടെ പിടികൂടിയത് ലക്ഷങ്ങളുടെ തട്ടിപ്പ്; ദിയയെ ട്രാപ്പിലാക്കി മൂവര്‍ സംഘം വീഴ്ത്തിയത് ഇങ്ങനെ; സിന്ധു കൃഷ്ണയുടെ ശബ്ദ സന്ദേശം പുറത്ത്
പേടിക്കേണ്ടമ്മ ഞങ്ങള്‍ സുരക്ഷിതരാണ്; പിന്നലെ എത്തുന്നത് അപകടവാര്‍ത്ത; നെറ്റില്‍ തപ്പി ആശുപത്രിയിലേക്ക് വിളിച്ചിട്ടും കൃത്യവിവരമില്ല; പിറ്റേന്ന് കേട്ടത്ത് ആ ദുരന്തവാര്‍ത്ത; കെനിയയിലെ വാഹനാപകടത്തില്‍ റിയയ്ക്കും ടൈറയ്ക്കും സംഭവിച്ചത്