സുരേഷ് ഗോപിയും ബിജു മേനോനും ഒന്നിക്കുന്ന ലീഗല് ത്രില്ലറായ 'ഗരുഡന്റെ' ലൊക്കേഷന് വീഡിയോ അണിയറ പ്രവര്ത്തകര് പുറത്തുവിട്ടു. പോസ്റ്റ് പ്രൊഡകഷന് ജോലികള് പൂര്ത്തിയാക്കി നവംബര് ആദ്യം റിലീസിന് തയ്യാറെടുക്കുന്ന ചിത്രം മാജിക് ഫ്രെയിംസിന്റെ ബാനറില് ലിസിറ്റന് സ്റ്റീഫന് ആണ് നിര്മ്മിക്കുന്നത്.ലിസ്റ്റിന് സ്റ്റീഫന് ആണ് മേക്കിംഗ് വീഡിയോ പുറത്തു വിട്ടിരിക്കുന്നത്.
അരുണ് വര്മ്മയാണ് ചിത്രം സംവിധാനം ചെയ്യുന്നത്. ഹിറ്റ് ചിത്രമായ 'അഞ്ചാം പാതിര'ക്ക് ശേഷം മിഥുന് മാനുവല് തോമസ് തിരക്കഥ രചിച്ച് സംവിധാനം ചെയ്യുന്ന ചിത്രമാണിത്. നീതിക്ക് വേണ്ടി പോരാടുന്ന ഒരു പൊലീസ് ഓഫീസറുടെയും കോളേജ് പ്രൊഫസറുടെയും ജീവിതത്തിലൂടെയാണ് ചിത്രം കടന്നു പോകുന്നത്.
സിദ്ദിഖ്, ദിലീഷ് പോത്തന്, ജഗദീഷ്, അഭിരാമി, ദിവ്യ പിള്ള, തലൈവാസല് വിജയ്, അര്ജുന് നന്ദകുമാര്, മേജര് രവി, ബാലാജി ശര്മ, സന്തോഷ് കീഴാറ്റൂര്, രഞ്ജിത്ത് കങ്കോല്, ജെയ്സ് ജോസ്, മാളവിക, ജോസുകുട്ടി, ചൈതന്യ പ്രകാശ് എന്നിവരാണ് ചിത്രത്തിലെ പ്രധാന താരങ്ങള്.
ലീഗല് ത്രില്ലര് മൂഡില് ഒരുങ്ങുന്ന ഗരുഡന് കൊച്ചി, ഹൈദരാബാദ് എന്നിവിടങ്ങളിലായാണ് ഷൂട്ടിംഗ് പൂര്ത്തിയാക്കിയത്. അജയ് ഡേവിഡ് കാച്ചപ്പള്ളിയാണ് ഛായാഗ്രഹണം. അതേസമയം, 11 വര്ഷത്തിന് ശേഷം സുരേഷ് ഗോപിയും ബിജു മേനോനും ഒന്നിക്കുന്ന ചിത്രമാണിത്.
കളിയാട്ടം', 'പാത്രം', 'എഫ്ഐആര്' തുടങ്ങി നിരവധി ഹിറ്റ് ചിത്രങ്ങളിലാണ് ഇരുവരും ഒരുമിച്ച് പ്രവര്ത്തിച്ചത്. 2010ല് 'രാമരാവണന്' എന്ന സിനിമയായിരുന്നു സുരേഷ് ഗോപിക്കൊപ്പം ബിജു മേനോന് അവസാനമായി അഭിനയിച്ചത്.
Premium Lifestyle and Entertainment website
രേണു പോരാട്ടത്തിന്റെ നടുവിലാണ്; ചെറുതല്ലാത്ത രോഗത്തോട് ധൈര്യത്തോടെ പൊരുതുകയാണ്; മെഡിക്കല് റിപ്പോര്ട്ട് പ്രകാരം രോഗം കൂടുതല് സാരമായി ബാധിച്ചു; കോട്ടയം മെഡിക്കല് കോളേജില് തുടര് ചികിത്സ ആരംഭിക്കും; ബിഷപ് നോബിള് ഫിലിപ്പ് അമ്പലവേലില് സുധിലയത്തില് എത്തിയ ചിത്രം പങ്ക് വച്ച് ഫിറോസ് കെഎച്ച്ഡിഇസി കുറിച്ചത്
പ്രഭുദേവയുടെ കൊറിയോഗ്രാഫിയില് നര്ത്തകനായി തുടക്കം; നൊറാ ഫത്തേഹിയുമായുള്ള അടുപ്പം നല്കിയ ലോക വേദി; ഫുട്ബോള് ലോകകപ്പില് മലയാളിയുടെ ചുവടുകള്; ഔദ്യോഗിക ഗാനത്തിന് നൃത്തസംവിധാനമൊരുക്കി പാലക്കാട്ടുകാരന്; ഫിഫ ആല്ബവുമായി സഹകരിക്കുന്ന ആദ്യ ഇന്ത്യക്കാരനായി രജിത് ദേവിനെ അറിയാം