മലയാള സിനിമാ സംഘടനയായ അമ്മയുടെ തിരഞ്ഞെടുപ്പ് ഫലത്തെക്കുറിച്ചുള്ള മാധ്യമചോദ്യങ്ങള്‍ക്ക് നടി ഭാവന പ്രതികരിക്കാതെ വിട്ടുമാറി. ''അതിനെക്കുറിച്ച് ഇപ്പോള്‍ ഒന്നും പറയാനില്ല. പിന്നാലെ ഏതെങ്കിലും അവസരത്തില്‍ സംസാരിക്കാം. ഞാന് ഇപ്പോള്‍ 'അമ്മ'യിലെ അംഗമല്ല'' ഭാവന മാധ്യമങ്ങളോട് പറഞ്ഞു.
ഇതിനിടെ, സംഘടനയുടെ പുതിയ ഭാരവാഹികളെ തെരഞ്ഞെടുക്കുന്ന വോട്ടെടുപ്പ് ഇന്നലെ വൈകുന്നേരമാണ് പൂര്‍ത്തിയായത്. ശ്വേതാ മേനോന്‍ പ്രസിഡന്റായും കുക്കു പരമേശ്വരന്‍ ജനറല്‍ സെക്രട്ടറിയായും തിരഞ്ഞെടുക്കപ്പെട്ടു. വൈസ് പ്രസിഡന്റുമാരായി ജയന്‍ ചേര്‍ത്തല, ലക്ഷ്മിപ്രിയ എന്നിവരും, ട്രഷററായി ഉണ്ണി ശിവപാല്‍യും, ജോയിന്റ് സെക്രട്ടറിയായി അന്‍സിബയും സ്ഥാനമേറ്റു. പ്രസിഡന്റ് സ്ഥാനാര്‍ത്ഥിയായിരുന്ന നടന്‍ ദേവനെ 27 വോട്ടിനാണ് ശ്വേത തോല്‍പ്പിച്ചത്. ജനറല്‍ സെക്രട്ടറി സ്ഥാനത്ത് കുക്കു, രവീന്ദ്രനെ 37 വോട്ടിനാണ് പരാജയപ്പെടുത്തിയത്.
ആകെ 507 അംഗങ്ങളില്‍ 298 പേരാണ് വോട്ടു ചെയ്തത്. വോട്ടെടുപ്പില്‍ മോഹന്‍ലാല്‍, സുരേഷ് ഗോപി, ടൊവിനോ, ജയസൂര്യ, മുകേഷ്, സിദ്ധിഖ്, ജഗദീഷ് എന്നിവരും പങ്കെടുത്തു. എന്നാല്‍ ചെന്നൈയില്‍ ആയതിനാല്‍ മമ്മൂട്ടിക്ക് എത്താനായില്ല. ഫഹദ് ഫാസില്‍, ദുല്‍ഖര്‍ സല്‍മാന്‍, കുഞ്ചാക്കോ ബോബന്‍, ആസിഫ് അലി, ഉണ്ണി മുകുന്ദന്‍, മഞ്ജു വാരിയര്‍, ഉര്‍വശി, നിവിന്‍ പോളി തുടങ്ങി നിരവധി പ്രമുഖര്‍ തെരഞ്ഞെടുപ്പില്‍ നിന്ന് വിട്ടുനിന്നു. തിരഞ്ഞെടുപ്പ് നടപടികള്‍ അഭിഭാഷകന്‍ മനോജ് ചന്ദ്രന്‍ വരണാധികാരിയായി, പൂജപ്പുര രാധാകൃഷ്ണന്‍ , കുഞ്ചന്‍ എന്നിവര്‍ ചേര്‍ന്ന് നിയന്ത്രിച്ചു.
Premium Lifestyle and Entertainment website
വിദേശത്ത് യാത്ര ചെയ്യുമ്പോള്‍ ഇക്കാര്യങ്ങള്‍ ശ്രദ്ധിക്കാം
ചുണ്ടുകള്‍ വരണ്ട് പൊട്ടുന്നുണ്ടോ? ഇക്കാര്യങ്ങള്‍ ചെയ്ത് നോക്കു
കുട്ടികളിലെ അമിത വികൃതിയും ഹൈപ്പര്‍ ആക്ടിവിറ്റിയും; തിരിച്ചറിയേണ്ട ലക്ഷണങ്ങള്‍
വീട്ടിലെ ജോലികള്‍ എളുപ്പമാക്കണോ; ഈ പൊടികൈകള്‍ ചെയ്തു നോക്കു
ചിക്കന്‍ സാന്‍വിച്ച് ഉണ്ടാക്കിയാലോ