മൈ സ്റ്റോറിക്ക് ശേഷം തിരക്കഥ എഴുതി ശഹ്കര്മാകൃഷ്ണന് സംവിധാനം ചെയ്ത സിനിമയാണ് പതിനെട്ടാംപടി. ചിത്രം തീയറ്ററുകളില് സമ്മിശ്ര പ്രതികരണം ഏറ്റുവാങ്ങിയാണ് മുന്നേറുന്നത്. ചിത്രത്തെ കുറിച്ച് വികാരാധീനനായി രംഗത്തെത്തിയിരിക്കുകയാണ് നടന് അനൂപ് മേനോന്.
ഈ ചിത്രമെടുക്കാന് ശങ്കര് അനുഭവിച്ച വേദനയും ശകാരങ്ങളുമെല്ലാം താന് നേരിട്ടു കണ്ടിട്ടുള്ളതാണെന്നും എന്നാല് അതിനെയെല്ലാം മറികടന്ന് പുതിയ സംവിധായകര്ക്കു മുന്നില് പ്രചോദനമാവുകയാണ് ശങ്കര് രാമകൃഷ്ണന് എന്ന സംവിധായകന് എന്നും അനൂപ് മേനോന് ഫേസ്ബുക്കില് കുറിച്ചു.
''പതിനെട്ടാംപടി കണ്ടു.. അതിരറ്റ സിനിമാനുഭവമാണ്... ഓരോ ചെറിയ അംശവും എനിക്കിഷ്ടപ്പെട്ടു.. ശങ്കര് രാമകൃഷ്ണന്.. പ്രിയപ്പെട്ട ശങ്കൂ.. ഇന്നത്തെ ദിവസം നിന്റേതാണ്.. മലയാളത്തിലെ തന്നെ മികച്ച ചിത്രങ്ങളെടുത്താല് അതിലൊന്നാകുമിത്.. ഈ ചിത്രമെടുക്കാന് നീ നേരിട്ട വേദനയും അനുഭവിച്ച ഹീനമായ താഴ്ത്തിക്കെട്ടലുകളും ശകാരങ്ങളും ഞാന് കണ്ടിട്ടുള്ളതാണ്.
പുതിയ സിനിമാമോഹികള്ക്കും നവാഗതരായ സംവിധായകര്ക്കും മുകളില് നീ പ്രചോദനമായി ഉയര്ന്നു നില്ക്കുകയാണ്. എത്ര ബൃഹത്തായ പരിശ്രമം.. എത്ര ഭംഗിയായി നിര്വഹിച്ചു.. നിങ്ങള് ഓരോരുത്തരും ഈ സിനിമ കാണണം, ഈ കലര്പ്പില്ലാത്ത സിനിമാസംവിധായകന് കൂടുതല് കരുത്താര്ന്ന ചിറകുകള് നല്കണം.. മനസില് സ്നേഹവും അഭിമാനവും നിറയുന്നു..''- അനൂപ് മേനോന് കുറിച്ചു.
കേരള കഫേയിലെ ഐലന്റ് എക്സ്പ്രെസ് എന്ന ചിത്രത്തിന് ശേഷം തിരക്കഥാകൃത്തും നടനുമായ ശങ്കര് രാമകൃഷ്ണന് സംവിധാനം ചെയ്യുന്ന ചിത്രമാണ് പതിനെട്ടാംപടി. പുതുമുഖങ്ങള്ക്കൊപ്പം മമ്മൂട്ടി, പൃഥ്വിരാജ്, ആര്യ, ഉണ്ണി മുകുന്ദന് എന്നിവരും ചിത്രത്തിലുണ്ട്. അഹാന കൃഷ്ണകുമാറാണ് നായികമാരില് ഒരാള്. എ.കെ.കാഷിഫ് സംഗീതവും സുദീപ് എളമണ് ഛായാഗ്രഹണവും നിര്വഹിക്കുന്നു. ആഗസ്റ്റ് സിനിമ ആണ് നിര്മ്മാണം.
Premium Lifestyle and Entertainment website
കല്യാണം കഴിച്ചിട്ടില്ല.. കുട്ടികളില്ല... എന്നിട്ടും ബയോളജിക്കലി ഏറെ ബുദ്ധിമുട്ടില്;ഒന്നിലും തൃപ്തി തോന്നുന്നില്ല; നേരെ ഉറങ്ങാന് ബുദ്ധിമുട്ട്; ബോഡി പെയിന് കൂടുന്നു; ഭയങ്കര തോള് വേദനയും ഉണ്ട്; 43 വര്ഷത്തില് എനിക്കിങ്ങനെ ഉണ്ടായിട്ടില്ല;പെരിമെനോപോസ് കാലത്തെക്കുറിച്ച് രഞ്ജിനി ഹരിദാസ് 
ദിവസങ്ങള് കടന്നുപോകുമ്പോള് തിരിച്ചറിയുന്നത് എനിക്കൊരിക്കലും ഇതിനോട് പൂര്ണ്ണമായി പൊരുത്തപ്പെടാന് കഴിയില്ലെന്നാണ്; ഏറ്റവും നല്ല വസ്ത്രങ്ങള് വാങ്ങിത്തന്നതിന്; ആദ്യ വിമാന ടിക്കറ്റ് എടുത്തു തന്നതിന്.. അമ്മയ്ക്ക് മനോഹരമായൊരു ബാല്യം നല്കിയതിന്.. നന്ദി; ഇനി ഞാന് ആരെ അപ്പൂപ്പ എന്ന് വിളിക്കും' ; കുറിപ്പ് പങ്കുവച്ച് അഹാന കൃഷ്ണ
ആലപ്പുഴ ജില്ലയിലെ നൂറനാടുകാരന്; ഹിന്ദുവായ അച്ഛനും ക്രിസ്ത്യാനിയായ അമ്മയ്ക്കും മൂത്തമകനായി ജനനം; പഠനം പാതിവഴിയില് അവസാനിപ്പിച്ച് ജോലിയിലേക്ക്; അയല്ക്കാരിയുമായുള്ള സൗഹൃദം വിവാഹത്തിലേക്ക്; കേരളത്തിലെ ആദ്യത്തെ ചരിത്ര ടെലിവിഷനിലൂടെ അഭിനയത്തിലേക്ക്; തലച്ചോറിനുള്ളിലെ ട്യൂമറുമായി ജീവിതം പുഞ്ചിരിച്ച് നേരിട്ട കടമറ്റത്ത് കത്തനാരുടെ കഥ