വളരെ ചുരുങ്ങിയ കാലയളവില് ആക്ഷന് സിനിമകളിലൂടെ പ്രേക്ഷക ശ്രദ്ധ പിടിച്ചു പറ്റിയ നടനാണ് ആന്റണി വര്ഗീസ്. തന്റെ വരാനിരിക്കുന്ന മുഴുനീള ആക്ഷന് ചിത്രമായ 'ദാവീദ്' ന്റെ വാര്ത്തകളാണ് ഇപ്പോള് പുറത്തു വരുന്നത്. ചിത്രത്തിന്റെ ഷൂട്ടിങ് പൂര്ത്തിയായെന്ന വിവരമാണ് നിര്മാതാക്കള് സാമൂഹ മാധ്യമങ്ങളിലൂടെ പുറത്തു വിട്ടിരിക്കുന്നത്. 71 ദിവസം കൊണ്ട് ചിത്രീകരണം പൂര്ത്തിയാക്കിയ സിനിമയില് ആഷിക് അബു എന്ന ബോക്സറുടെ വേഷമാണ് ആന്റണി അവതരിപ്പിക്കുന്നത്.
ജോണ് ആന്ഡ് മേരി ക്രിയേറ്റീവ്, സെഞ്ച്വറി ഫിലിംസ്, മാക്സ്ലാബ്, പനോരമ സ്റ്റുഡിയോസ് എന്നിവര് ചേര്ന്നാണ് 'ദവീദ്' നിര്മ്മിക്കുന്നത്. നവാഗതനായ ഗോവിന്ദ് വിഷ്ണുവാണ് ചിത്രത്തിന്റെ സംവിധാനം. 'ദാവീദ്' ന്റെ തിരക്കഥ ഗോവിന്ദ് വിഷ്ണുവും, ദീപു രാജീവും ചേര്ന്നാണ് ഒരുക്കിയിരിക്കുന്നത്. ഒരു ആക്ഷന്-പാക്ക്ഡ് എന്റര്ടെയ്നറയാണ് ചിത്രം എത്തുക.
ലിജോമോള് ജോസ്, വിജയരാഘവന്, സൈജു കുറുപ്പ്, കിച്ചു ടെല്ലസ്, ജെസ് കുക്കു, മോ ഇസ്മായില് എന്നിവരാണ് ചിത്രത്തിലെ മറ്റ് പ്രധാന വേഷങ്ങള് അവതരിപ്പിക്കുന്നത്. സാലു കെ തോമസിന്റെ ഛായാഗ്രഹണവും രാകേഷ് ചെറുമാടത്തിന്റെ എഡിറ്റിംഗും നിര്വഹിക്കുന്ന ചിത്രത്തില്. ജസ്റ്റിന് വര്ഗീസാണ് സംഗീത സംവിധാനം. ആക്ഷന് സീക്വന്സുകള് കോറിയോഗ്രാഫ് ചെയ്തിരിക്കുന്നത് പിസി സ്റ്റണ്ട്സ് ആണ്.
Premium Lifestyle and Entertainment website
അച്ഛന്റെ പേര് വെറുതെ വിളിക്കരുത്! പക്ഷെ അതെല്ലാം അവഗണിച്ച് വീണ്ടും ആവര്ത്തിച്ചതും ആ ബന്ധത്തില് വിള്ളല്; പിന്നാലെ ബഡാ ഹൗസിലെ മറ്റൊരാളോട് തനിക്ക് ക്രഷ് തോന്നിയെന്നും മറുപടി; കടല് കൊമ്പനെ ഐശ്വര്യ തള്ളിപ്പറഞ്ഞോ? ബിഗ് ബോസിലെ ലൗ ട്രാക്ക് ചര്ച്ചകളില് 
ആശുപത്രിവാസത്തിനുശേഷം രേണു വീട്ടിലെത്തി; പ്രാര്ത്ഥിച്ചവര്ക്ക് നന്ദി പറഞ്ഞ് രേണുവിന്റെ വീഡിയോ; അഞ്ച് ദിവസത്തെ ആശുപത്രി വാസത്തിനുശേഷം രേണു വീട്ടിലെത്തി